¹ Jesucristo wa uximayatame, waɨritsika nexe'tsehe ni'airi. ta mamata huta kiekari xemanuhane. ² Ne iwama xe neuyu temamawieka kepauka intatsika tsie xemuka uka. ³ Ya xete a maitɨ ti inɨatsieni xɨka lasuni xete erieka. mɨkita xete uka nenewieka ka xenayexɨrimɨkɨ. ⁴ Xe ne pitɨaka newierika, mɨkɨ'ta katini'ta uximayatamɨkɨ xe hetsie, waɨka xe tsetseɨyeme xetse aye xɨrieni paɨna tixa kaxe rauye hɨakame. ⁵ Xɨka xewitɨ heiye hiaka retimatekenikɨ kakaɨyeri ke uta wawirieni, mɨkɨ xeikɨa ra pitɨani, katini pitiamikɨ aixɨ ti aneme, aixɨ iyarikɨ kakaɨyeri lasuni kate yeitɨiriemɨkɨ. ⁶ Lasuni xete erietɨ kakaɨyeri xete neuta wawiri, xe kate tawe'erietɨ xɨka xete tawe'erieka haramara eka kemure moinane hapaɨ xeteyu matsiɨkɨre. ⁷ Xɨka xewitɨ paɨ tikamieni tixaɨ kwati ikwewani yu ukiyaritsie timieme. ⁸ Mɨkɨ tewi kwaramate tita mɨ reuye hɨwa, naitzarie yu huyeta aixv kwaretikewe. ⁹ Ta iwa tixaɨ karexeiya ke yu temawieka kakaɨyeri aixɨ anekɨa kane yemɨkɨ. ¹⁰ Kepaita uki mu xiku yu tewinɨarikatsie kani mɨmɨkɨ tutu yautanaka hapaɨ ɨxatsi tsata ati wetɨ. ¹¹ Kepauka tau xɨkatɨ mati neni tutu maka wiwicnitsie, temaikɨyari ka ni mɨmɨkɨ, ɨxatsi moti wanitsie mɨpaɨ xiku kaniku mawirimɨkɨ yu huyeta. ¹² aixɨ ke itɨrieka uki moti newie yu inɨatsikatsie. Anyeyayu inɨatsikaya, tukari kaxɨwe kani kwewamɨkɨ, Me muye xatɨiyarie kepaɨ kakaɨyeri memu nake'erie. ¹³ Rewitɨ inɨatsietɨ kwa utayɨwe: kakaɨyeri ka nen inɨataneni. Kakaɨyari haxauti ane kwa'ita intatawe paɨna mɨkɨ kwatiyɨ intatakare. ¹⁴ Te yu xexuitɨ, tita reuye hɨwa kani intataneni, ka ni hanani, manayeyanikɨ takwapai. ¹⁵ Mata raku nexɨani tita nenreuye hiwa xɨrikiya tá utá were, mɨkí hatsɨa asye atɨani. ¹⁶ Xekateyu itaiyani ne iwama ne xetsi nake'erie. ¹⁷ Naitɨ imikieri aixɨti ane ta heima maka mieme. ¹⁸ Kakaɨyari katanaye hapani, wikwestɨarika tatsi pitɨanike, yu niuki mulasuni tsie iti pitɨ, mɨpaɨ ta tame matɨarieya ikwaxitemakɨne, naime tsata tita tiuti wewi. ¹⁹ Xeme xete amate umieme ne iwama nexes nake'erie, xe ne waran pitiaka naitɨ teɨteri menku enakavenikɨ, yapau katiuta xaxatani, paɨna yapau ka uye ha'awani. ²⁰ Uki ha'arikaya, kakaɨyari nɨ'arieyatsie kwati uximaya. ²¹ Ya umieme xe xɨrikiya xe neu hayewa, naime harti'ane. Xeka haɨyɨ ɨtɨ niuki xe nanpitɨaka mɨkɨ xe kɨpɨri kaniku wokweistɨamɨkɨ. ²² Kakaɨyeri niukieya xeikɨ Xekwaienieka, ya xetene yurieka. Xe hɨkɨate xekateyu itaiyanikɨ. ²³ Xɨka Xewitɨ kakaɨyeri niukieya xeikɨa enieka ya katikamietɨ, ikɨ potiyu matsiɨkɨre xikɨritsie oyoxeiya hapaɨ. ²⁴ Yu xeiyame muyemie ya tere ratɨmaiya kemɨraka'eriekai. ²⁵ Kepaita amaitɨ. Kakaɨyeri nɨ' arieyatsie yɨkɨ ɨwiya, ya tika mietɨ; kwa hɨkɨ kepai iku eniwatɨ ratɨmamaiya, ikɨ uki aixɨ kani itɨariemɨkɨ ke muti yurienetsie. ²⁶ Xɨka xewitɨ aixɨ tikamie ra'eriwani, tita motierie'tsie, yu neni kawa ketɨ, yu iyari katini itaiyani, titatsie ti erie tixaɨ kwatihɨkɨ. ²⁷ Titatsie tente'erie ka mitsikɨrietɨ kakaɨyeri tapapa hɨxie, ikɨ kani hɨkɨtɨni: Nutuite wa parewietɨ, wiuraxi wa kwiniyatsie, pe a utatɨ kwiepa timieme a hetsie ka hakahanikɨ.