¹ Ne ukiratsi, Gayo, m+ti yuritsie ne iti pit+ nepu atsinake' erie. ² Ne uxei ek+ ne asnake' erie ne ahetsieme ne punenenewie naimek+ aix+pereumienik+, aix+pereueriekak+ awaiyaritsie, ata+ta ke penti amate hapa+. ³ Ne punetitemawi wa+kawa ne iwama me mauk+k+nix+tsie , ya memuneteuxat+a ke pemureati ket+a m+ti yuritsie ya petikamiet+. ⁴ Wa+ka maxi ne puyuka temawiet+yeika ne niwema muti lasunitsie me muhu, ne ti enat+. ⁵ Ne as nake'erie ek+ts+ ya petikamie aiwama tsepa kewa petiwa uximayatsiriet+, hipame pa+na pekawa maikame akuxi, ⁶ m+k+ ahetsie mieme katinikuxatani kepentiyu nake'erie Kaka+yari kiekarieya h+xie. Aix+a kaniy+m+ xika wa huyeta pewa parewiem+k+ ya teuyuri Kaka+yari peti uximayatsirieka hapa+. ⁷ Ik+menaye k+ne Jetsutsi Cristo mete uximayatsiriet+, lasuni mekate'erie tixa+ me kwatewareta nake'erie. ⁸ Yaumiemeta tame tewaparewiekakeyu tay+ n+t+ yuritsie tete'uximayakak+. ⁹ Kaka+yari kiekareya netiwarta ut+iri, Diotrefes ta kareunpit+a ke tentekuxata, m+k+ xeik+a pinake anyekait+ tin+aka y+xa+ta. ¹⁰ Yaumieme x+ka ne heuyani, yanerei'erit+ani ke muti yuriene, hartiuti yuanemek+ niuki tati wewirie. ka yo temawiet+ kem+tiyurienetsie kawaraunpit+a ta iwama, ke pai ha+ mete yurieka meteku'eriwa ka tinwaran namirieka waranaye x+r+wat+ Kaka+yari kiekareyatsie ¹¹ Ne asnake'erie haxatiane pekwati +keni pa+ta aix+tiane kepai aix+ tiyuriene Kaka+yari hats+a kaniuyeikani, kepa+ta haxatiyuriene Kaka+yari kwaheitimaiwe. ¹² Demetrio hepa+sta nait+ aix+metekuxata tametsiere hepa+ts+tana aix+tetekuxata, eku peramate ketenteuyexats+ka m+ti lasuni ¹³ Wa+ka ne puareuxat+am+K+, ut+arikatsie yanekwa areuh+awim+k+. ¹⁴ Kwit+wa x+ka ne atsiexeiya a hamat+a ne tintixatam+k+. ¹⁵ Reke oxipit+arieka nait+ ena ahamikuma wa+ritsika me pu ye atseheyen+ari muwa naime ta hamikuma kenwareta h+awi.