¹ Ya umieme ekɨ ne niwe ne tse'iriyarieka Cristo Jesus graciayatsie. ² Ketita ɨkitɨarika ne hetsie petie eni waɨkawa me ka nierekaku kepai yuri memute'erie, teuteri aixɨ meteka'hu niwa hɨvitɨiaka mɨkɨ memika hɨ hipame metewata ɨkitɨani siere. ³ Ne hamatɨa siere ekɨ te newdeka nen 'uximatatɨa riekatsie, Cristo Jesús kuyaya aixi tikamie hapaɨ. ⁴ Xeitɨ kuya kwatiuti uximayatawe mapaɨtɨ kuxi u'erietɨyeikatɨ, paɨmɨ anetɨ kuxi yu ukiyari kwa uti uximayatsiriewe aixɨ anemekɨ. ⁵ Siere xɨka xeitɨ waikame, tixaɨ kwara iwa mɨtɨ xɨka yakatikayani kemaine nɨ'aritsie. ⁶ Aixɨ mɨkɨ yɨne etsame muka itsana yu uximayatsikatsie timieme mɨkɨ meri. ⁷ Ke neti'kuxatatsie neti erieka, kakaɨyari atsi pitɨani naime pemeti'enietɨyeikanikɨ. ⁸ Cristo jesús na eriwani, David nɨɨwarieyatsie mieme, mɨkite wa tsata kananuku ketɨarieni; ikɨ tinakeme kɨ neniku xatani evangelio tsie timieme. ⁹ Ya umiemekɨ ne netiniuka kwikwineni, neye natɨ ne hɨiatɨ ti nawayame hapaɨ; perotsi kakaɨyari niukieya kwa'aku wie. ¹⁰ Ya umiemekɨ ne neputi newie naime ikɨ, ke ane memanaye hapanie wahetsie mieme, mɨkɨ'ta siere wikweistɨarika memu pit'tariene Cristo Jesustsie gloria kaxɨwekametsie. ¹¹ Ikɨ xatsika kwati'itawa: "xɨka humatɨana te'u kwini, hamatɨana teniku wikweimɨkɨ paɨna. ¹² Xɨka tame tete'u newieni tame siere hamatiana teteneta 'uximayatamɨkɨ xɨka tame teɨika nani, mɨkɨ siere tatsi´ka nani. ¹³ Xɨka tame te'iku e'eriwani, mɨkɨ kwatatsiku eirieni, mɨkv hatsuaku kwayuka nani". ¹⁴ Yatiniware'ku eritvwani mikɨ ikɨtsie ti mieme niwara hɨritɨwani ta kakaɨyari hɨxie mekayuta te'ani yuniukitsie paɨte yɨaka, tixaɨ tekwate'a iwa ya'umiekɨ menixuti 'unani. ke'ane memiku 'eniwa. ¹⁵ Aixɨ pe anetɨ kakaɨyari hatsɨa kene yeyeikani hatsɨana, aixɨ peranaye xeiyarienikɨ, ti uximayatame tixaɨtsie kahauyu tewiya hapaɨ, niuki yuritsie timieme ɨkita aixi kemuti nake. ¹⁶ Xatsika haxa ranɨyɨtɨka pekwa'uye xatsikani mɨkɨ ka'ananuye witɨmɨkɨ waɨka atseta 'unake maxi. ¹⁷ Wa xatsikaya etsa hapaɨ kaniye weiyatɨyeimɨkɨ, mɨkɨ Himeneo paɨna Fileto yamekateni yurieka. ¹⁸ Ikɨ'ukitsi mekani hɨkitɨni ke'ane tiyuritsie memanuye kɨka, kenameri yatɨɨ yɨ kepauku memanuku uitɨarienikekaitsie me'utiyuatɨ mɨkɨ ya'umiemekɨ hipame titatsie memute'eriekai meniwaranaye witɨni. ¹⁹ Kakaɨyari fundamentoya kwa'hauye weni ipaɨ kateuku'utseni: "ta 'ukiyari kaniwa maika mɨkɨ ke 'ane hatsɨana mete'a wiya". "naitɨ ke'ane ta ukiyari nombreya ma teriwa, tita haxa ti'ane ke'uku 'eirieni". ²⁰ Tumini waɨka mexeiya kita oro paɨna plata tekvxiyari xeikɨa kwa xvawe. Siere kɨye'paɨna háxu tekɨxiyari kani xuaweni tekɨxite waika raye atɨka meneiye hɨaka aixɨ ti'anetsie, tekɨxiteta inɨari raye atɨka meneiye hɨaka tewinɨarikatsie tinieme. ²¹ Xika xeitɨ uyu'itieni yutewinɨarikatsie kemuti yuriene tekɨxi aixi ti'anetsie kaniuniemetɨni. Hawaipai kaneu keriemɨkɨ, ti'ɨkitame miku matɨanikɨ naime aixiti'ane uximayatsikatsie. ²² Temari wa uxiwe'eriyatsie keneu'ata'una aixɨ ti'ane pɨta keteu weiyani, Fe, nake'eriya paɨna paz, ke'ane ta ukiyari me mɨkɨ'hɨawe ke'ane yu iyaritsie memu'itiyatɨka wa hamatɨa. ²³ Yakɨ me muyuta'te'atsic paɨna yakɨ meyuku iwa wiyatsie' pekwa ranu pitɨaka. Ekɨ peraku materɨ pat tiuyu tsutsutɨwa ha'ari. ²⁴ Ta'ukiyari uximayatameya kwatiyu mimi'ani. Pita mɨkɨ aixɨ kani'itɨaka naime wa hatsɨa tita ɨkitawetɨ paɨna ka'uye ha'ari chiwakɨ. ²⁵ Mɨkɨ tiwati ɨkitɨani meka'uye ha'arinikɨ ke'ane hɨxɨena memanuta'uwe. Kakaɨyari Arrepentimiento tini waru pitɨiriewe tita unuti yuri mete'hetimanikɨ. ²⁶ Mɨkɨ memanuta ninierenikɨ tarieka paɨna ka'hauyu marie ipariyaritsie mewati'kɨnekɨ, mɨkɨ ketiwaye náma meripaitɨ, yameteka hunikɨ mɨkɨ kemutiku'eriwa.