¹ و نحب نخبركم يا خاوتي بالشيء اللي داراتو النعمة تاع الله في مكدونية, ² همّا و رغم كثرة الصعوبات لكبيرة فاضت الفرحة تاعهم و الفقر الشديد تاعهم ولى غنى بسبة الكرم تاعهم, ³ على خاطر مدوا على قد جهدهم, و فوق من جهدهم, و انا شاهد عليهم, من ارواحهم, ⁴ و يحاولوا فينا, ياسر, باه نقبلوا النعمة و المشاركة في الخدمة للقديسين. ⁵ مش كيما توقعنا, مدوا رواحهم قبل للرب, و لينا احنا, بالمشيئة تاع الله. ⁶ و طلبنا من تيطس انو يتمم عندكم هاذي النعمة كيما بداها قبل. ⁷ باه تتباركوا في كل شيء: في الايمان و لكلام و العلم و كل اجتهاد و في محبتكم لينا, يا ريتكم تزيدوا تتباركوا في هاذي النعمة ثاني. ⁸ ما نقولش هاذا لكلام باه نأمركم, بالصح باه نشوف اذا انتوما مخلصين ثاني في لمحبة تاعكم كيما الحماس تاع لخرين و الا لا. ⁹ راكم تعرفوا النعمة تاع ربنا يسوع المسيح, اللي فقر روحو على جالكم و هو الغني, باه تستغناو انتوما بالفقر تاعو. ¹⁰ هاذا رايي انا في الامر, و هو ينفعكم انتم لولين اللي بديتوا تديروا فيه من العام اللي فات, و زيد اول من حب يديروا. ¹¹ كملوا اليوم في هاذي الخدمة, باه يكون قد النية قد لعمل ¹² على خاطر كي يظهر النشاط في الخدمة, يكون الرضى تاع الله على الانسان على حساب الشيء اللي عندو مش على حساب واش ما عندوش. ¹³ ما نقصدش باه تكونوا انتم محتاجين و غيركم يكون مرتاح, ¹⁴ نقصد تكونوا متساويين, الزايد عليكم يغطي احتياجهم, و الزايد عليهم هما يغطي احتياجكم. ¹⁵ كيما مكتوب: "اللي يلم ياسر ما يفضال عليه حتى شيء, و اللي يلم قليل ما ينقصو حتى شيء". الخدمة تاع تيطس في كورنتوس ¹⁶ بالصح الحمد لله اللي جعل هاذا الاهتمام على جالكم انتم بالذات في قلب تيطس, ¹⁷ اللي مش غير قبل واش طلبنا منو. بالصح من اهتمامو ياسر بيكم جاء عندكم وحدو بلا ما واحد يطلب منو. ¹⁸ و بعثنا معاه الاخ اللي الكنائس الكل تشكر فيه على خدمتو للانجيل. ¹⁹ مش هاذا برك الكنايس خايراتو باه يرافقنا في السفر, مع هاذي النعمة اللي نديروا فيها على جال المجد تاع الرب الواحد بالذات, و على جالكم اتنوما. ²⁰ و نحرصوا باه واحد ما يلومنا على كيفاه نديروا مع هاذي الهبة لكبيرة. ²¹ على خاطر الهدف تاعنا نديروا الصلاح, مش قدام الله برك بالصح حتى قدام الناس. ²² و بعثنا معاهم خونا, اللي جربناه في امور ياسر قداه من مرة و لقيناه خدّام. و ضرك زاد ولى متحمس اكثر على الثقة الكبيرة اللي درتوها فيه. ²³ اما من جيهة تيطس هو شريك ليّا و خدّام معايا على جالكم. اما خاوتنا لخرين في زوز همّا الرسل تاع الكنايس, و بيهم يبان المجد تاع المسيح. ²⁴ ورولهم و للكنايس الدليل على محبتكم, و بينوا ياللي كي شكرناكم كنّا صادقين.