¹ و هكا في الخدمة تاعنا مع الله نطلبوا منكم باه ما يكونش القبول تاعكم لنعمة الله بلا فايدة. ² على خاطر يقول: "في وقت الرضى سمعتك, و في يوم السلاك عاونتك". هاو هاذا وقت مقبول. و هاذا اليوم يوم سلاك. الضيقات تاع بولس ³ ما نحبوش نكونوا عائق في طريق حتى واحد باه ما تتلامش الخدمة. ⁴ بالصح في كل شيء نبينوا باللي احنا الخدام تاع الله, بالصبر تاعنا: في الصعوبات, في الاحتياج, في الضيق, ⁵ في الضرب, في لحبس, في الاهوال, في التعب, في السهر, في الصوم, ⁶ في الصفاء, في العلم, في وسع البال, في اللطف, في الروح القدس, في لمحبة بلا نفاق, ⁷ في كلام الحق, في قدرة الله بالسلاح تاع الحق في الهجوم و في الدفاع. ⁸ بالجاه و بالمذلة, بالسمعة لخايبة و لمليحة, الناس يحسبونا كذّابين و احنا صادقين, ⁹ يحسبونا بلا اصل واحنا معروفين, ميتين و احنا حيين, متعذبين و احنا ماناش مقتولين, ¹⁰ حازنين و احنا دايما فرحانين, فقراء بالصح نجعلوا ناس ياسر اغنياء, تقول ما عندنا حتى شيء و احنا نملكوا كل شيء. ¹¹ هدرنا معاكم بكل صراحة يا ناس كورنتوس, و فتحنا لكم قلبنا لكبير. ¹² ما تضَيقوش علينا احنا بالصح الضيق راه في قلوبكم انتوما, ¹³ نهدر معاكم كيما نهدر مع اولادي: ديروا معانا كيما درنا معاكم, افتحوا لنا قلوبكم انتم ثاني! ما تكونوش تحت نير واحد مع اللي ماهمش مومنين ¹⁴ ما تكونوش تحت نير واحد مع اللي ماهمش مومنين, على خاطر واش من خلطة كاينة بين الخير و الشر؟ و واش من علاقة بين النور و الظلمة؟ ¹⁵ واش من مفاهمة بين ابليس و المسيح؟ واش من شركة بين المومن و اللي مش مومن؟ ¹⁶ واش من توافق للهيكل تاع الله مع الاوثان؟ راكم انتوما همّا الهيكل تاع الله الحي, كيما قال الله: "راح نسكن فيهم و نمشي في وسطهم, و نكون ليهم اله, و همّا يكونوا ليّا شعب. ¹⁷ على هاذيك اخرجوا من وسطهم اعزلوا ارواحكم, يقول الرب. ما تمسوا حتى حاجة منجوسة باه نقبلكم, ¹⁸ و نكون ليكم اب, و انتوما تكونوا ليّا بنات و اولاد, يقول الرب, اللي على كل شيء قدير".