¹ يا خاوتنا على بالكم باللي احنا ما جيناش عندكم باطل, ² بعدما قاسينا الصعوبات و تحقرنا في فيليبي كيما تعرفوا, كانت عندنا الشجاعة في الله باه نهدروا معاكم جهار بالانجيل تاع الله, رغم اللي كانت كاينة معارضة كبيرة. ³ و احنا كي وعظناكم ماوعظناش على ضلال, و الا على دنس, و الا بالخدّع, ⁴ بالصح هدرنا معاكم هدرة تاع ناس ربي استأمنهم على الانجيل, موش باه نرّضيوْ الناس بالصح باه يرضى علينا ربي اللي عارف واش في لقلوب. ⁵ وكيما تعرفوا ما كانش لكلام تاعنا ليكم باه نجاملوكم, و لا كنّا طامعين فيكم. ربي شاهد علينا. ⁶ و لا كنّا طالبين جاه من الناس, لا منكم و لا من غيركم, رغم اللي كان عندنا الحق باه تقادرونا على خاطر مهما يكون رانا الرسل تاع المسيح. ⁷ بالصح احنا كنا نعاملوا فيكم بالحنانة كيما تربي الام اللي ترضع اولادها, ⁸ كنا حنان عليكم و كنا نرضاو نمدولكم حياتنا ثاني موش برك الانجيل, على خاطر حبيناكم. ⁹ و شفتوا بعينيكم كيفاه تعبنا وجاهدنا جهاد تاع الصح, و احنا نبشروا فيكم بالنجيل تاع الله, ليل و نهار واحنا نخدموا باه ما نثقلوش عليكم. ¹⁰ انتوما شهود, و ربي ثاني شاهد علينا, كيفاه كنّا بيناتكم انتوما المومنين. ¹¹ و كيفاه عاملناكم بنزاهة و عدل و بلا ما نقيسوا حتى واحد فيكم. وكنا ننصحوا كل واحد فيكم كيما ينصح الاب اولادو, و نشجعوا فيكم, ¹² و نوصيو فيكم ديما باه تمشيو على حساب الحق تاع الله اللي دعاكم للملكوت و الجاه تاعو. ¹³ على هاذا الشيء احنا نشكرو ربي دايما, على خاطر كي قبلتوا خبر كلمة الله, ما قبلتوهاش كي اللي راهي كلمة من عند ناس, بالصح قبلتوها باللي هي بالحقيقة الكلمة تاع الله صح, اللي تخدم فيكم انتوما المومنين. ¹⁴ و وليتوا يا خاوتنا كيما لكنايس تاع الله في المسيح يسوع اللي في بلاد اليهودية, على خاطر حتى انتوما قاسيتوا من اهلكم, كيما قساو همّا ثاني من عند اهلهم ليهود, ¹⁵ اللي قتلوا الرب يسوع كيما قتلوا لنبياء تاعهم, و اضطهدونا احنا. و همّا ما يرضيوْش الله وعديان للناس الكل. ¹⁶ ما يخليوْناش نهدروا للشعوب لخرى على الخلاص تاع الله, و هما كل مرة يزيدوا في الذنوب على ارواحهم. حتى ن نهار اللي ينزل عليهم السخط تاع الله. بولس مشتاق يشوف الخاوة ¹⁷ يا خاوتنا احنا, عندنا مدة ما شفناكمش, بالصح لقلوب عند بعضاها, توحشناكم ياسر و حبينا نشوفوكم. ¹⁸ و كنّا حابين نجيوْ عندكم - انا و بولس - مرة و الا زوز و الشيطان عطلنا. ¹⁹ شكون راح يكون رجانا وفرحتنا وتاج روسنا؟ موش بيكم انتوما اللي راح يكون لنا هاذا الشيء قدام ربنا يسوع المسيح نهار اللي يجي؟ ²⁰ على خاطر انتوما مجدنا و فرحتنا.