¹ نحيو عليكم كل خبث و خدع و نفاق و حسد و نميمة, ² و كي اللي راكم اولاد غير كيما ولدتوا, اشربوا لحليب العقلي الصافي باه تكبروا بيه, ³ اذا كان ذقتوا قدّاه ربي صالح. الحجر الحي و الشعب المختار ⁴ كي تجِيؤْ ليه, هو لحجر الحي اللي ما قبلوهش الناس, بالصح هو المختار لكريم من عند الله, ⁵ كونوا انتوما ثاني حجار حية بانيين بيت روحي, كهنوت مقدس, باه تقدموا ذبايح روحية مقبولة عند الله بيسوع المسيح. ⁶ و لكتاب تاع الله ثاني يقول: "انا راح نحط في صهيون حجر زاوية مختار كريم, و كل من يامن بيه ما يخِيبش". ⁷ يمد الكرامة للناس المومنين بيه, و اما الناس اللي ما يطيعوش, "الحجر اللي رفضوه البنايين, ولى هو راس الزاوية" ⁸ و "حجر صدمة و صخرة عثرة". و هما يتدعثروا على خاطر ما كانوش طايعين لكلمة الله, هاذا هو المصير تاعهم. ⁹ و اما انتوما سلالة مختارة, كهنوت تاع ملوك, امة مقدسة, شعب مخصص, باه تخبروا على الفضايل تاع اللي ناداكم من الظلمة لنورو العجيب. ¹⁰ اللي من قبل ما كنتوش شعب, و اما اليوم انتوما شعب الله. اللي كنتوا قبل بعاد على رحمة ربي, اما اليوم وليتوا مرحومين. احترام السلطات ¹¹ يا لحباب, نطلب منكم كي اللي راكم غرباء و ضياف في هاذي الدنيا, تصونوا ارواحكم من الشهوة تاع الجسد اللي تحارب النفس, ¹² و خلِيوْ السيرة تاعكم بين الناس تكون مليحة, حتى اذا كانوا يتهموكم باللي راكم تديروا في الشر, بالصح كي يشوفوا اعمالكم الصالحة يمجدوا ربي نهار اللي يتفقدهم. ¹³ اكرام للرب اخضعوا لكل سلطة موضوعة بين الناس. للملك على خاطر هو الحاكم لكبير فوق الناس الكل, ¹⁴ و للحكام تاعو اللي حطهم باه يعاقبوا الناس الفاسدين, و يكافؤوا الناس الصالحين. ¹⁵ على خاطر هاذي هي الارادة تاع الله: كي انتوما تديروا الخير تسَكتوا الجهل تاع الناس الاغبياء. ¹⁶ كونوا احرار, بالصح ما تديروش كيما الناس اللي يتخباو بالحرية باه يديروا الشر, انتوما ديروا واش يليق بالعبيد تاع الله. ¹⁷ احترموا الناس الكل. حبوا الخاوة. خافوا ربي. احترموا الملك. ¹⁸ و انتوما يا اللي تخدموا عند الناس كونوا خاضعين لسيادكم و قادروهم, موش غير للصالحين و الناس لملاح برك, بالصح حتى للقاسيين ثاني. ¹⁹ على خاطر كي تعرفوا ارادة الله نعمة, و تصبروا على لعذاب و تحملوا الظلم. ²⁰ على خاطر واش من مزية عندكم كي تصبروا و نتوما قاعدين تخلصوا في الغلطات تاعكم؟ بالصح اذا عملتوا الخير وتوجعتوا و صبرتوا, تنالوا اجر عند الله, ²¹ على خاطر الله ناداكم لهاذا الشيء. المسيح هو ثاني توجع على جالنا, و خَلالْنا مثال باه نتبعوه. ²² " اللي عمرو ما دار المعصية, و لا كان في فمو خدع", ²³ اللي كان كي يسبوه ما يرجعش, و كي كان يتوَجع ما كانش يهدد بالصح كان يسلم امرو للي يقضي بالحق. ²⁴ و هو اللي هز ذنوبنا في البدن تاعو على المادرية تاع الصليب, باه نموتوا من جيهة الذنوب و نحياو من جيهة الحق. اللي بالجروح تاعو شفاكم. ²⁵ على خاطر كنتوا كي الخرفان السايبة, بالصح اليوم رجعتوا لراعي نفوسكم و حارسها.