¹ و انا كي جيتكم يا خاوتي , جيت بالصح مش بالكلام المزوق ولفهامة باه ننادي بيناتكم بالشهادة تاع الله, ² على خاطر كنت عازم باه ما نعرف بيناتكم غير يسوع المسيح و زيد نعرفو مصلوب. ³ و انا كنت عندكم بالضعف و بالخوف و رعدة كبيرة. ⁴ و كلامي وتبشيري ما كانوش بكلام لفهامة تاع الناس بالصح بالقوة تاع الله. ⁵ باه ما يكونش ايمانكم مبني على الحكمة تاع الناس بالصح بالقوة تاع الله. الحكمة اللي من الروح القدس ⁶ بالصح رانا نتكلموا بالحكمة بين الفاهمين, بالصح ماهيش الحكمة تاع هذا الزمان, و لا هي من عند المتعظمين تاع هاذا الزمان اللي بلا فايدة. ⁷ بالصح رانا نتكلموا بالحكمة تاع الله في سر: الحكمة المخبية, اللي وجدها الله من قبل الدهور على جال مجد نا احنا. ⁸ اللي واحد من عظماء هذا الزمان ما علم بيها, على خاطر لو كان جاو عارفين ما كانوش يصلبو رب المجد. ⁹ بالصح كيما راه مكتوب: " الشيء اللي عمرو ما تسمع و اللي عمرو ما جا على بال بشر: الشيء اللي وجدوالله للناس اللي يحبوه". ¹⁰ و بينو لينا احنا بالروح تاعو. على خاطر الروح يميز كل شيء حتى اعماق الله. ¹¹ على خاطر شكون من الناس يعرف امور الانسان غير الروح تاع الانسان اللي فيه؟ هكذاك امور الله مايعرفها حتى واحد غيرالروح تاع الله. ¹² و احنا ما ديناش روح هذا العالم, بالصح ادينا الروح اللي من عند الله. باه نعرفوا لحوايج اللي تمدت لنا من عند الله, ¹³ اللي نتكلم بيها ثاني, مش بهدرة تعلمها الحكمة تاع الناس, بالصح بالشيء اللي يعلمو الروح القدس, قارنين الحوايج تاع الروح بالحوايج الروحية. ¹⁴ بالصح الانسان الطبيعي ما يقبلش الحاجات التي جاية من عند الروح تاع الله على خاطر يشوفها جهل, و ما يقدرش يعرفها على خاطر الشيء اللي يحكم فيها شيء روحي. ¹⁵ بالصح الروحي يحكم في كل شيء, بالصح هو واحد ما يحكم عليه. ¹⁶ " على خاطر شكون اللي يعرف فكر الله باه يعلمو للناس؟". بالصح بالنسبة لينا احنا عندنا فكر المسيح .