¹ Alifumineko ne kubwela ku mushi wa kwabo, ne basambile bakwe kaba mulonda. ² Ili isabata lya fikile, kasambisha mwikelesha. Abantu abakuti ubwingi balyunfwile ne kukakamana. Eli ba labile ati, "Nikwisa afumishe ubusambishi ubu? "Mbaka kalango kapelwa kuli ye?" Mbefi fimpela mpela alu kucita kuma boko akwe?" ³ Kanshi uyu tali ni kabasa, umwana wakwa Maliya umu kwabo wakwa Yakobo na Yose na Yuda na Simoni? Inkashi shakwe tatulipo nasho kuno? Pano Yesu ali bakalifishe. ⁴ Eli Yesu alabile kuli bo ati, "Kasesema ku ncende ya kwabo tacindamapo, sombi lukoso ku mushi wa kwabo kabili ne pakati kaba kwabo ne lupwa lwa naanda yakwe." ⁵ Tali bambile ifya kubombe imilimo ikosele, sombi uku tintila iminwe pa balwele ne kuba tendulusha. ⁶ Ali papile pa kubona ukuta che lekela kwabo. Alile ili ashinguluka mu mishi ne kusambisha. ⁷ Eli aitile abali ikumi na babili, katatika uku batuma babili babili, kabapela amakosa pa mipashi ikowelele, ⁸ eli abebele uku pinta neli kamo mu lwendo lwabo, sombi inkoli-takuliposhikwa, neli chola, neli nindalema mu mishipi yabo- ⁹ sombi uku fwala inkwabilo, kabili tekwesha uku fwalya imingila ibili. ¹⁰ Kalabila kuli bo ati, "Ili mwaingila mi nanda, ikaleni na paka muka fumeko. ¹¹ Nga cakuti kuli umshi uotaba mupokeleni nangu ukummfwa kuli mwe, ili mwa fuma palya pa ncende, kunteni ulu kungu lwa ku makasa enu kuti nibu kamboni kuli bo." ¹² Balile eli ba tulisha neli ku shimika ati ba lingile ukulapila. ¹³ Bali fumishe imipashi ya fibanda, neku basufya abalwele aba kuti ubwingi ne ma futa ne kuba tendulusha. ¹⁴ Imfumu Herode kaumfwa ifi, pakuti ishina lyakwa Yesu lyali tulikile. Bambi balu kweba ati, "Yohane ka batisha ali bukile ukuma ku bafwile, kabili ukweba ati emulandu ifi mpela mpela filukucitikila neku bomba muliye." ¹⁵ Bambi nabo balu kulabila ati, "Ni Eliya." Bambi nabo ba kasesema ba munshiku shakale." ¹⁶ Sombi ili Herode aumfwile ifi ka labila ati, "Yohane, uuna putwileko umutwi, bali mu bushishe." ¹⁷ Fyenka efyo Herode ka tuma aba ku mwikata Yohane kaba mwikata neku mukaka neku mubika mwikati pa mulandu wakwa Herodiasi (umukwabophilipo ne ne mukashi wakwe), pa mulandu wakwe ati ali mupile. ¹⁸ Yohane ka mweba Herode, "Ta filipo mwifunde ukweba ati ungopa umu kashi wa mukwanu." ¹⁹ Sombi Herode alikalipile sana neku fwaisha uku mwipaya, sombi tamwipayepo, ²⁰ pakuti Herode alu kumutina Yohane; alishi ukweba at ali mulungami kabili umu swetelele, eli ali musungile bwino Uku mumfwila kwalilengele uku kalipa , nangabefyo ale mumfwila sana. ²¹ Pano kwali aka suba kamo ili Herode akwete aka suba afyelwemo ka ipika ne fyakula ifya filiiloneba fita fya nkondo ne ntanshi shamu Galileo. ²² Umwana umwanakashi uwa kwa Herodiasi ka ingila neku shana bwino maningi, kamu sangalasha Herode ne bumba lyakwe. Imfumu ka ilabila kuli uyu umwanakashi umunini ati, " Fyonse ifyo ulefwaya kani unjipushe ndi kupela." ²³ Ka lapa kuli ye ati, "fyonse ifi uku lomba ndu kupela uku fika ku kapeswa ka calo canji. ²⁴ Umwanakashi umunini alile kuli ba nyina , "Nindo nde lomba?" Ka labila ati, "Umutwi wakwa Yohane kabatisha." ²⁵ Mu kwendesha ka bwelela ku mfumu, ka ipusha, uku labila ati, " Nde fwaya mu mpele, umutwi wakwa Yohane kabatisha. pa mpindi yenka ino, umuntwi wakwa Yohane pa cipailo. ²⁶ Ifi fyali bombonikile imfumu, imfumu taya kene po pa kuti cali cipanga ifi alikitile pa mulandu wa fyalya yateyenye ku bensu aba ishile ku fyakulye ku mfumu imitebo. ²⁷ Imfumu ka ituma umushilika neku mweba ati aye alete umutwi wakwa Yohane. Uyu mushilika kaya ka mwipaila mu cifungo. ²⁸ Aliletele umutwi pa lupe ne kupela umwana umunini umukashana na ye ka pela ba nyina. ²⁹ Ili abasambile ba kwe baumfwile, balishile neku pinta umubili wakwe no kubika mu cilende, ³⁰ Ab tumikisha ka besa pamo na Yesu eli ba mwebele ifi ba citile ne ku sambisha. ³¹ Eli alabile kuli bo ati, "Iseni mwebene ku cifulo icifiseme tu tusheko." Abantu aba kuti ubwingi balu kwisa eli ne kuya, tabakwetepo ne mpindi iya kulya. ³² Eli ba nine mu bwato ne kuya ku cifulo icifiseme. ³³ Sombi bali ba bwene neku beshiba abengi, bali beshibile ba butikile ulubilo ne makasa ukuya ku mishi, kabili bali fikile bwangu ili bambi taba ngafika. ³⁴ Ili ba ishile ku cisamba ali bwene ibumba ili kulu ali likwatile inkumbu pantu lyali kwati ni mbelele isha kubula umwembeshi. Lomba eli ataticile uku basambisha ifintu ifinji. ³⁵ Ili mpindi yapitile, aba sambile bakwe ba ishile kuli ye, "Ici icifulo icifiseme ne mpindi nayo yashila. ³⁶ Ba tumeni baye mu calo mu mishi baye ba shiteko ifyakulya fyabo abene." ³⁷ Eli ayasukile ne kulabila kuli bo ati, "Ba peleni ifyakulya. " Balye," Eli ba labile kuli ye ati, "Kanshi tungaya mukashita shinkwa uwa myanda ibili tuba pele balye?" ³⁸ Eli alabile kuli bo ati, "Ni shinkwa inga mu kwete? Ka muyeni mukabone." Ili ba fwailishe, ka balabila ati, "Shinkwa isano ne sabi libili." ³⁹ Eli ababele abantu ukwikala panshi pa chani ica mabula mabula muma bumba bumba. ⁴⁰ Eli ba ikele panshi muma bumba umwanda ne ma kumi asanu. ⁴¹ Ali bulile ba shinkwa ba sanu ne sabi libili, eli aloleshe mu maulu neku shikisha eli akumawile shinkwa ne pela kuba sambile bakwe ukwati ba pele ibumba kabili ka balya ne sabi libili. Pakuti abanut bonse. ⁴² Bonse ba liile ne kwikuta. ⁴³ Eli babulile ifi pimfwa fya shinkwa, ifi tundu ikumi limo na fibili, ne fi pimfwa fye sabi. ⁴⁴ Kwali abantu ama kana asano abalile shinkwa. ⁴⁵ Penka po kaeba abasambile bakwe uku nina mu bwato neku tangila ukuya kwi shilya lya cishiba, ku Bethasaida, ⁴⁶ ili aluku balomba ukuya mwabo mwabo. Ili baile, eli aile ku lupili muku tembela. ⁴⁷ Mu mpindi ya cungulo, ne bwato bwali pa kati ka cishiba, ali enka pa mutunta. ⁴⁸ Ali babwene patali patali ku kuti ka besha ali bipile. Lucelo celo ku maca alishile kuli bo, alu kwenda pa menshi, alu kufwaya ati aba pitilile.) ⁴⁹ Sombi ili ba mumwene alu kwenda pa cishiba, ka balanguluka ati ci banda eli ba lilile, ⁵⁰ pakuti bali mu bwene ka batina penka po kalabila kuli bo ati, " Koseni! Nine! Mwi tina! ⁵¹ Ali ninine mu bwato pamo nabo, ne ma nkapa ka aleka. Ka bakankamana ukwa kuti. ⁵² Pakuti tabaishilepo ifi shinkwa alu kwalula. mu nshila imbi kaba kosha imitima yabo. ⁵³ Li ba abukile icishiba, balishile pa ncende ya Gennesareti neku kaka ubwato. ⁵⁴ Ili ba selukile mu bwato, penka palya abantu bali mwishibile, ⁵⁵ eli ba butikile mu ncende yonse eli ba tendekele ukuleta aba lwele pa mpasa shabo uko konse uku ba umfwile ati ekwali. ⁵⁶ Uko konse uku aingile mu mishi, neli mi sumba, neli mu calo, balu kubika abalwele mu ncende sha kuula ne kulisha. Kaba mulomba ati aba suminishe ukwikata ku mwingila wakwe, bonse aba mwikete bali polele.