¹ Nakabili katwalilila ukubasambilisha kucishiba, nebumba ilikulu kali mushingulu ka kanina mubwato ubwali pa chishiba, kaikala mubwato. Ibumbalyabantu lyali mu mbali lyachishiba. ² Kabasambisha ifyakuti ubwingi kufyakupalanya, mubusambishi bwakwe, ifi efi ablabile kulibo. ³ ''Umfweni! Umulimi aliile mukuminsa imbuto shakwe. ⁴ Ili alukubyayla, shimbi imbuto kashiponena muunshila, nefyuni kafiisa nokushilya. ⁵ Shimbi nasho kashiponena pamabwe, apo apatalipo umushili uwingi. Penkapo kashimena, pakulti tapalipo umushili uwingi. ⁶ Lomba pa kutula akasuba, shalipiile pakulti pakubula imishyu, shaliuminiine. ⁷ Sombi shimbi nasho shatolokeele mu miyunga. Imiyunga nasho shalimenene nokushitabilisha nasho epenka shalibulile ukwikata ifisabo. ⁸ Sombi shimbi inseke kashipopenape loba iliweme penka shalikete ukufusha kwafisabo kwalikulile ukwakuti shimbi amakumi atatu, shimbi amakumi assano na limo, nasimbi mpa ukufika ku mwanda umo. ⁹ Eli ba Yesu balabile ati, ''uukwete amatwi akumfwako, kaumfwe!'' ¹⁰ Sombi ba Yesu baali beenka, abali mupepi naabo pamo nabekumi na baabili kababepusha pa fya kupalanya. ¹¹ Eli ba Yesu balabiile ati, ''Kuli mwebo filipeelwe ifya mfiso fyabufumu bwa ba Lesa. Sombi kulibaabo abali kunse fyonse fili mukupalanya, ¹² mukweba ati kani baloleshya, sombi ukwakubula ukufibona, nakambimukweba nangaba ati bafyumfwa, ee koti bafyumfya ukwakubula ukufishiba, nokwalukila kuli baLesa nabo npokuba lekelela. ¹³ Eli alabiile kuli bo ati, ''Tamwishibilepo ichi icakupalanya? Mba nifiisa mukeshiba fyonse ifyakupalanya? ¹⁴ Kabeba ati umulimi amiinsa amashiwi. ¹⁵ Pano aba ebaminshilwe mupeepi ne nshila, umo amashiwi ya minsilwe. Ili baumfwa amashiwi aba Lesa bwangu bwangu Satana kwisa no kusompola amashiwi aaminshilwe. ¹⁶ Pano aaba embuto sha tolekeele pamabwe; Abakweba ati, ili baumfwa amashiwi balaapokelela mukusangalala. ¹⁷ Sombi tabakwetepo imishyu muli bo, bakoselelako ukwa mpindi iinini. Sombi pakwisa ifyakupenshya nefya kupakasa pakuti pa mashiwi aaba Lesa ba pulila ukulitutula nokuwa. ¹⁸ Nakaambi baambi aba eba minshilwe mu miyunda. Ni babo abomfwa amashiwi, ¹⁹ pano patemwishya ifya muumuno mu caalo no kutumpaika ukwa malangulushi afintu fimbi fileesa nokonaula amashiwi, abula ukwikata ifiseepo. ²⁰ Lomba abo abaminshilwepe loba iliweme nibabo abomfwa amashishiwi, no kualama ebakekata ifisabo, amakumi atatu, amakumi asanu na limo, no mwanda umo. ²¹ Eli ba Yesu balabiile kuli bo ati, ''Kani baleeta inyali mu ng'anda nokuikupikala mu museke nangu munshi ya bulo? Mulaileta mukati kabili mulaibika apa teeka inyaali. ²² Takukabapo icifishilweicishikeshibikwapo, nakambi takukabapo icankaama icishikaletwapo aputubile. ²³ Kuni umbi umuntu alikwete amatwi akumfwa kaumfwe!'' ²⁴ Eli alabile kulibo ati, ''Kutikisheni ifi mulukumfwa, kumulingo mulingila eko mukalingilwa na mwebo, na fimbi fikalunwa kuli mwebo. ²⁵ Pakuti uukwete, kuliye fikapeelwa nafimbi, kabili utakwete, nakako akakwete akapokwa. ²⁶ Nakambi kalabila ati, ''Ubufumu bwa mwiulu buli koti muntu ubyala imboto gakwe pa mushili. ²⁷ Ubushiku alaya mukulaala no kubuuka ulu kelo, ne mbuto nekufumya umusongo nokutendeka ukumena, Neli taishibilepo. ²⁸ Ukweba ati umushili ulamesha imbuto uwine. Pakukutanga musonga eli ne cikola penka ne nseke peulu pa mutwi. ²⁹ Lomba kani imbuto shapya, alangufyanya ukutuma aba cikwakwa pakuti impindi ya kulobolola yafika.'' ³⁰ Nakambi kaeba ati, ''Kani nikundotungalinganya ubufumu bwa ba Lesa, kani cakulinganya camusango shani tungashimikilako? ³¹ Ubufumu bwa ba Lesa buli koti nimbuto yakwa lubanga, ulu lo, pakulubyala, nimbuto iinini pa mbuto shonse isha pamo caalo. ³² Lomba ili yabyalwa, ilakula ukuciluka imbuto shonse ishya mwibala, eli cikula ne misambo, ukwakuti ne funi fya mwiulu nokulukupanga ifi sansala mu cintelelwe ca ciko.'' ³³ Ku bwingi bwa fya kulinganyako koti ni fiifi alilabiile ishiwi kuli bo koti nifyefyo ifi baali no ku fyumfwishya, ³⁴ pano talukulabilapo kuli bo ukwakubula icakulinganyako. Sombi ili enka, alukufishimika fyonse ku ba sambiile bakwe. ³⁵ Pali kwalya kasuba, ili icungulo cafikile, alilabiile kuli bo ati, Lomba katwabuketuye kwishilya.'' ³⁶ Pano kabafuma pebumba, pamo naba Yesu, koti nifyo ali mu bwato. kakuli na ambi amaato aalukuya pamo naye. ³⁷ Eli kwaimine umwela uukulu, amankapala nao katalika ukusempukila mu bwato icakuti no bwato pepi no kwisula amenshi. ³⁸ Sombi Yesu ye kali kunuma kaleele, kabamubuushya, kabalabila ati, ''We musambishi, tamubwenepo ukweba ati tulukufwa? ³⁹ Kabuuka, kakanya icipuupu, kalabila ku cishiba ati, ''Ba kelele! Belelela!'' necipuupu calilekela, ne cishiba calikutumene. ⁴⁰ Eli kalabila kuli bo ati, ''Nindo mwatiinina? muli aba kubula iciketekelo? ⁴¹ Sombi baliswilemo umwenso uukulu no kulukulabila ati, ''Kanshi uyu ninaani, pakuti ye ne cipuupu ne cishiba filukumu mfwila?''