¹ O lenei, pe se a sa tatou upu i mea na maua i ia le tino e lo tatou tamā o Aperaamo? ² Auā ana tauamiotonuina Aperaamo i galuega, po ua ia te ia se mea e mitamita ai; a ua leai i luma o le Atua. ³ E fai mai e a le Tusi? " Na talitonu/faatuatua Aperaamo i le Atua, ona ta'ua ai le o ia e fai ma amiotonu." ⁴ A o le totogi o lē faigaulega, e le ta'ua lona totogi o se meaalofa, ao le mea ua nono. ⁵ Ae mo lē e lē faigaluega ae e faatuatua i lē na te tauamiotonuina lē ua faalemata'u, ua ta'ua lona faatuatua o le amiotonu. ⁶ E faapei ona faaamuia e Tavita o le tagata ua ta'ua i ai e le Atua le amiotonu e aunoa ma galuega. ⁷ Na ia fai atu, "Amuia i latou ua faamagaloina a latou agasala, ma ua ufitia a latou agasala. ⁸ Amuia foi le tagata e le tausalaina o ia e le Alii. ⁹ O lenei, pe gata ea i le ua peritomeina lenei faamanuiaga? E le oo foi ea i le ua le peritomeina? Aua ua faapea i tatou, Ua ta'ua le faatuatua o Aperaamo o le amiotonu." ¹⁰ Na faapefea ona ta'ua ia te ia? Pe a o lei peritomeina o ia poo mulimuli ane? E lei ta'ua ina ua peritomeina ae ua ta'ua ina ua le peritomeina. ¹¹ Na maua e Aperaamo le faailoga o le peritomeina o le faailoga o le amiotonu ona o lona faatuatua ae lei peritomeina o ia. O le mafuaaga ina ia avea o ia ma tamā o i latou uma ua talitonu/faatuatua ae lei peritomeina i latou, ina tau amiotonuina i latou. ¹² O ia foi o le tamā o e sa peritomeina ma i latou e lei peretomeina ae peitai o e ua savavali i tulagavae o le faatuatua o lo tatou tamā o Aperaamo ao lei peritomeina o ia. ¹³ Aua e lei folafolaina atu ia Aperaamo, poo lana fanau, e fai mona tofi le lalolagi e le mai le tulafono, a e maua i le amiotonu ua i le faatuatua. ¹⁴ Auā pe afai ua tofia e ua i le tulafono e fai ma suli, ua faaleaogaina ai le faatuatua ma ua le aoga le folafolaga. ¹⁵ O le tulafono na te aumaia le ita, ae a leai se tulafono, ua leai se solitulafono. ¹⁶ O le mea lea e maua ai i le faatuatua le mea na folafolaina, ina ia maua i le alofa tunoa; ina ia tumau lea i suli o Aperaamo - e le tuli i le ua i le tulafono, a e oo i le ua i le faatuatua o Aperaamo. O le tamā o ia o i tatou uma lava, ¹⁷ e pei ona tusia, "Ua ou tofia oe e fai ma tamā o nuu e tele." Na iai Aperammo i ona luma, o lea na ia faatuatua i ai, o ia lava o le Atua, na faaola ia o e ua oti, ma lē na te valaauina mea ua leai, peseai ua i ai. ¹⁸ Na ia faatuatua ma le faamoemoe, a ua leai se mea e faamoemoe ai, ina ia avea o ia ma tamā o nuu e tele, pei ona fetalaia mai, "E faapea lava lau fanau." ¹⁹ E lei vaivai foi lona faatuatua, e lei manatu foi i lona tino ua oti, (aua ua selau tausaga o lona matua/soifua) ma ua oti foi le manava/tagatafanau o Sara. ²⁰ E lei masalo vale foi ia ma le le faatuatua i le mea na folafolaina e le Atua. Ae peitai, ua faamalosia/ua tele lona faatuatua ma ua vivii atu i le Atua. ²¹ Ua na mautinoa foi, e mafai ia te ia ona faia o le mea na folafolaina e le Atua. ²² O lea foi ua "ta'ua ai lona faatuatua o le amiotonu. " ²³ Ao upu, e lei tusia ona o ia lava, Ua ta'ua ia te ia. ²⁴ Na tusia foi ona o i tatou peitai ona o i tatou foi o le a ta'ua i ai o i tatou o e faatuataua i le na faatu mai i lo tatou Alii o Iesu nai e ua ua oti. ²⁵ Na tuuina mai o ia ona o a tatou agasala ma toe faatuina mai ina ia ta'uamitonuina ai i tatou.