¹ Ia omai outou uma o e mau’oa, ia fetagisi ma ia taufai tagitu’I aua o le puapuga o le a oo mai ia te outou. ² Ua pala a outou ‘oa, ma a outou lavalava ua ‘ai e mogamoga. ³ O le a faaleagaina la outou auro ma la outou ario. O lo latou ‘ele foi o le a fai ma molimau e faasaga ia te outou. ⁴ Ina vaai atu ia, I le totogi o le au faigaluega mamafa o loo tagi mai, le totogi na outou taofia mai ia tei latou o loo selesele I o outou fanua, ua oo le tagi a e selesele I fofoga o le Alii o ‘au. ⁵ Ua outou nonofo I nofoaga taugata I le lalolagi ma faamalieina ai outou. Ua faamafolafola ina o outou loto seia oo I le aso e faaumatia ai. ⁶ Ua outou faasala ma fasioti I le tagata amiotonu, Na te lei tetee mai lava ia te outou. ⁷ O lea ia onosai ai outou, le au uso e, seia oo I le toe afio mai o le Alii. Ia outou vaai atu, e faatalitali le fai faatoaga mo le seleselega taua mai le eleele. E faatalitali atu iai o ia ma le onsoai, sei oo mai timuga muamua ma timuga mulimuli. ⁸ O oe foi, ia e onosai, ia faamalosia lou loto, aua ua lata le toe afio mai o le Alii ⁹ Aua nei faitio le tasi I le tasi, le au uso e, ina nei faamasinoina outou. Ia outou vaai atu, ua tulai le faamasino I le faitotoa. ¹⁰ Ia avea le onosai mea tiga na oo i le au perofeta e fai ma faata’ita’iga, o e na tautala I le suafa o le Alii. ¹¹ Ia tatou iloa, tatou te ta’ua e ua onosai o e ua faamanuia ina. Ua e faalogo I le onosa’I o Iopu, ma ua e iloa foi le faamoemoe o le Alii, lona alofa ma lona alofa mutimutivale. ¹² Ia sili atu I nei mea, le au uso e, aua nei tauto, poo le lagi poo le lalolagi poo seisi lava tautoga. A ia avea la outou Ioe o le Ioe poo le leai o le leai, ina nei faamasinoina outou. ¹³ O iai ea se tasi o outou o mafatia? Ina tatalo ia. O se ua fiafia? Ina pese ia I viiga. ¹⁴ O iai se tasi o outou ua ma’i? ia valaau atu lena tagata I toeaiina o le ekalesia, ma ia faaee ai o latou lima I ona luga. Ia latou faauu foi ia te ia I le suauu I le suafa o le Alii. ¹⁵ Aua o le tatalo e faia I le faatuatua e faamalolo ai le tagata ma’I, ona faatuina ai lea e le Alii o ia I luga. Afai ua agasala o ia, e faamagaloina o ia e le Atua. ¹⁶ Ia outou ta’uta’u agasala a le tasi I le tasi, ma tatalo le tasi mo le tasi, ina ia faamaloloina outou. E matua Malosi ma e moni le tatalo a le tagata amiotonu. ¹⁷ O Elia o se tagata e pei lava o I tatou. Na tatalo ma le faamaoni o ia ina ia le oo mai le timu, ona le oo mai lea o le timu mo tausaga e tolu ma masina e ono. ¹⁸ Ona toe tatalo lea o Elia, ona auina mai lea e le lagi o timuga, ma ua fua mai ai le lau eleele. ¹⁹ O’u uso e, afai e iai se tasi o outou e alu ese ma le mea moni, ia toe ta’ita’I mai o ia e se tasi I totonu. ²⁰ Ia iloa e le na tagata o lona toe aumai o lena tagata agasala I totonu o le ia faaola mai ai I lena tagata mai le oti, atoa ai ma le faamagaloina o le tele o agasala.