¹ O outou le fanau, ia outou faalogo i o outu mātua i le Alii, auā o le mea tonu lava lea. ² "Ia e ava i lou tamā ma lou tinā (o le uluai tulafono lea ua i ai le mea ua folafolaina) ³ " ina ia manuia ai oe, ma ia e nofo tulu'i ai i luga o le laueleele. " ⁴ O outou tamā foi, aua nei tou faaonoono atu ia outou fanau, a ia tausi atu i ai i aoaiga ma apoapoaiga a le Alii. ⁵ O outou pologa, ia outou usiusitai i outou matai/alii i la le tino, ma le faaaloalo/matau ma le gatete, i le faamaoni i outou loto. Ia outou usiusitai iai latou e pei ona e usitai ia Keriso. ⁶ Aua nei e usitai ona o loo vaavaai mai lou matai ia te oe, ina ia e faafiafia i ai latou. Ae peitai ia e usiusitai e pei o auauna/pologa o Keriso, na ia faia le finagalo o le Atua mai lona loto. ⁷ Ia e auauna ma lou loto atoa, e pei ona e auauna atu i le Alii ae le o tagata, ⁸ aua ua tatou iloa poo a lava galuega/mea lelei e faia e tagata taitoatasi, o le a ia maua le taui mai le Alii, pe se o nofopologa poo se o saoloto. ⁹ O outou foi o Alii/Matai, ia outou faia ia lava mea ia i latou. Aua tou te faamatau/faafefe iai latou. Ua outou iloa lē ua avea ma outou Matai/Alii ma outou i le lagi, e lē faaituau foi o ia/e leai se faaituau o ia te ia. ¹⁰ O le upu lenei, ia outou loto tetele i le Alii ma malosi o lona mana. ¹¹ Ia oofu outou i ofutau atoatoa a le Atua, ina ia outou mafaia ona tetee atu i togafiti a le tiapolo. ¹² Auā tatou te le tau ma tagata, a o alii sili, ma faipule, ma alii o le pouliuli o lenei lalolagi, atoa ma agaga leaga i mea o i le lagi. ¹³ O le mea lea ia outou tago ai i ofutau atoatoa mai le Atua, ina ia outou mafaia ona tutu ma tetee atu pe aooi le aso vale, pe au uma foi ona outou faia o mea uma, tou te tutumau ai lava. ¹⁴ O lenei, ia tutumau ia outou o fusia o outou sulugatiti i le faamaoni, ia oofu foi outou i le ufifatafata o le amiotonu; ¹⁵ ma ia faaseevaeina o outou vae i le sauniga o le tala lelei o le filemu. ¹⁶ Ia faaopoopo i na mea uma ona tago atu i le talipupuni o le faatuatua, tou te mafai aiona tinei o u fanafana mu uma lava a lē o loo leaga. ¹⁷ Ia outou ave foi le puloutau o le faaolataga ma le pelu a le Agaga, o le afioga lea a le Atua. ¹⁸ Ia outou tatalo i le Agaga i aso uma lava i talotaloga ma faatoga uma; ia outou mataala pea i lenei lava mea, ma matuā tausisi i le faatoga mo tagata paia uma lava. ¹⁹ Ia outou tatalo foi mo a'u, ina ia tuuina mai le upu/feau ia te au pe a ou tautala/faasoa atu. Tatalo ina ia ou faamalosi ona tautala atu ma faailoa atu le mea lilo a le tala lelei. ²⁰ O le upu lava lea ua noanoatia ai a'u le sāvali; ina ia ou faamalosi ai ona tautala, pei ona tatau ona ou tautala atu ai. ²¹ O Tuiko, o le uso pele ia, ma le auauna faamaoni i le Alii, o le ā faailoa atu e ia te outou,ina ia outou iloa mea uma o ia te au, o mea ou te faia. ²² Ua ou auina atu o ia ia te outou ona o lea lava mea, ina ia outou iloa a matou mea, ma ia faamatalalotoina ai o outou loto. ²³ Ia i le au uso le manuia, ma le alofa, atoa ma le faatuatua mai le Atua le Tamā ma le Alii o Iesu Keriso. ²⁴ Ia iai le alofa tunoa ia i latou uma o e alolofa tumau i lo tatou Alii o Iesu Keriso.