¹ A’o tautalatala pea Saulo I upu taufaamata’u e faao’o ai le oti I so’o o le Alii, ua alu atu o ia I le au Faitaulaga sili. ² Ua talosaga atu iai I se tusi e ave I sunako I Tamaseko, na te fusifusi ai ma aumai I Ierusalema se Tane poo se fafine na te maua atu o mulimuli I lea tala’iga. ³ Ua latalata le faigamalaga I Tamaseko, ona faafuase’I mai lea o le pupula o se malamalama mai le lagi ua faataamilo I ona luga. ⁴ Ua pa’u o ia I le eleele, ona ia faalogo lea I se leo ua faapea mai ia te ia, “Saulo, Saulo e, o lea le mea ua e faasaua mai ai ia te a’u”? ⁵ Ua tali atu Sauo, “O ai ea oe, Le Alii e”? ua tali atu le Alii, “O a’u o Iesu, o le ua e faasaua mai iai; ⁶ Ae tulai I luga, ina ulufale atu I le aai, o le a ta’u atu ia te oe le mea e tatau ona e faia. ⁷ O I latou o e na Malaga faatasi ma Saulo ua na’o le tutu ua le maugagana, ua na’o le faalogo I le leo, ae leiloa atu se tasi. ⁸ Ua tu I luga Saulo, ae ua le mafai ona iloa atu se tasi ina ua taumafai e pupula ona mata; ona latou ta’ita’I lea I lona lima ma ave ifo I Tamaseko. ⁹ Na tauaso o ia mo aso e tolu, e lei ‘ai foi pe inu. ¹⁰ Sa iai se tasi o so’o I Tamaseko e igoa ia Anania, Ua faaali le Alii ia te ia I se faaaliga, “Anania e!” ua Fetalai atu o ia, “Silasila mai, o a’u lenei, le Alii e.” ¹¹ Ua Fetalai atu le Alii ia te ia, “Tulai, ia e alu I le auala e igoa ia Sa’o, o loo iai le tagata I le fale o Iuta mai Tasesa e igoa ia Saulo, o loo tatalo o ia. ¹² Na vaaia e ia I se faaaliga se tagata e igoa ia Anania o loo sau I totonu ma faaee ona lima I luga ia te ia, ina ia toe vaai ai o ia.” ¹³ A ua tali atu Anania, “Le Alii e, ua ou faalogo I tagata e toatele e faatatau I lena tagata, I le tele o mea tiga ua ia faia I ou tagata paia I Ierusalema. ¹⁴ Ua tuuina ia te ia e le au Faitaulaga sili le pule na te molia ai tagata uma lava o iinei o loo valaau I lou suafa. ¹⁵ A ua Fetalai atu le Alii ia te ia, “Ina alu ia, aua o ia o se meafaigaluega ua ou filifilia, na te tauaveina lo’u suafa I luma o nuu ese ma tupu ma le fanauga a Isaraelu. ¹⁶ O le a ‘ou faaali ia te ia le tele o le a tiga ai o ia ona o lo’u igoa ¹⁷ Ona alu lea o Anania, ua ulufale atu I le fale, ua faaee ona lima I ona luga, ua faiatu foi o ia, “Lo’u uso e Saulo, ua auina mai a’u e le Alii o Iesu, le na faaali atu ia te oe I luga o le ala na e sau ai, ina ia e toe vaai ma ia faatumuina oe I le Agaga Paia. ¹⁸ I le taimi lava lea, ua pauu mai I mata o Saulo ni mea pei ni una, ma ua toe vaai ai o ia. Ua tulai o ia ma ua papatisoina. ¹⁹ Ua ‘ai o ia ona maua ai lea o le malosi. Ona nofo ai lea o ia faatasi ma le au soo I Tamaseko mo ni nai aso. ²⁰ O le taimi lava lea na ia folafola atu ai Iesu I sunako, ua faapea atu o ia lava o le alo o le Atua. ²¹ Ua matua ofo I latou uma na faalogo ia te ia, ua latou faapea ane, “E le o le tagata ea lenei na ia faaumatia I latou oi Ierusalem o e ta’uta’u I lona suafa? Na sau foi o ia iinei e saisai atu I latou ma ta’ita’iina I le au faitaulaga sili. ²² Ua faasolo ina Malosi le tala’iga a Saulo, sa faamaonia e Saulo o Iesu o le Keriso, ma na avea ma mea e faatiga ai I le au Iutaia sa nonofo I Tamaseko. ²³ Ina ua mavae aso e tele, ua fuafua le au Iutaia e fasioti ia te ia ²⁴ Ae peitai, sa iloa e Saulo le latou fuafuaga. Sa latou leoleo I le faitotoa I le ao atoa ma le po ina ia latou fasioti ia te ia. ²⁵ Ona ave lea o ia e le au soo I le po, ma tuu ia te ia I lalo I autafa ane o le ‘au pa, ua tuu ifo o ia I lalo I se ato. ²⁶ Ina ua oo mai o ia I Ierusalema, sa taumafai Saulo e auai I le faapotopotoga a le au aposetolo, ae peitai ua latou fefefe ia te ia, latou te lei talitonu ua avea o ia ma soo. ²⁷ A’o Panapa na ia ta’ita’I mai o ia I luma o le au aposetolo, ua ia ta’uina ia te I latou le taimi na feiloai ai Saulo ma le Alii I luga o le ala ma le fetalaiga a le Alii ia te ia. Le gata I lea, o le loto tele o Saulo e tala’I le suafa o Iesu ia Tamaseko. ²⁸ Na feiloai Saulo ma I latou ao aga’I mai I totonu ma toe aga’I atu I fafo o Ierusalema. Ua tautala atu o ia ma le lototele I le suafa o le Alii o Iesu. ²⁹ Ua finau atu foi o ia ma le au Iutaia Elenisia, ua atili ai ona latou fia fasioti ia te ia. ³⁰ Ina ua faalogo le au uso I lenei mea, ona latou aumai lea o ia I Kaisareia ma auina atu loa I Taso. ³¹ O le mea lea, na maua ai le filemu ma le faamalosi I ekalesia uma lava oi Iuta, Kalilaia ma Samaria, sa latou savavali ma le mata’u I le Alii ma le faamafanafanaga a le Agaga Paia, ua tupu ma ola le ekalesia. ³² I le taimi lava lea, na fealuai ai Peteru I le nuu uma o lea itulagi , na alu ifo foi o ia I e talitonu uma o e na nonofo I Lita. ³³ O ina na fetaui ai Petru I le tasi tagata ua igoa ia Ainea. Ua 8 tausaga o ta’oto I lona moega o maua I le ma’I o le pipili. ³⁴ Ua fai atu Peteru ia te ia, “Ainea, ua faamalolo oe e Iesu Keriso. Tu I luga ma ave lou moega,” o le taimi lava lea na tu ai o ia I luga. ³⁵ Ua iloa uma e tagata na nonofo I Lita ma Sarona le tagata ua faamaloloina, ona latou liliu lea I le Alii. ³⁶ Sa I Iopa se tasi soo ua igoa ia Tapita, ua faaliliuina o “Toreka” O lenei tina ua ia faia galuega lelei e tele ma galuega alofa e tele na ia faia mo e matitiva. ³⁷ Ua oo ina ma’I o ia ma oti ai lava. Sa latou faataele ia te ia, ma faataoto ia te ia I le potu pito I luga. ³⁸ Talu ai o Lita e lata ane I Iopa, ma ua iloa foi e le au soo o loo iai Peteru I lea nuu, ona latou auina lea o ni tagata e toalua ua ai’oi atu ia te ia, “Sau tatou o aua lava nei tuai.” ³⁹ Ona tulai lea o Peteru ua latou o, Ina ua oo atu o ia, ua latou ave ia te ia I le potu pito I luga, o loo tu tu ai fafine ua oti a latou tane o loo fetagisi ai, ua latou faaali foi ia Peteru ofu mafanafana ma ofu talaloa na faia e Toreka mo ia a’o ola mai o ia. ⁴⁰ Ua ta’ta’I ese e Peteru I latou I fafo ma le potu, ua toatuli I lalo ma tatalo, ona faasaga lea o ia I le tino, ua faapea atu, “Tapita, tulai I luga.” Ona pupula lea o ona mata, ua ia iloa atu o Peteru, ona nofo lea o ia I luga. ⁴¹ Ona tago lea o Peteru I lona lima ma ua faatu ia te ia I luga, ona valaau lea o ia I le au uso faatasi ai ma fafine ua oti a latou tane, ma tuuina atu lea o ia ia te I latou ua toe faafoisia lona ola. ⁴² Ua lauiloa lenei mea I itu uma o Iopa, ma ua toatele ai tagata ua talitonu I le Alii. ⁴³ Na tupu lenei mea a’o nofo ai Peteru I Iopa mo ni aso e tele I le fale o le tagata ua igoa ia Simona le fai pa’u o manu.