1 O Paulo, ole aposetolo a Keriso Iesu i le finagalo ole Atua, e tusa ma le folafolaga o le ola o loo ia Keriso Iesu, 2 Ia Timoteo lo'u atalii pele; Ia ia te oe le alofa tunoa ma le alofa ma le manuia mai le Atua le Tamā atoa ma Keriso Iesu lo tatou Alii. 3 Ou te faafetai atu i le Atua, o lē ou te auauna i ai ma le loto fuatia ifo, ua mamā e pei o'u tupuga, ina ua ou manatua oe e le aunoa i a'u faatoga i le po ma le ao. 4 O loo ou faanaunau e feiloai ma oe, auā ua ou manatu i ou loimata ina ia tumau a'u i le olioli. 5 Ua ou manatua le faatuatau faamaoni ia ia te oe, sa muai iai ia Loi o le tinā o lou tinā, atoa ma Eunike lou tinā o la'u taofi o loo ia te oe foi. 6 O le mea lea ou te faamanatu atu ai ia te oe, ia toe faamumū le mea alofa mai le Atua, o loo ia te oe lea i le faaee atu o o'u lima. 7 Auā ua le foaiiina mai e le Atua ia te i taou le agaga e mata'u ai, ao le agaga e faamalosi ai, ma alofa ai ma pulea i o tatou loto. 8 O lenei, aua e te mā e molimau i lo tatou Alii poo ona o a'u , o Paulo, o loo noanoatia ona o ia, ae tiga faatasi i tatou ona o le tala lelei, e tusa ma le mana o le Atua, o lē na faaola mai ia i tatou, 9 ma valaau mai i le valaau paia. Na ia faia lea mea, e le tusa ma atoatoa galuega, a e tusa ma lona lava finagalo ma lona alofa tunoa, na foaiina mai ia i tatou ia Keriso Iesu talu mai le vavau/amataga. 10 A ua faailoa mai nei i le faaalia mai o lo tatou Faaola o Keriso Iesu, o le ua faaumatia lava le oti, ao le ola ma le le iu vale ua faamalamalamaina mai lea e ia i le tala lelei. 11 Aua ua tofia ai a'u o lē talai ma le aposetolo, ma le a'oa'o. 12 O le mea lea ua ou tigaina ai i ia mea, ae ou te le ma lava, aua ua ou iloa o ia ua ou faatuatua i ai. Ua ou mautinoa foi ua mafaia lava e ia ona leoleo i le mea na ia tuuina mai ia te a'u e oo atu i lea lava aso. 13 Ia e taofia le faataitaiga o upu moni na e faalogologo mai ai ia te au, ma le faatuatua ma le alofa ia Keriso Iesu. 14 O le mea lelei ua tuuina atu ia te oe, ia e tausia i le fesoasoani o le Agaga Paia o loo nofo i totonu ia i tatou. 15 Ua e iloa lenei mea, o i latou uma o i Asia ua lafoai ia te a'u. E i ai Fogelu ma Emokene. 16 Ia alofa atu le Alii i le aiga o Oneseforo; aua na ia faamafanafana soo mai ia te a'u, e lei mā foi o ia i o'u filifili uamea. 17 Ae peitai na i Roma o ia, ona matuā saili mai lea o ia ia te a'u, i le ua maua. 18 Ia foaiina atu e le Alii ia te ia, ia maua le alofa mai le Alii i lea lava aso. Ua e iloa lelei o mea e tele na ia auauna mai ai ia te au i Efeso.