2 Korinito 12
1
E tatau ona ou mitamita, e tusa lava pe le aoga. Ae o le a oo atu la'u upu i mea na vaaia ma faaaliga mai le Alii.
2
Ua ou iloa le tasi tagata o Keriso, o lē ua sefulu ma le fa tausaga talu ai, ou te lē iloa, pe i le tino, pe i lē i le tino, ua silafia e le Atua, na aveina a‘e i le lagi lona tolu/lagi tua tolu.
3
Ua ou iloa foi o lenei tagata—pe na i le tino o ia, pe lei le tino; o le Atua na te silafia—
4
na aveina aʻe o ia i le parataiso ma faalogo i upu e lē mafai ona faamatalaina e lē tatau ona tautala atu ai tagata.
5
Ou te mitamita ona o lenā tagata. Ae ou te lē mitamita ia te a‘u lava, se‘i vaganā ai o‘u vaivaiga/tau lava o mea ua ou vaivai ai.
6
Afai ou te filifili e mitamita, o le a lē avea a'u ma vale, auā ou te tautala atu i le mea moni. Ae aua foi nei ou faamaualuga, ina nei manatu mai se tasi iā te a‘u e sili atu nai lo mea na te vaai mai iā te a‘u pe fa‘alogo mai ai.
7
Ina ia taofia aʻu mai lo'u faamaualugaina ona o le silisili ese o faaaliga, na tuuina mai ai iā te aʻu le mea matuitui i le tino, o le ave feau mai iā Satani na faatigā mai iā te aʻu, ina nei ou faamaualuga.
8
E faatolu ona ou aioi atu i le Alii e uiga i lenei mea, ina ia aveesea e ia mai ia te au.
9
A ua fetalai mai o ia “Ua lava lo‘u alofa tunoa ia te oe, auā o le vaivai e fa‘aatoatoaina e le mana.” O le mea lea, e sili ai ona ou mitamita i lo‘u vaivai, ina ia tumau ia te a‘u le mana o Keriso.
10
O le mea lea ou te fiafia i ai i m ea e vaivai ona o Keriso, i tauemuga, i faalavelave, i sauaga ma tulaga pagatia. Auā o so o se taimi lava ou te vaivai ai, ona ou malosi ai lea.
11
Ua avea aʻu ma tagata valea! Na e faamalosia aʻu i lenei mea, auā sa tatau ona ou viia oe. Auā ou te lei itiiti i ē ua ta‘ua o le au aposetolo sili, e ui lava ina ou lē aogā.
12
O faailoga moni o le aposetolo na outou faia ma le onosai uma lava, ma fa‘ailoga, ma vavega, ma mea mamana.
13
Pe faapefea ona faatauvaa outou nai lo isi ekalesia, vagana ai ua avea a‘u ma avega ia te outou? Faamagalo mai a'u i lenei mea sese!
14
Faauta!/Vaai! Ua ou sauni ou te alu atu ia te outou mo le taimi lona tolu. O le a lē avea aʻu ma avega mamafa iā te outou, auā ou te lē o saili ia outou mea. Ae ou te manao ia te oe. Aua e le tatau i fanau ona sefe mo matua. Ae peitai, e tatau i matua ona faaputu mo le fanau.
15
Ou te matuā fiafia lava e fa‘aalu a'u mea ma fa‘aumatia foi a‘u ona o
outou agaga. Afai e faateleina lo‘u alofa ia te outou, mata o le a faaitiitia ai lo outou alofa mo a‘u?
16
Ae pei ona iai, ou te lei faatiga iā te outou. Ae talu ai ona o aʻu o se tagata taufaaoleole, o aʻu lea na maua oe i le taufaasese.
17
Pe na ou fa‘atauaina ea outou e se tasi na ou auina atu iā te outou?
18
Na ou aioi atu ia Tito ina ia alu atu ia te outou, na ou auina atu foi le isi uso faatasi ma ia. Pe na faaogaina ea e Tito iā te outou? Tatou te lei savavali ea i le agaga e tasi? Tatou te lei savavali ea i laa e tasi?
19
Ua outou manatu ea, a matou taumafai e puipuia i matou mai ia te outou? Le au pele e, matou te tautala atu ai i luma o le Atua, o mea uma foi e faamalosia ai outou.
20
Aua ou te fefe nei ou alu atu ae ou lē mauaina outou e faapei ona ou loto iai. Ou te fefe foi nei lē tou mauaina aʻu e pei ona outou loto i ai. Ou te fefe ina nei i ai le misa, o le fuā, o le ita, o le misa, o le taufaaleaga, o le faitatala, o le faamaualuga, ma le lē mautonu.
21
Ou te fefe nei faamaulaloina a‘u e lo‘u Atua i o outou luma, pe a ou toe foi mai. Ou te fefe neʻi ou faanoanoa ona o le toʻatele o i latou ua agasala muamua, ma e lei salamō i amioga lē mamā ma le faitaaga ma tuinanau sa latou faia.