¹ O au o Peteru, o le aposetolo a Iesu Keriso, o la'u tusi lenei i tagata ese o ē o loo taapeape, o ē ua filifilia i Pono, ma Kalatia, ma Kapatokia, ma Asia, ma Pitunia. ² E tusa lea ma le muai silafia o le Atua le Tamā, e ala i le galuega faapaiaina a le Agaga, mo le usiusitai ma le sausauina o le toto o Iesu Keriso. Ia ia te outou le alofa tunoa, ma ia faateleina lo outou manuia. ³ Ia viia/faafetaia le Atua le Tamā o lo tatou Alii o Iesu Keriso! I lona alofa mutimutivale tele, ua ia fanaufouina ai i tatou i se faamoemoe ola e ala i le toetu o Iesu Keriso mai le oti. ⁴ E fai lenei mea mo le tofi e lē mavae atu, e lē pala, ma e lē mavae atu. Ua teu/faapolopoloina i le lagi mo outou. ⁵ Ua puipuia fo‘i ‘outou i le mana o le Atua e ala i le fa‘atuatua mo le fa‘aolataga ua sauni e fa‘aalia mai i le aso gata‘aga. ⁶ Ua outou matuā olioli foi i lenei mea, e ui lava ua na sina taimi itiiti, tou te mafatia ai i tofotofoga eseese uma. ⁷ O lenei mea e fa‘amaonia ai lo outou fa‘atuatua, e sili ona tāua i lo le auro e pala, e ui lava ina tofotofoina i le afi. E tupu lenei mea ina ia maua ai lo outou faatuatua e iu ai i le viiga, ma le mamalu, ma le viiga i le faaali mai o Iesu Keriso. ⁸ E le o iloa atu outou ia te ia, a ua outou alolofa ia te ia. Ua outou le o vaai atu nei ia te ia, a ua outou talitonu ia te ia ma olioli i le olioli e le mafaamatalaina ma ua tumu i le mamalu. ⁹ E maua foi le iuga o lo outou faatuatua, o le faaolaina lea o o outou agaga. ¹⁰ O le fa‘aolataga lenei, na vavalo ai perofeta i le alofa tunoa o le a o‘o mai iā te outou, na latou matuā suesue ma sailiili i ai. ¹¹ Ua suesue i latou po o ai se tagata po o le a se taimi ua fa‘aali mai e le Agaga o Keriso i totonu iā te i latou, ina ia muai molimau atu o puapuaga o Keriso ma le mamalu e mulimuli ane i ai. ¹² Ua fa‘aali atu foi iā te i latou, e lē o auauna i latou lava, a o outou, ina ua latou tautala atu i mea ua tau atu nei iā te outou e i latou o ē na talaiina atu le tala lelei iā te outou i le Agaga Paia ua auina mai i le lagi, o mea ia o lo‘o naunau i ai le au agelu i le fia matamata i ai. ¹³ O lea ia fusifusia o outou sulugātiti. Ia faautauta. Ia outou fa‘amoemoe atoatoa i le alofa tunoa e avatu iā te outou pe a fa‘aalia mai e Iesu Keriso. ¹⁴ Ia faapei o le fanau usiusitai, aua ne‘i faatusaina outou i tuinanau na outou mulimuli ai a o outou lē iloa/a o valea outou. ¹⁵ Ae pei ona paia o lē na valaauina outou, ia paia foi outou i a outou amio uma. ¹⁶ Auā ua tusia, “Ia pa‘ia outou, auā e pa‘ia lava a‘u.” ¹⁷ O lenei, afai tou te valaau atu, “Tama e,” o lē na te fa‘amasinoina lē fa‘aituau e tusa ma galuega a tagata taitoatasi, ia outou nonofo ma le matau a o outou nonofo ai iinei o ni tagata ese/a o outou a aumau iinei. ¹⁸ Aua ua outou iloa e lei togiolaina outou i le ario e pala po o le auro mai i amioga lē aogā na outou maua mai i o outou tamā, ¹⁹ a o le toto tāua o Keriso, e pei o le toto o le tamai mamoe e lē ponā lava, e leai foi sona leaga/poo se ila. ²⁰ Na muai silafia e Keriso a o lei faavaeina le lalolagi, a o lenei ua fa‘aalia mai o ia iā te outou i nei aso e gata ai. ²¹ Ua outou faatuatua i le Atua ona o ia, o lē na toe faatūina mai o ia nai ē ua oti, ma avatu iā te ia le mamalu, ina ia i le Atua lo outou faatuatua ma lo outou faamoemoe. ²² Na outou faamamāina o outou agaga/loto i le usiusitai i le upu moni. O le faamoemoega o lenei mea, o le alofa faamaoni faaleuso; o lea ia outou fealofani ma le faamaoni ma le loto mama.

²³ Ua fanaufouina outou, e le o le fua/fatu pala, ae o le fua/fatu e le pala lava, o le afioga a le Atua lea o loo ola ma tumau e oo i le faavavau. ²⁴ Auā, “O tagata uma e pei o le mutia ia, o lona matagofie uma foi e pei o le fuga o le vao. E magumagu le mutia, e toulu foʻi le fuga, ²⁵ a o le afioga a Ieova e tumau e faavavau.” O lenei upu o le tala lelei lea na folafola atu iā te outou.