¹ Heneu maha Titus sen Paulus, hamba Allah ngen rasul Kristus Yesus, de' du cok sen pengelen kelonen de' Tuhan Allah milie ngen penesen de' teneng de' engkin ilu fala fetemek ² bi'i do un tempelum udip majen, de' du oben feket hena avang ji re ko en Tuhan Allah de' taun valo. ³ Ezo oben bada isiu sen du tai pahalaii bada e de' du ngelen te ahie pehesiu ngen katok Tuhan Allah , Juruselamat le. ⁴ Maha Titus, anak de' elen dalem pengelen ilu mong. Hempoang ngen bangen tavai nai sen Tuhan Allah, Amai, ngen Yesus kristus, Juruselamat le. Jagen-jagen Titus ke Milie Penatua he' Kreta Te. ⁵ Ho' en vozen ji kie maong ihue ha Kreta te, bi'i kam mencam pelepek inu de' taun leve ta'i lepek ngen mejong penatua-penatua sengket kota, ku'e ba'an kie' peteto maha eham. ⁶ Ezo co helonen de' taun tai sale', lahi sen co le leto, un anak-anak de' ngelen, ngen taun du pahalaii ilu un fozen de' taun te'a. ⁷ Oben ne, co de' petobo' de' ngelen Tuhan co helonen de' te'a fozen de' pezagen maha Allah, taun empau hemet, taun kojo busie, taun mabok, taun kobe pehenco, ngen taun temue dalem meto fene'a tengen. ⁸ Je atek lan ne, obe' ala sahai, ho'be' ozen je' te'a, Mencam,heve',saleh,temek,ngen moet na'eng hemet. ⁹ Zo men ta'eng isiu e,de' ezo ba'da maha ru,du senteng ke ngelen nevaze' katok de' ezo lepek pehatok du,bi'i e mencam pahalai ru ngen saie' ngen ngaie' ru de' nyefati dau hatok ke. ¹⁰ oben,ne ha'du helonen de' nyefati,selap kun je' falo,ngen ngaken du,helonen de' ru nefu un sen kelempun helonen de' un terane'. ¹¹ E'o tekep le ru he mekep pa'do jo'do fetosa mong pengelemin do ngen vahalaii do te je ta'un pehesiu ngen do ozen fozen fozen de' duhue' ru sae'. ¹² Eno co maha e'o ji i nabi do tengen, kun "mehe ne helonen-helonen kreta falo, kue ba'en cen ngeta de' ja'et, nge'n moet omen de' nge'n helo." ¹³ isiu zi len le, nba'en ne, eham ngaie' do bi'i do tai saie' dalam pengelen do. ¹⁴ enteng nyemate hetene-hetene helonen Yahudi ngen katok-katok helonen de' taun baze' keteneng. ¹⁵ maha de' buie',mong e buie'. Jo,maha e'o de' jameng ngen ta'un ngelen,ta'un de' dalem kemet do mi'i te dalem atai do jameng. ¹⁶ Do ba'da do tesen Tuhan Allah, nge'n pozen do e'o nyemeka Tuhan Allah. E'o beng ha en nyi'gut le,fozen do ta'un de' temek, nge'n taun utong ozen de' te'a.