1
Henue' Sen Paulus ngEn Timotius Sen Paulus ngEn Timotius, fengecok Yesus Kristus, maha muong du dalem Kristus Yesus je' un ha Filipi ngEn maha E'o de' feto'bo anak-anak Tuhan.
2
Fengelesou ngEn damei sen Allah, Amai ilu, ngEn Tuhan Yesus Kristus femuong ngEn Eham. Bangen Tavai ngEn Sembazang maha HelonEn ngelEn ha Filipi
3
Kie' bangen ta Allah sengket kie' fetavai Eham.
4
Dalem sembazang kie' maha Eham muong, ahie' beng sembazang ngEn sukacita
5
jo ja'gEn keve' de' kam ba'da dalem Injil sen pena'dieng po nihi.
6
Kie ngelEn bo zo de' na'dieng ja'gEn tE'a taeng Eham, zo ne de' he fenco jeto tE'a e po nai Yesus Kristus.
7
Je atek lan e ahie' kue ba'en belen mihi re te Eham jo Eham eno te hEmet kie'. Azo fe tasa kie' dalemlamin sepin azo fe tasa kie' tEi ba'da sahEt ngEn fena'eng Injil, Eham co obEn fenozang kie' dalem pengelesou Allah.
8
Allah ngelelEn, bo ahie' menue Eham muong dalem dalem kelesou Allah.
9
Je'i ne sembazang kie': Bi'i pengelesou kue' nai nafit, ngEn penEsen te je' muong-muong fengencam;
10
bi'i kam encam milie'inu de' atek tE'a; bi'i kue' buie' ta'un ano bo tou Kristus te;
11
sangEn ngEn fozEn tE'a de nai sen Kristus Yesus maha hempezue ngEn tenganie maha Allah. Fenosa Paulus he Fecok Fe'gEi Injil
12
Cenganak-cenganak cie', ahie' hobe' Eham tEsen inu de' nai te ahie' hengkin fecok maha Injil,
13
bi'i muong de' jage' istana ngEn muong du tEsen bo ahie' senepin maha Kristus.
14
MEfa le cenganak co fengelEn de' ngelEn Tuhan jo tEi kie' senepin ji, engkin tEi mahang ke vala isiu Allah ngEn ta'un un belen tahut.
15
Eno ru de' fE'gEi ba'da Kristus jo E'o ja'et saie' ngEn fe moEt, jo Eno fe de' ngEn kEmet tE'a.
16
E'o de' ngEn kEmet buie' ozEn e jo pengelesou jo E'o tEsen bo ahie' faong tuwi maha sahEt Injil.
17
Jo E'o de' un kEmet ja'et, E'o ozen e jo fengobe' tengen de' sale', ta'un lEn hEmet ngEn fehEmet bo E'o encam mafit fenosa ta ahie' ceng ka'jEn cie' dalem lamin sepin.
18
Ba'en ne inu le hala ti'i? De' tengene ngEn fozEn inu fe, azo fe ngEn mala-mala azo fe ha'dep teneng, Kristu du ba'da, ngEn ji'i o ahie' bangen tavai. E'a, ahie' beng ke tE'a hEmet le,
19
jo tEsen cie' bo ho'en sembazang-sembazang kue' ngEn obEn Roh Kristus Yesus, inu de' jadi fala ahie' he engkin co helepo mahie'.
20
Tempelum de' kie' ngelEn un na ahie' ta'un pesong sa'E. Saha lihut ngEn je' ahie' un co mahang tavai bi'i Kristus, kue ba'en de' nihi re ngEn dalem oso kie' du fempou dalem matEi ngEn mu'dip.
21
Jo bo ahie' mu'dip je' Kristus ngEn matEi co tolEt tE'a.
22
Bo ie' mu'dip dalem oso zi, ie' feza'gen bi'i un beva'e. Ngen ta'un cie tesen jempi kie' milie'.
23
Tei tatip kie' te devo de kie' milie'. Fengobe' kie' nava u'dip ji bi'i mu'dip ngen Kristus, jo ji'i ne je' atek te'a.
24
Jo maha eham lebih te'a bo kie' mu'dip dalem oso zi.
25
Ngen fengelen ji, kie' tesen ahie' he mu'dip ngen eham muong bi'i fecok ngen hempangen kam de' dalem fengelen.
26
Bo kie' felevet la'a te ihue', co hempangen kue' hetai nafit dalem Yesus Kristus jo ahie' re. Fabong ne Ngen Enteng Kelok Bava
27
Azofe mi'i, mu'dip ne ngen te'a maha Injil Kristus bi'i bo kie' nai fevesuong ngen ihue', jo azofe ta'un nai, kie' ngene'en bo kam fevejeng dalem co le roh, co hemet, bi'i le femong ti'e maha fengelen sen Injil.
28
Enteng ne fele ru de' laven eham fetahut dau teham, jo ji'i ne terane' do hetei fasi, jo selamet maha eham, ngen terane' ji sen Tuhan.
29
Ento e beng saie'-saie' le mu'dip ko'en kempoang e jo un te hemezet de' le fesong maha zo.
30
Ji'i fu'une eham fesong penosa-penosa de' keve' kam jeto ahie' fesong, ngen sen nihi kam ngene'en javei kie' mi'i leve.