¹ Kenue sen Paulus de un ka lamin sepin koen Yesus Kristus ngen sen Timotius cenganak leh, de co le pengelen ngen ilu maha Filemon de co le jagen, de mie lesau ² ngen maha Apfia, cenganak le, ngen Arkhipus, tozang le de co le jagen, ngen 'tai homo jemaat de fahentemuong dalem lamin cue'. ³ Pengeloai ngen penyaie' maha eham sen Tuhan Allah, To'o le, ⁴ Ahie' nyelanue' ba'da belen penyaie' tavai maha Tuhan Allah tasa kie' tai vetavai eham dalem sembazang kie, ⁵ 'jo ahie' ngeneen dengo fengelen ngen pengelesau eham un dalem Tuhan Yesus ngen maha kelonen buie'. ⁶ Ahie' sembazang afan e fahantemuong fengelen 'cam tai pecuok maha penesen de' sangen ko'en pozen je' te'a de' 'un ngen ihue' ko'en Kristus. ⁷ Ahie' pelavo bangen belen ngen moet belen kemet ko'en pengelesau kue' 'jo ko'en cam cenganak kie' hemet kelonen de' buie' nai moet ngelevet. Pengenyet Paulus ta Onesimus ⁸ Oban ne mehe, azo fe kie' un fengelen de' ta'eng dalem Kristus ngen senteng cok eham de inu empin meham, ⁹ oben ko'en pengelesau, tefaue' te'a kie' nyet te eham. Ahie' Paulus de' muhun tene ngen nihi tai dalem lamin sepin ko'en Kristus Yesus. ¹³ nyet ta eham maha anak kie', Onesimus, de' kie' pesuong kajen kie' un ka lamin sepin, ¹¹ de' behe'ai de ta'un bange maha eham, jo nihi ha'du ali tene bange, azo fe maha eham azo fe maha ahie. ¹² Ahie mecah ezo , beva hemet cie', felevet kato eham, ¹³ de' atek len ne ahie' hobe' eham un ngen cie' afen ezo senteng saliu ahie' kajen cie' senepin ko'en Injil. ¹⁴ Ko'en ta'un pengobe' kam ta'un cie' hobe' ozen inu afen pene'a ze ento un ko'en du naten, jo ko'en pengobe' le tengen. ¹⁵ Mase ohen Onesimus metet ezo ngen ihue' kena e afane senteng ala ezo ngelevet, ¹⁶ jo ento ne un kuva'en co hole' de' jo pelavo ve ta ni'i, jo ie cenganak de kie' lesau, ento un bang maha ahie' le, azo dalem oso le azo fe dalam Tuhan. ¹⁷ Bue kam komo ahie' co le jagen ngen eham, alane Onesimus kuva'en eham ala ahie'ne. ¹⁸ Bue e un sale' ta eham ngen un de' ezo taun bazen ta eham, pesu'un ne ji'ie ta ahie'. ¹⁹ Ahie', Paulus, nyoret di'i men u'jue' kie' tengen: Ahie bazane ngen ta'un pehalai inu-inu oben je' kue' ala ta'un bazen ta ahie', ji'i e udip kue' tengen. ²⁰ Ea, cenganak kie, inu baliu dalem Tuhan kie' pesuong pene'a sen ihue'. Moet ne hemet cue' dalem Kristus. ²¹ Tempelum kie' penenek kue', ahie' he nyoret maha eham, jo kie' tesen eham ozen pelavo ta de' kie' nyet. ²² Kajen e mehe, tulong petenup duhue kie' jo kie' nempelum sen sembazang kam, kie' kenai pelevet hato eham. kenue' de hempaza ²³ Epafras, pemong dalem lamin sepin dalem Yesus Kristus, ngato kenue' maha ihue', ²⁴ mehe te Markus, Aristarkhus, Demas, ngen Lukas, tozang-tozang de' pemong jagen. ²⁵ Pengeloai sen Tuhan le, Yesus Kristus, baliu e un serengen roh kue'.