¹ Eno Tene Tuhan Allah Ngelai sen Anak Ke. ² O'o lepek tasa behe'ei re, Tuhan Allah ngelevet ngelai maha tepun le sen pa nabi-nabi, ta ho'o avang ji, Tuhan Allah ngelai maha ilu nge'n anak-anak ke de' ezo milie' faset taeng e je' ue'ne muong je' muong, nge'n ko'en ne lete Tuhan Allah ozen avang zi. ³ Zo sen ta'da pene'a Tuhan Allah ngen lengei hempen fenue' fozane, Zo lete de' nu'gun muong je' muong men kesezo helai e. O'o lepek ke muie' fenyale'-fenyale', Zo ma'duong Saha ta'u je' Bezu ali le ta duhue' de' empou, ⁴ ba'en ne tei felavo empou te muong malaekat jo' Zo uene nga'den felavo empou te nga'den do. ⁵ Jo un to Tuhan Allah homo e maha malaekat, "Ihue' Anak Kie. Tau zi, Ahie' ne Amei Kam"? bue ento e mehe une kun ne maha e'o Ahie' To'o lahi e, ngen Zo Anak Kie."? ⁶ Tasa Tuhan Allah ba'da anak a'dieng E maha helonen tusun tane', un ne rau e, baliu e muong malaekat tunok Zo. ⁷ Dau Tuhan maha muong malaekat, baliu e muong malaekat kue ba'en baziu re, ngen kole'-kole' E kue ba'en aeng afui re. ⁸ Jo maha Anak-Ke, un dau E "Takhta-Kue, Tuhan Allah, un ceng ka'jen. "Sekut de' elen ne ji'i ne sekut Keraja'an-Kue'. ⁹ Ihue' saie' te heteneng jo busie' te de' ja'et. Jo mehe, Tuhan Allah, ji'i ne Tuhan Allah-Kue', lepek me'juong ihue' ngen hempangen saha empou tozang-tozang kue'." ¹⁰ Co la'a, "Ihue, Tuhan Allah, sen pena'dieng tene Kue' mauong tengken tade' ngen langit o'ben cue' ozen. ¹¹ Tane ngen Langit ketei ta'un, jo Ihue' beng un le ceng ka'jen. Tane' ngen langit ketei ja'et kue ba'en savei re. ¹² Kue ba'en jalen de Ihue' ngeluhun, ngen ba'en savei, e'o ngeseva. Jo Ihue' o, ta'un cue' hetei baliu, ngen omen-omen Cue' ta'un ketei mo'o."