(Henue ngen pujian maha Gayus) ¹ Sen Penetua maha Gayus de' kie kelesau dalem keteneng. ² Cenganak de' kie lesau, ahie sembazang avane eham tea-tea dalem je' muong-muong, avane oso kam saie, baen brevo kam saie fe. ³ Ho en , ahie saie ali le tasa cenganak-cenganak nai nge'n bada keteneng kam, mumpin oben pengudip kam dalem keteneng . ⁴ Ahie taun penyaie de' atek bezu, de ento e ngene;en bue anak-anak kie mudip dalem keteneng. ⁵ Cenganak de' kie lesau, eham pejagen nge'n temek dalem muong jagen cam te cenganak-cenganak, je ve do helonen nai sen cue te. ⁶ E'o oben bada mumpin oben pengelesau kam teno jemaat. Eham ke ozen de' te'a bue kam kelesau e'o petok aset do nge'n fozen de' pehesiu maha Tuhan Allah. ⁷ Jo, lepek tene hetai do nge'n Ngaden je, nge'n taun ala inu-inu sen kelonen de' taun ngelen. ⁸ Ho en mehe, ilu mepo kelonen de' mehe bi i le mencam co le dalem pezagen maha keteneng. ⁹ Ahie oben te'i soret maha jemaat, jo Diotrefes, de' hobe ngelona ezo dalau e'o , taun obe ala amie. ¹⁰ Ko en mehe, bue kie nai, kie peteven ezo tusun oben disie e, de' oben peza'et amie men isiu de ja'et! Ento bang ji i le, ezo co taun kobe ala cenganak-cenganak de' enai nge'n engenco e'o de' hobe ala cenganak-cenganak je nge'n mesau e'o sen jemaat. ¹¹ Cenganak de' kie lesau, enteng baze' disie de' jaet, de' te'a ilu baze'. Helonen de' ozen je' te'a oben sen Tuhan Allah, helonen de' ozen jaet, taun leve jeto Tuhan Allah. ¹² Muong du ngetene' de' te'a te vozen Demetrius, oben keteneng lete ngetene' de' un di. Amie co ngetene', nge'n eham tesen oben ne ketene de' ilu fabie muong e teneng. ¹³ Eno hadu de' kie hobe' nyoret maha eham, jo taun cie hobe nyoret maha eham men pena nge'n tinta. ¹⁴ Ahie nempelum pefesong nge'n ihue nyangkit nge'n ilu vahalai i fahan co mo nge'n pefesong. ¹⁵ Fenyaie maha ihue. Tozang-tozang hui ne ngatu heneu mihue. Fabie fe kenue mie maha sengket cenganak de' un ho e' ne.