Heneu. ¹ Cen panatua, maha uvie de' dulu milie ngen maha de' anak-anakke, de' ahie helesau dalem keteneng, ento bang ahie le, jo mong du de' tesen keteneng. ² Ba'an na keteneng de' paong dalem ilu, ngen de' pemong ngen ilu ceng kajen. ³ Tempoang, pengelasau, ngen penyaie, sen Allah Amai ngen sen Tuhan Yesus Kristus, Sang Anak, pemung ngen ilu dalem keteneng ngen pengelesau. Mudip ne pehesiu katok Tuhan Allah. ⁴ Saie belen kie tesen de' hoda re anak kam de' mudip dalam keteneng, mumpin jeto katok de' ilu lepek ala sen Amai. ⁵ Nihie, ahie enyet te eham, evie, taun kie ozan co katok de' madieng, je' atek lan ne, katok jie lepek ilu hanen te ne cen penadieng, afein le pahelesou co engen co. ⁶ Ngen, pengelesau zie, un ilu mudip baza katok-katok-Ke. Da'i katok je', keba'an de' eham ngene'en da'u cen penadieng afen kam mudip dalam katok je' ⁷ Oben ne, hadu de' nai pelingu-pelingu nai mona te tusun tana ji, taun do ngelen Yesus Kristus nai nyelempo helonen. Un e'o o helelonen de' pelingu-pelingu ru ngen anti Kristus. ⁸ Jage-jage afen cam taun tai' metak de' lepek nilu pehalai, ya lan' na tonang da' sangen. ⁹ Sengket kelonen de' maset sahafang dalem katok Kristus , ezo taun un' dalem Tuhan Allah. Jo, i'e fe fa'ong dalem katok ze he'un Amai ngen Anak. ¹⁰ Bo'o un du nai kata ihue engkin katok Jie, enteng ala e'o dalam lamin cu'o ngen tai henu'e me'o. ¹¹ . Oben ne', i'e fe de' ala zo ala tolet ja'gen ja'et kalenon jie. Heneu matep. ¹² Hadu de' kie ke nyoret mihue, jo taun fe kie obe ozan na men kertas engen tinta. Atek len ne, kie nempelum kenai hato ihue pehalai, ngen pebesong silong co ngen co afen penya'ie le tai fabei. ¹³ Anak-anak sen saudaramu, de' oben du' milie' bada henue mihue.