¹ ( Kenue sen Paulus) Paulus tenepai kue' baen rasul Yesus Kristus ko'en pengobe Allah, nge'n Sostenes, cenganak le. ² Maha jemaat Tuhan Allah de' un ha Korintus, maha e'o de' le homo teneng dalem Kristus Yesus, de' te'i tenepai baliue kelamin de' buie mong kelonen de kempi te duhue do pisiu ngaden Tuhan le Tuhan Yesus Kristus, te'a ka duhue do te'a azo fe te duhue le. ³ Kempoang maha eham nge'n penyaie sen Tuhan Allah Amei le nge'n Tuhan Yesus Kristus ⁴ (Paulus ulie belen penyaie pala Tuhan Allah) Ahie ngelanue bada belen penyaie kie pala Tuhan Allah kie ta eham jo kempoang Tuhan Allah de' Ezo nai maha eham dalem Yesus Kristus, ⁵ jo e dalem je' muong fozen un ketelum ta Ezo, ta muong kelai, nge'n muong penesen, ⁶ kue baen kelai sen Kristus lepek ne ta'eng dalem eham. ⁷ Ngen ne mehe, taun cam ketai kasib dalem pengencai kajen cam ngena pengobe Tuhan le Yesus Kristus, ⁸ nge'n ke pete'eng eham po te'i ko o avang ji afen cam taun penyale' buie abie tau Tuhan Yesus Kristus. ⁹ Allah je' temek, oben ko'en ne kam tenepai dalem kelempun Anak Ke, Kristus Yesus, Tuhan Allah le. ¹⁰ (Fasi Dalem Jemaat) Nehi, kie fehatok eham, cenganak-cenganak, dalem ngaden Tuhan le Yesus Kristus afen cam co le hemet. ¹¹ Jo, lepek tesen tene kie dengo kam, cenganak-cenganak kie, pengelamin Kloe, bu'e eno oben kenca et kemet taeng eham. ¹² Kadep kie maha eham nihi afen cam komo'e " Ahie sen Paulus, " ngen " Ahie sen Apolos, " nge'n " Ahie sen Kristus. ¹³ Senteng a a le fetolet Kristus? nge'n un Paulus tai senalib ko'en cam? nge'n un du entue eham dalem ngaden Paulus? ¹⁴ Ahie bada hemet cie fala Allah jo taun cie entue azo fe co oso sen eham, di i le Krispus nge'n Gayus. ¹⁵ Afen ne taun du komo e ahie entue eham dalem ngaden cie. ¹⁶ Eno fe kie oben entue muong fengelamin Stefanus; deravang di i je, taun cie fetavai un cie oben entue du seng bese. ¹⁷ Jo, Kristus taun ne cok ahie entue du, jo cok ahie engkin dengo Injil, ento un ko'en cie mencam vahalaii, afane salib Kristus ta un tai tenozen nge'n fevareng. ¹⁸ ( Kesezo nge' n Pengencam Allah ) Isiu tentang salib engkin e o fehapa de ketai taun, jo mehe e o de fesong selamat fozen je moet sen Allah. ¹⁹ Lefek senoret tene, " Ahie he ngenek fengencam kelonen de mencam. ²⁰ Empi kelonen de' mencam? empi ahli Taurat? empi do de' mencam fesahet udip nihi? Allah lepek tene ozen fenesen avang ji co fenesen de' apa? ²¹ Ko'en fenesen Allah, taun kelonen tusun tane tesen Ezo hobe nge' n fengapa de' un ke bada dengo Injil' ²² Jo, kelonen Yahudi nyet terane-terane de' duhue do fehaven ngen kelonen Yunani meto fenesen. ²³ Jo un ne mie kebada dengo Kristus je tenesalib maha kelonen Yahudi ozen ne duhu do fetante' ngen maha kelonen de' ento Yahudi, co fozen de' apa. ²⁴ Jo maha e o de tenefai, tea kelonen Yahudi mi i te kelonen Yunani, Kristus moet sen Tuhan Allah nge'n fenesen Tuhan Allah. ²⁵ Un ne de apa sen Allah felafo mencam te kelonen ²⁶ Na et jeto fenozen cam tasa kam tenefai cenganak-cenganak, taun kadu de' mencam nevaze kemet oso le, ta un kadu de' un fenesen, taun kadu de' faren. ²⁷ Jo Allah lefek milie de' le taun sa e te usun tane ji kefesa e de' mencam ngen Allah milie inu de' leme' tusun tane ji ke pe sa e de ' moet. ²⁸ Nge'n, Allah milie de' ta un sa e ta tusun tane' ji nge'n le na et jeto e lebe inu tea pozen de' le homo ta un bang e ke hefeta un fozen de un bang, ²⁹ avane sengket kelonen de' menganie oso do tengen teno Tuhan Allah. ³⁰ Oben ko'en Ne, eham un dalem Yesus Kristus nge'n maha ilu tai un fenesen, keteneng, hempuie, nge'n seva sen Tuhan Allah, ³¹ lepek ne tenoret, "Baliue kelonen nenganie oso tengen, nenganie ne nge'n ngaden Tuhan".