¹ Откровение таро Исуса Христа, ковато диняс Лес о Дел, за те покажинел Пе слугенге ковка, ковато иси сиго те ачол; а о Христос бичалгяс, тай араклас лес чрез Пере ангелесте Пере слугаске о Йоан, ² ковато възвестингяс о Божие словос тай свидетелствингяс за Исус Христос, тай всичко, ковато диклас. ³ Блажено ковка, ковато четинел англал колкенде, тай колка, колато шунен о думес калке пророчествоскере тай пазинен о пишиме анде лесте; соскето о време си паше. ⁴ О Йоан - жи ко ефта кангеря, колато си анди Азия: благодат тай мири туменге Колкестар, Ковато си, тай Ковато уло, тай Ковато ка овел*, тай таро ефта духовя, колато си англал Лескере престолесте, ⁵ тай таро Исуса Христа, Ковато си о верно свидетели, о първородно тари муле тай о началники е земноне тагаренгоро. Леске, Ковато дехел амен тай развържингяс амен* амаре безехендар чрез Пе ратесте, ⁶ тай Ковато кергяс амен тагарипе таро свещеникия Пере Девлеске тай Отеци, Леске те овел слава тай господство жи ко вечна вековя! Амин. ⁷ Аке, авел е облакиенца; тай ка дикел Лес секо як, тай колка, колато хевлярде Лес; тай саворе земна племена ка възридаинен за Леске. Чука си. Амин. ⁸ Ме синиом Алфа тай Омега, пенел о Дел, Ковато си, тай Ковато уло, тай Ковато ка овел, о Всемогъщо. ⁹ Ме, о Йоан, тумаро прал тай съучастники андо неволес тай андо тагарипе, тай анди устояване, колато си чрез о Исуса (Христа), ульом ко острови, наречиме Патмос, ашал е Божие словоске тай о свидетелство за Исуса (Христа). ¹⁰ Андо Господно диес ульом андо изстъпление чрез о Духос; тай шунгиом палал манде силно гласос, сар тръбатар, ковато пенелас: ¹¹ Со дикес, пишине книгате тай бичал лес жи ко ефта кангеря: жи ко Ефес, жи ки Смирна, жи ки Пергама, жи ки Тиатир, жи ки Сардис, жи ки Филаделфия тай жи ки Лаодикия. ¹² Тай ирингиом ман те дикав Калкес*, Ковато хоратингяс манге; тай като ирисалом, диклом ефта златна светилникия; ¹³ тай машкар о светилникия Иек сар о Човешко Чаво, урявдо дълго шехи тай препасиме около пе колиниесте златноне поясиеса; ¹⁴ а о шеро тай о бала Лескере сине парне сар парни вълна, сар ив, тай о яка Лескере - сар ягакоро пламаки; ¹⁵ тай о пире Лескере препенас лъскавоне медиесте, сар анди пещ пречистиме; а о гласос Лескоро сине сар гласос буте паниенгоро; ¹⁶ тай сине анди десница Леске ефта звезди; тай таро муи Леске иклолас двуостро мечи; тай о муи Лескоро светинелас, сарто светинел о кам ан пе силате. ¹⁷ Тай като диклом Лес, пелом ко пире Леске сар муло; а Ов положингяс Пи десница упрал манде тай пенгяс: Ма дара; Ме синиом о Първо тай о Последно, тай о Живдо; ¹⁸ улом муло, тай аке, живдо синиом жи ко вечна вековя; тай иси ман о ключовя е мерибнаскере тай е адиескере. ¹⁹ Пишине давка, ковато диклан, тай давка, ковато си, тай давка, ковато си те ачол после. ²⁰ Акетали и тайна е ефта звезденгири, колато диклан ан Ме десницате, тай о ефта златна светилникия: о ефта звезди си о ангела е ефта кангериенгере; тай о ефта светилникия си о ефта кангеря.