¹ Соскето давка Мелхиседек, салимско тагар, свещеники е Всевишноне Девлеске, ковато ресло е Авраамес, като иринелас пес таро поражение е тагаренгоро тай благословингяс лес, ² колеске о Авраам отделингяс десятъки всичконастар - кавка, ковато ко значение лескере алавесте си първо тагар е правдаке, а после тай салимско тагар, демек, тагар мириеске - ³ би дадескоро, би даякоро, би родословиескоро, без те овел лес началос диесенгоро, нито крайос е животоске, но оприличиме е Девлескере Чавесте, ачол завинаги свещеники. ⁴ Помислинен кити велико си кавка мануш, колеске о патриархи о Авраам диняс десятъки тари най-лачи пери плячка. ⁵ Колка таро Левиева потомция, колато приеминен о свещенство, иси лен заповед ко закони те лен десятъки таро народос, демек пе пралендар, макаар калка те проиклон таро чресла е Авраамеске. ⁶ Ов обаче, ковато нана проиклило ленгере родиестар, лилас десятъки таро Авраам, тай благословингяс колкес, колеске уле денде о обещания. ⁷ А биспориескоро о по-телуно благословинел пес таро по-упруно. ⁸ Тай андо иек случай о смъртна мануша лен десятъки, андо окова - кавка, за колеске свидетелствинел пес, кай живинел. ⁹ Тай чука те пенав, коркоро о Левий, ковато лел десятъки, диняс десятъки чрез о Авраам; ¹⁰ соскето уло още андо чресла пе дадеске, като о Мелхиседек ресло лес. ¹¹ Тай чука, ако постигнинелас пес съвършенство чрез о левитско свещенство (соскето телал лесте о люде получинде о закони), сави нужда исине вече те ваздел пес авер свещеники според о Мелхиседеково чини тай тена считинел пес според о Аароново чини? ¹² Соскето, ако променинел пес о свещенство, по необходимост ачол промениба е закониескеда. ¹³ Понеже Кавка, за Колеске пенел пес давка, принадлежинел авере племеске, колестар никой на служингяс е олтариеске. ¹⁴ Соскето си известно, кай амаро Дел проиклило таро Юдово племес, а относно давка племес о Мойсей на пенгяс нищо свещеникиенге. ¹⁵ Давка, ковато пенас, ачол още по-явно, чука като ко подобие е Мелхиседекиеске ваздел пес авер свещеники, ¹⁶ Ковато установисало ма ко закони, изразиме анди плътско* заповед, а ки сила е безкрайноне животоскири; ¹⁷ соскето за Леске свидетелсвинел пес: "Ту синян свещеники жи ко векос според о чини Мелхиседеково"; ¹⁸ соскето по давка начини унищожинел пес и по-предишно заповед, ашал лакири слабост тай безполезност ¹⁹ (понеже о закони нана усъвършествингяс нищо), тай въвединел пес иек по-лачи надежда, чрез колате приближинас амен жи ко Дел. ²⁰ Тай жи кити Ов нана ачило свещеники би совелакоро ²¹ Исус обаче ачило би совелакоро чрез Окова който пенгяс Леске: Одел халас совел тай нанай те раскаинел пес Тусинян свещеники жи ко векос според о чини на Мелхиседек. ²² жи дики по-лаче заветиеске о Исус ачило поръчители. ²³ Паш далкесте о поставиме свещеникия уле мнозина, соскето о мериба пречинелас ленге те продължинен анде пе чиносте, ²⁴ но Ов, понеже пребъдвинел вечно, иси Лес свещенство, ковато нана пренакел аверенде. ²⁵ Далкеске ащи съвършено те спасинел калкен, колато авен ко Дел чрез Лесте, понеже всякога си живдо, за те ходатайствинел ленге. ²⁶ Соскето савка Първосвещеники требелас аменге: свято, невино, непорочно, отделиме таро грешна тай възвисиме упрал о небеса; ²⁷ Колес нанай нужда секо диес, сарто колка първосвещеникия, те принесинел жертвес първо Пере безехенге, после е безехенге е люденгере; соскето кергяс давка иеквар завинаги, като принесингяс Пес. ²⁸ Соскето о закони поставинел първосвещеникиенге немощноне манушен ; а о хоратес е клетвакере, която ули палал о закони, поставинен о Чаво, Ковато си усъвършенствано завинаги.