¹ Тай съживингяс тумен, колато улен муле ашал тумаре престъплениенге тай безехенге, ² анде коленде пиргиен декана според о вървежи калке светоскоро, андо съгласие е князиеса е въздушноне владениескоро, е духоскоро, ковато акана действинел андо роди е непокорноненгоро; ³ машкар коленде амеда саворе живингям декана амаре плътсконе страстиенде, като изпълнингям и воля е плътякири тай е помисленгири тай ко естество улам изложиме ко гневи, сарто околада. ⁴ О Дел обаче Ковато си барвало милостяса, ашал и бари любов, коласа възлюбингяс амен, ⁵ даже като улам муле ашал амаре престъплениенге, съживингяс амен заедно е Христаса (по благодат синиен спасиме), ⁶ тай като съвъзкресингяс амен, тогяс амен те бешас андо небесна тана, андо Христа Исуса; ⁷ за те покажинел презал о идна вековя, о несравнимо барвалипе Пере благодатаке, чрез Пе лачипнасте карик аменде андо Христа Исуса. ⁸ Соскето по благодат синиен спасиме чрез и вяра, тай то ма коркоре тумендар; давка си дари таро Дел; ⁹ ма чрез о дела, за тена похвалинел пес декой. ¹⁰ Соскето синям Лескоро творение, създадена андо Хриса Исуса за лаче деловиенге, саве о Дел отнангле определингяс те керас. ¹¹ Далкеске, ден тумен годи, кай туме, декана езичникия ки плът, наречиме необрязана калкендар, колато наречинен пес обрязана-обрежимнаса ки плът, ковато керел пес вастенца, ¹² анде колке времесте улен отделиме таро Христа, отстраниме таро израилево гражданство, тай чужденци карик о заветя е обещаниескере, без те овел тумен надежда тай би е Девлескоро андо светос. ¹³ А акана андо Христа Исуса туме, колато декана улен дуре, синиен поставиме паше чрез о рат е Христаске. ¹⁴ Соскето Ов си амаро мири, Ковато кергияс таро дуи народя иек тай арагяс и машкаруни стена, която разделинелас лен, ¹⁵ като анде пе плътяте унищожингяс и вражда, о закони Лескере заповедиенца, изразиме андо постановления, за те създел анде Песте таро дуи иек нево мануш, тай чука те установинел мири, ¹⁶ тай иеке телосте те примиринел о дуида е Девлеса чрез о кръстос, като мударгяс лесте и вражда. ¹⁷ Тай като авел, благовестинел мири туменге, колато улен дуре, тай мири калкенге, колато уле паше; ¹⁸ соскето чрез Лесте о иекда, околада иси амен достъпи паш о Отца, андо едино Духос. ¹⁹ Далкеске туме на синиен вече чужда тай пришълцидес, а синиен съграждания е светиенге тай членовя е Божие семействоске; ²⁰ понеже улен съградиме упрал и основа е апостоленге тай е пророкиенге, сар крайъгълно бар си Коркоро о Христос Исус, ²¹ анде Колесте о цело здание, сглобиме, бариол храмиеске свято е Девлеске; ²² анде Колесте тумеда вградинен тумен заедно андо Духос за Божие обиталище.