¹ О Петър, апостоли Исус Христово, жи ко избириме пришелци, колато си пръсниме ко Понт, Галатия, Кападокия, Азия тай Витания, ² избириме ко предуздание е Девлеске Отца, чрез о освещение е Духоске, за те овен послушна тай те овен поръсиме е ратеса Исус Христово; благодат тай мири те умножингиол туменге. ³ Благословиме те овел о Дел тай о Отец амаре Девлескоро о Исус Христос, Ковато според Пи бари милост възродингяс амен за живде надеждаке чрез о възкресение е Исус Христоске таро муле, ⁴ наследствоске нетленно, неоскверняемо, тай ковато на повяхвинел, запазиме ко небеса за туменге, ⁵ колато е Девлескере силаса синиен пазиме чрез и вяра е спасениеске, готово те открингиол ко последно времес. ⁶ Анде коле блаженствосте лошанен, ако за хари време скърбинен акана (ако си потребно), андо разна изпитания, ⁷ с цел: изпитване тумари вяра, като си по-скъпоцено таро златос, ковато гининел, но пак изпитвингиол чрез и яг, те иклол за хвала тай слава, тай почест, като явинел пес о Исус Христос; ⁸ Колес дехен, без те диклен Лес; анде Колесте, като верувинен, без акана те дикен Лес, лошанен неизкажиме тай преславноне лошаласа, ⁹ като получинен о следствие тумаре вяракоро, о спасение тумаре душакоро. ¹⁰ За далке спасениеске преродинде тай изследвинде е пророкиен, колато проролувиненас за и благодат, която ули назначиме за туменге; ¹¹ като издирвиненас кова или саво времес посочинелас о Христово Духос, Ковато сине анде ленде, като предизвестинелас о Христова страдания, тай палал ленде и слава. ¹² Тай открисало ленге, кай ма за песке, а за туменге служиненас он анде далкесте, ковато акана известисало туменге чрез колкенде, колато проповединенас туменге о благовестие чрез о Свято Духос, бичалдо таро небеса; анде колесте о ангеля манген те надникнинен. ¹³ Далкеске препашинен тумен презало думо тумаре помисленгоро. Овен въздържиме тай те овел тумен перди надежда за и благодат, която ка дел пес туменге като ка явинел пес о Исус Христос. ¹⁴ Сар послушна чаве, ма съобразинен тумен е първоне страстиенца, колато сине тумен андо време като нажаненас; ¹⁵ но сарто си свято Кавка, Ковато призовингяс тумен, чука овен свята тумеда андо саворе тумаре постъпкес; ¹⁶ соскето си пишиме: ,, Овен свята, понеже Ме синиом свято." ¹⁷ Тай ако призовинен сар Отеци Калкес, Ковато без лицеприятие съдинел според о делос секаске, то прекарвинен анди дар тумаро времес тумаре престоибнаскоро, ¹⁸ като жанен, кай ма преходноне букиенцар среброс или златос, синиен изкупиуме таро суетно животос предиме туменге тумаре дадендар, ¹⁹ а е скъпоценоне ратеса е Христаскоро, сар Бакро би недостатъкиескоро тай пречисто, ²⁰ Ковато наистина уло предопределиме преди о създание е светоскоро, но явисало андо последно време туменге, ²¹ о повярвала чрез Лесте андо Дел, Ковато възкресингяс Лес таро муле тай диняс Лес слава, чука кай и вяра тай и надежда тумари те овен андо Дел. ²² Понеже очистингиен тумаре души покорствоса карик и истина, която анел жи ко нелицемерно братолюбие, дехен тумен иек аверес горещо, таро сърцес, ²³ чука кай възродисален ма таро тленно семес, а таро нетленно, чрез о Божие слово, ковато живинел тай траинел жи ко векос. ²⁴ Соскето ,,Всеко твар си сар чар, тай лакири савори слава сар цветос тари чар; и чар шукиол тай лакоро цветос окапинел, ²⁵ но о словос е Девлескоро траинел жи ко векос"; тай давка си о словос, ковато си туменге благовестиме.