¹ Apwiya waakassiri ephimelo tjihin´pheeliya, massi antteeliya niiphimo tjossariya. ² Wiikurumatja on'mwa nootakhaliya, massi wiiyeviha onkhala nootjuwelatja. ³ Otthunela waanassariya onaaweettihera, massi makhalelo aatthu oovavaryaa anaakwanhula. ⁴ N'hakhu khunafaita nihuku nomirikariko, massi ovara yooreera onawuuhulussa wookhwani. ⁵ Makhalelo antthu on'nema naakhaliha nttalaawe womaana, massi ntthu oovavaryaa n'hala omora mwatjitthu tjinvaraawe. ⁶ Waamini waatthu anontjiveliha Nluku anaahala okhala wookhuluvela, massi atakhali an'hala omora mwaha watjitthu tjinpankaaya. ⁷ Ntthu oovavaryaa akhwakavale, wanriihawawe onaarimeela, ni wanriiha waarinaawe onkhala woohiitthu. ⁸ Nassariya neessiya ottayi womahuviho, an'morelaka ntthu oovavaryaa. ⁹ Ntakhali, nimalakwaawe nankwanhula mwaattaman'nwaawe, massi, eriyari wootjuwelatja, anassariya ankhalihiya moolipa. ¹⁰ Anassariya yakhalaka wootteeliya, epooma enaatthapa; atthu oovavarya yarimeelaka, onaakhuweliya. ¹¹ Mwaha wotthuvo tjooreera tjinontjivela Nluku, epooma enkhala yuunuwaka; mwaha womalaku aatthu oovavarya, epooma enkhala yoomora. ¹² Ntthu nontanhifu npwanaawe khanapankeetthu, massi ntthu ootjuwelatja nkhala oomaala. ¹³ Yoole neetjiha moolumo oohikhala npwessera essiiri, massi ntthu owaamini naassunka essiiri. ¹⁴ Weehikhaleke otjuwelatja, elapo enaamora, massi otthema on'mwa ni waaviriyana anamalakalaka. ¹⁵ Yoole niikhaliha onamoona wonkophela ntthu oottayi, weekhweeli, naahala ohuva, massi n'hala ohuluwa yeeyo enan'na yookhuluveliheeyo naahala okhala ninkhavihero. ¹⁶ Nthiyana omahala phoottittimihiya, massi atthu omwiipiphini antthawenla n'hakhu. ¹⁷ Ntthu owiiwenla nawiikhikitjera, massi yoole niikurumatjela nitjooniha oweryaa mwaneene. ¹⁸ Ntthu oovavaryaa nootha wiira aphwanhe enpheelaawe, massi yoole naala yossariya naahepha yokhweeli. ¹⁹ Ntthu npanka yooreera naahaa okhala, massi yoole nrweela yootakhala naahala okhwa. ²⁰ Apwiya anaakassiri yaale oovavaryaa mirima, massi ankhala naale owiiyeviha. ²¹ Weekhweeli, atthu oovavarya anaahala ottarussiya, massi amutji aanassariya an'hala okhala woolipa. ²² Nthiyana ooreera hinanteko, riphanka anela owooru vaphulani wokuluwe. ²³ Tjootthuna anassariya tjinaahala waareera, massi atthu oovavaryaa yanriiheke okwanhuwatja. ²⁴ Haavo yoole n'mwaressela, ni naahala wunkumanhiheratho; haavotho nkhwaawe nssunka yaapheelaawe ovaha, ni arwaaka woossikhinini. ²⁵ Ntthu on'nema naahala okhala mahuku mentji, ni yoole naameela maatji akhwaawe naahala okhalana maatjyaawe. ²⁶ Atthu antakhaliha enkhottiha otumiha epyoo, massi etthuvo tjooreera tjinkhala n'muru waatthu antumiha. ²⁷ Yoole nrweela, naaphwanha yooreera, massi yoole nrweela yootakhala, naaphwanha. ²⁸ Ankhuluvela mihakhutjaya anaahala omora, massi, olikana womataakhuru, anpanka yooreera anaahala oreeratja. ²⁹ En'waana enhakunhaku wapuwaniwinhu enaahala ophwanha ephyoo, nintirikhi n'hala okhala nanteko antthu ootjuwelatja wanrimaniwawe. ³⁰ N'hokorokho wanassariya on'hala okhala phanka nri weekumi, ni yooe ri ootjuwelatja naakhala naatthu. ³¹ Nassariya aakhela yonphwanela, ntthu oovavaryaa phuntepaawe ottheka!