¹ Murenje dzako dzakarungama dziri muhachu, mwana wamambo! Mureje dzako dzakatingana bhuwe rinodhura, bhasa ronyara dzomuwumbi. ² Gmbvu rako rakateederera tingana mugombe; pasinga dhiakani kuchota vinhu. Ndani yako yatingana dhundhu rondhiro rakateedererwa nomafurori. ³ Mazamu ako akatingana matwindzi edzoma. ⁴ Mutsipa wako wakaita tingana chongwe yakagadzirwa nonyanga dzo ndzoo; Madziso ako akatingana tchimbo tchinogara pamutcheto pomusowo woBhati Rabhimi. Mhino yako yakarungama tingana chongue yeRebhanoni rinowoneka kuDamasiko. ⁵ Musoro wako unomuka tinga gomo roKarameri; bvudzi riri mumusoro mako raswuka kakuswipa. Mwoyo wa mambo wakabatwa nomaitire akaita bvudzi rako. ⁶ Wanyasa kurungamisa iwewe, mudhiwa wangu, nozvinofadza zwako. ⁷ Kurebha kako kakaita tingana muti womuchindwi; uye mazamu ako tingana tchiyandza tchomutchero. ⁸ Inini ndarangarira: 'Inini ndindha kukwira muchindwi; inini nditchatora mutchero wawo'. Mazamu awo ngaite tingana tchiyandza tchomuuva, uye manuwiriro ekufema kako tingana maapuro. ⁹ Muromo wako ngauite tingana vinhu yakanakisisa", "etchierera etchiyenda kuno mudhiwa wangu, yetchifamba pausoro pomuromo wedhu nemazino edhu". Musikana djaha urikureketa kunomudhiwa wake: ¹⁰ Inini ndiri womudhiwa wangu uye ayena unondhidha. ¹¹ Uya, mudhiwa wangu, ngatitizire kwenda kumunda; ngatiedzerwe kumarideya. ¹² Ngatimuke nomatchibhesi-bhesi tiende kumauvah; ngatiwone kuti mauvah amera here, kuti masaka awo amera here, uye kana mutamba yatumbuka here. Apona dhinozokupasa rudho rangu. ¹³ Muti yomudhiwadhiwa inopasa kunuwira kawo; pamusowo ponyumba yatinogara, iri pano kaindi yakasiyana yomutchero, yozwino uye neyekare, yandakuigira, mudhiwa wangu".