Kunza 3
1
Nousiku pamubhede wangu ndanga ndakaimira mudhiwa wangu; inini ndakamuswaga, andizi kumuwona.
2
Nakadzibvundza, "Inini nditchamuka nditchahamba guta rese, mumakwanza uye nembuto dzomuguta; inini nditchaswanga mudhiwa wangu". Inini ndakamuswanga asi andizi kumuwona.
3
Ngawona atchengeti paintchengeta guta. Ngakaabvundzisa, "Mawona mudhiwa wangu?".
4
Pandakapinda atchengeti ndakadzoenda unodha mweya wangu. Inini Ndakamubhata uye andii kumusiya kuti ayende, dzamara ndaenda kumuphangiza mamangu, pambuto yandakabharwa. Mwanakadi etchireketa kuo anakadzi amweni:
5
Inini ndinodha kuti mupike, anaeanhu ekuDjerusarema, nomadzoma uye chiri dzomuchango, kuti amuzopingaidzi patino nanga tetchiita rudo dzamara tapedza. Mwanakadzi etchireketa kaari ega:
6
Tchinouya kubva murenje tingana tchutsi, tchetchinuwidzira zwinonaka, ezwinonuwira zwese zwinotengeswa noanhu anotengesa?
7
Ringira, ngoro yaSoromoni; yeiteerwa ngo makumi matanhatu dzomasodja, makumi matanhatu emasodja eIziraeri.
8
Umwe naumwe wawo uno tsorora yaakagadirira kuitira hondo. Umwe naumwe une tsorora pamutcheto, kuitira mabhinya ousiku.
9
Mambo Soromoni wadziitira tchitiki nomatabwa eRibano.
10
Tchitiki tchaizwa ngondarira; tchitsamiriro tchaizwa ngoGoridhe, uye tchigariro tchakafukzwa ngo matchira epurapura. Mukati matcho makanyaswa kurongezwa ngoana eanhu ekuDjerusamerema. Wareketa Mwana wemwanakadzi kunoanakadzi ekuDjerusarema:
11
Anaeanhu ekuSiau, bhudai uye ringisai mambo Soromoni, etchipfeka korona yakatambira namai ake pamutchato wake, patsiku rokupfara roupenyu wake.