¹ Muparadzi urikuwiya pamberi pako; tchengeta guta, ringira kune gwandza, nyasa kugadzirira, unganidza masimba ako ese. ² Nekuti Ishe utchapetudza kugwinya kwa Djakobo, hingana kugwinya kwe Iziraeri, kunyangwe mbhava dzawabhira, uye dzikaparadza matawi emizambiringa awo. ³ Zwivikiro zwe arwi ehondo awo ngezwekuswuka, masodja awo anokudzwa anohamba akafeka zwekutchena; ngoro dzinoetikira patsiku yekugadzirirwa kwadzo, minondo dzinodzivurudza. ⁴ Ngoro dzinohamba dzakanyangadzwa mumakwandza, dzinohamba mumakwandza dzakaita se zwibhakidzwa, dzinogogoma se mbhene. ⁵ Akuru akuru awo anokokwa, asi anogwegweduka panenge etchihamba; iwona anogogomera mumagwiro awo, uye vikiro yagadzirirwa. ⁶ Makwandza emirambo anofungunurwa, uye nyumba yamambo inoparadzwa. ⁷ Zwatongerwa: iyona itchatorwa se musungwa, uye arerwa awo atchaaperekedza ne izwi re ndjiwa, etchiponda mabhiphi awo. ⁸ Ninive yakaita se tsime yekare, yekuti nvura yayo irikutiza. Anoti: Imirai, imirai asi apana kana umwe hake unoringira sure. ⁹ Ibhai ciriveri, ibhai goridi; akuna magumo eufumi uye ne zwinodura, kune zwiro zwese zwakakosha. ¹⁰ Iyona yasara isina tchiro, yaparadzwa nekuputswa putswa; mwoyo dzinokomoka, mafupo anotetemera, zwihunu zwinorwadza, uye zwiso zwawo zwese dzakaunyana. ¹¹ Dziripi nyumba dze shumba, uye ne mbhuto inoryira zwishumba zwidhoko, kwiya kunotambira shumba nezwiana zwayo, uye kwainge kusina ungaatyisa here? ¹² Shumba yaibhata zwinyama zwekurya zwakakwana kune ana ayo, uye dzaiuraya kune shumba dzekadzi yadzo, uye dzaidzadza nyumba yadzo ne zwekurya. ¹³ Inini ndirikuwiya pamberi pako, kubuya kwa Ishe we hondo. Nditchapisa ngoro dzako, uye tsorora itchaparadza zwishumba zwako; nditchaparadza zwekurya zwako panyika, uye izwi re atumwa ako emasoko aritchazozwikizwe.