Kumonisana ¹ Paulo, Silvano, na Timoti muguereja ya Atesalonika muna Dhedza, a bhabha vedhu na mambo Djesu kristu . ² Kudhiwa kugale na imipa, naubwino unbvira kuna Dhedza na Djesu Kristu. ³ Tindhikana kudhaindza Dhedza Ntsiku dzese kuti tigare na moyo, abhale wangu ninga zvidhothemera thamgwe kugutsikana kwenyu nkhukuru maningue kumvirana kwenyu mwese bhodzi na bhodzi kuna mabiyatche, ⁴ na izvozvo isupano tikutendanyi titchisamwa kumaguereja iya Dhedza thamgwe rakusimbikira kwenyu, nakunvitsitsa kwenyu pakubhonera kwese na nhamu dzese dzamunadzo, ⁵ zvozvi zvinowonesa kutonga kwabwino kwa Dhedza kuti mudzoti munfanila kugala muumambo hwa Dhedza, wamunobhonelera nawo. ⁶ Thangwe lakuti Dhedza, adhonakihwa nazvo zvamudhoita, iye atchahwilidza kuna wale adhokubhonelesanyi. ⁷ Imipo mudhobhonera, mutchafema pabhodzi naisu pakuwuya kwa Djesu, na nguirozi na ntsimba dzatche, ⁸ Mumoto unopfuta, atchihwiridza wale asingaziwe Dhedza, na asingadhe kumva mafala yabwino ya Djesu. ⁹ Iwo atchalowewa na kubhonera kwakusaya kupera, kuti agale kulefu na Djesu, pakuwonesa ntsimba dzatche Dhedza. ¹⁰ Pakuuya kwatche kudzo tambira mbiri na vakutchena watche, ntsiku iyoyo adzoshamisika nazvo vajinji, thangwe la utsatimunha hwedhu, kwa imipa zvabwino kudzotendewa. Na ipopo tinkunamatiraiwo ntsiku dzese. ¹¹ Na izvozvo tinkunamatirai ntsiku dzese, thangwe Dhedza adhoti mudhofanira na kudhanidziwa kwenyu, kuti akwanise na ntsimba dzatche. ¹² Kuti zita la mambo wedhu Djesu Kristu litambire mbiri kubvira kuna imipa ,na imipa kuna iye thangwe la ntsisi dza Dhedza na dza mambo wedhu Djesu Kristu.