15 ¹ Asubuhi na mapema wakuu wa makuhani walikutana pamoja na wazee na waandishi na baraza zima la wazee. Kisha wakamfunga Yesu wakampeleka kwa Pilato. Pilato akamwuliza, "wewe ni Mfalme wa Wayahudi?" ² "Akamjibu, "Wewe umesema hivyo." ³ Wakuu wa makuhani wakaeleza mashitaka mengi juu ya Yesu. ⁴ Pilato akamwuliza tena, "Hujibu chochote? Huoni jinsi wanavyokushtaki kwa mambo mengi? ⁵ Lakini Yesu hakumjibu Pilato, na hiyo ilimshangaza. ⁶ Kwa kawaida wakati wa sikukuu humfungulia mfungwa mmoja, mfungwa waliyemwomba. ⁷ Kulikuwapo wahalifu gerezani, miongoni mwa wauaji kati ya walioasi wanaotumikia makosa yao. Alikuwepo mtu mmoja aitwaye Baraba. ⁸ Umati ulikuja kwa Pilato, na kumwomba afanye kama alivyofanya huko nyuma. ⁹ Pilato akawajibu na kusema, "Mnataka niwafungulie Mfalme wa Wayahudi?" ¹⁰ Kwa kuwa alijua ni kwa sababu ya wivu wakuu wa makuhani walimkamata Yesu na kumleta kwake. ¹¹ Lakini wakuu wa makuhani walichochea umati kupiga kelele kwa sauti kwamba afunguliwe Baraba badala yake. ¹² Pilato akawajibu tena na kusema, "Nimfanye nini Mfalme wa Wayahudi? ¹³ Wakapiga kelele tena, "Msulibishe!" ¹⁴ Pilato akasema, "Amefanya jambo gani baya?" Lakini wakazidi kupiga kelele zaidi na zaidi "Msulibishe." ¹⁵ Pilato akitaka kuwaridhisha umati, akawafungulia Baraba. Akampiga Yesu mijeledi kisha akamtoa ili asulibiwe. ¹⁶ Askari walimwongoza hadi ndani ya ua (ule ulio ndani ya kambi) na walikusanyika pamoja kikosi cha askari. ¹⁷ Wakamvika Yesu kanzu ya rangi ya zambarau, na wakasokota taji ya miiba wakamvika. ¹⁸ Wakaanza kumdhihaki na kusema, "Salam, Mfalme wa Wayahudi!" ¹⁹ Wakampiga kichwani kwa mwanzi na kumtemea mate. Wakapiga magoti mbele yake kwa kumheshimu. ²⁰ Hata wakiisha kumdhihaki, wakamvua ile kanzu ya rangi ya zambarau na kumvika mavazi yake, na wakamtoa nje kwenda kumsulibisha. ²¹ Wakamlazimisha mpita njia kumsaidia, aliyekuwa anaingia mjini kutoka shamba. Aitwaye Simoni Mkirene (baba yake Iskanda na Rufo); wakamlazimisha kubeba msalaba wa Yesu. ²² Askari wakampeleka Yesu mahali paitwapo Goligotha (maana ya tafsiri hii ni, Sehemu ya Fuvu la kichwa). ²³ Wakampa mvinyo iliyochanganywa na manemane, lakini hakunywa. ²⁴ Wakamsulibisha na wakagawana mavazi yake, wakayapigia kura kuamua kipande atakachopata kila askari. ²⁵ Yapata saa tatu asubuhi walipomsulibisha. ²⁶ Wakaweka juu yake ubao ulioandikwa shitaka, "Mfalme wa Wayahudi." ²⁷ Walimsubisha pamoja na majambazi wawili, mmoja upande wake wa kulia na mwingine kushoto kwake. ²⁸ (Zingatia: Mstari huu, "Na maandiko yakatimia yaliyonena" haumo katika nakala za kale). ²⁹ Nao waliokuwa wakipita walimtukana, wakitikisa vichwa vyao wakisema, "Aha! wewe utakayevunja hekalu na kulijenga kwa siku tatu, ³⁰ jiokoe mwenyewe na ushuke chini toka msalabani!" ³¹ Kwa namna ile ile wakuu wa makuhani walimdhihaki wakisemezana, pamoja na waandishi na kusema, "Aliwaokoa wengine, lakini hawezi kujiokoa mwenyewe. ³² Kristo Mfalme wa Israel, shuka chini sasa toka msalabani, ili tuweze kuona na kuamini." Na wale waliosulubiwa pamoja naye pia walimdhihaki. ³³ Ilipofika saa sita, giza likaja juu ya nchi yote hadi saa tisa. ³⁴ Wakati wa saa tisa, Yesu alipiga kelele kwa sauti kubwa, "Eloi, Eloi, lama sabaktani?" ikiwa na maana "Mungu wangu, Mungu wangu, kwa nini umeniacha?" ³⁵ Baadhi ya hao waliosimama waliposikia wakasema, "Tazama, anamwita Eliya." ³⁶ Mtu mmoja akakimbia, akajaza siki katika sponji na kuiweka juu ya mti wa mwanzi, akampa ili anywe. Mtu mmoja akasema, "Ngoja tuone kama Eliya atakuja kumshusha chini." ³⁷ Kisha Yesu akalia kwa sauti kubwa na akafa. ³⁸ Pazia la hekalu likagawanyika vipande viwili toka juu mpaka chini. ³⁹ Ofisa mmoja aliyekuwa amesimama akimwelekea Yesu, alipoona amekufa kwa jinsi ile, akasema, "Kweli huyu mtu alikuwa Mwana wa Mungu." ⁴⁰ Walikuwepo pia wanawake waliokuwa wakitazama kwa mbali. Miongoni mwao alikuwepo Mariamu Magdalena, Mariamu (mama yake Yakobo mdogo wa Yose), na Salome. ⁴¹ Wakati alipokuwa Galilaya walimfuata na kumtumikia. Na wanawake wengine wengi pia waliambatana naye hadi Yerusalemu. ⁴² Kulipokuwa jioni, na kwa kuwa ilikuwa siku ya maandalio, siku kabla ya Sabato, ⁴³ Yusufu wa Arimathaya alikuja pale. Alikuwa ni mjumbe wa Baraza anayeheshimiwa mtu anayeutarajia Ufalme wa Mungu. Kwa ujasiri akaenda kwa Pilato, na kuuomba mwili wa Yesu. ⁴⁴ Pilato akashangazwa kwamba Yesu tayari amekufa; akamwita yule afisa akamwuliza kama Yesu amekufa. ⁴⁵ Alipopata uhakika kwa afisa kwamba amekufa, alimruhusu Yusufu kuuchukua mwili. ⁴⁶ Yusufu alikuwa amenunua sanda. Akamshusha toka msalabani, akamfunga kwa sanda, na kumweka ndani ya kaburi lililochimbwa katika mwamba. Kisha akalivingirisha jiwe mlangoni mwa kaburi. ⁴⁷ Mariamu Magdalena na Mariamu mama yake Yose waliona sehemu alipozikwa Yesu.