¹ Ingilozi yesihlanu yashaya licilongo layo. Ngabona inkhanyeti levela ezulwini leyawela emhlabeni. Lenkhanyeti yanikwa skhiya sesivalo semgodzi longena mkhawulo. ² Yavula lesivalo salomgodzi longena mkhawulo, kwaphuma intfutfu kulomgodzi kwangatsi yintfutfu yemlilo lomkhulu. Lilanga nemoya kwajika kwaba mnyama ngalentfutfu lebeyiphuma kulomgodzi ³ Kulentfutfu kwaphuma sikhonyana sehlelela emhlabani, sanikwa emandla lafanana nabofecela emhlabeni. ⁴ Satshelwa kutsi singabulimati tjani emhlabeni noma ngayini leluhlata lekhulako noma sihlahla, kepha kuphela bantfu labete luphawu lwaNkulunkulu etinhloko tabo. ⁵ Bebangakanikwa imvumo yekubulala labo bantfu, kodvwa ibahluphe tinyanga letisihlanu. lobuhlungu babo buyakufana neludvonsi lwafefela naka sutele umuntfu. ⁶ Kulawo malanga bantfu bayawufuna kufa kodwva bangakutfoli. Bayawufisa kakhulu kufa,kodwva kufa kuyawubabalekela. ⁷ Lesikhonyane besifana nemahhashi lalungiselelwe impi. Etinhloko tawo bekunetitfo letingatsi yemichele yeligolide, ebusweni baso kungatsi buso bebantfu. ⁸ Besine tinwele kungatsi tinwele tewesifazane, ematinyo kungatsi matinyo elibhubezi. ⁹ Tatinesivikelo esifubeni lesifaniswa nesivikelo sesifuba sensimbi, kanye nemsindvo wetimbiko taso ufananiswa nemsindvo lowakhiwa tincola tempi nemahhashi agijimela ekulweni. ¹⁰ Sasinemisila lefanana neyabofecela; emisileni yato kwakunemandla ekulimata bentfu tinyanga letisihlanu. ¹¹ Sasine Nkhosi lesibusako lokuyi ngilozi yemgodzi longenamkhawulo. Libito layo ngesi Hebheru kwakungu Abaddon, ngesi Griki kwakungu Apollyon. ¹² Secwayiso sekucala sesendluli. Buka! Emva kwaloku umonakalo lombili useta. ¹³ Ingilozi yesutfupha yashaya licilongo layo, Ngase ngiva liphimbo livela etimphondweni telilati legolide lelisembikwa Nkulunkulu, ¹⁴ yatsi kulengilozi yesitfupha leyayine licilongo, ''Khulula letingilozi letine letiboshwe emfuleni lomkhulu iYufrathe.'' ¹⁵ Letingilozi letatilungiselwe lelo-awa,lelo langa,leyo nyanga, nalowo mnyaka takhululwa kutewubulala incenye yesitsatfu yebantfu. ¹⁶ Inombolo yalamasotja lebakagibele emahhashi bekangu 200,000,000. ngeva linani lawo. ¹⁷ Embonweni wami ngawabona anje lamahhashi kanye nalabo bebawagibele: Tivikelo tabo tesifuba tatibovu hlebhu, tiluhlata lotopele, kanye namtfubi. Tinhliko temahhashi tatinjenge tinhloko temabhubezi, emlonyeni yato kwaphuma umlilo,intfuntfu nesibabule ¹⁸ Incenye yesitsatfu yebantfu yabulawa nguletinhlupheko letintsantfu: umlilo, intfuntfu, sibabuli kwaphuma emilonyeni yawo. ¹⁹ Ngoba emandla alamahhashi abese milonyeni nase misileni yawo-ngoba imisila yawo yayifaniswa netinyoka, inetinhloko lengato tiluma tilondza ebantfuni. ²⁰ Bonkhe labantfu, labo labangazange babulawa nguletinhlupheko, azange baphendvuke emisebentini wetandla tabo, futsi azange bayekele kukhonta emadimoni neti tico teligolide,lisiliva, luphuti, telitje kanye netesigodvo-tintfo letingaboni, letingeva, noma letihambi. ²¹ Futsi azange baphendvuke ekubulaleni kwabo, ekutsakatseni kwabo, ekuphingeni kwabo noma ebugebengwini kwabo.