^{1 2} Ngabuka ngabese ngibona Imvana ime entsabeni yase Zion.Labebanaye bebangu 144,000 labebabhalwe libito lakhe kanye nelibito leyise wakhe etimongweni tabo. Ngeva livi lichamuka emazulwini livakalisa njenge kuhlokoma kwemanti lamaningi kanye nekudvuma lokukhulu. Lomusindvo lengaphindze ngawuva phindzi wawufanana nema haphisti adlala ema haphi. ^{3 4 5} Bahlabela ingoma lensha embikwe sihlalo nase mbikwe tilwane letine letiphilako kanye nalabadzala. Kute abengakhona kufundza lengoma ngaphandle kwalabo labangu 144,00 labebatsetfwe emuhlabeni. Laba bekungulaba ngakase balala newesifazane, batingcina bangayi ecansini. Ngulaba landzela Imvana yonkhe indzawo lapho iya khona. Laba bahlengwa ebantfwini njenge titselo tekucala taNkulunkulu kanye Nemvana. Kute emanga latfolakla emulonyeni wabo; bebanga soleki. ⁶ Ngabona lenye ingilosi indiza emukhatsini kwemoya, lebeyi nelivangeli languna phakadze ilishumayela kulabo labahlala emuhlabeni-kuso sonkhe sive, lulwimi, kanye nebantfu. ⁷ Wamemeta ngelivi lelikhulu, ''Sabani Nkulunkulu bese nimunika inkhatimulo. Ngoba lihola lekwehlulela selifikile. Dvumisani yena, lowadala lizulu, umuhlaba, lwandle, kanye nemanti emitfombo.'' ⁸ Lenye ingilosi-yesibili ingelosi-yalandzela. itsi, ''Iwile,iwile IBhabhiloni lenkhulu, leyacosha tonkhe tive kuyonatsa liwayini lenkhanuko yekulalana. ⁹ Lenye ingilosi-yesitsatfu-yabalandzela, yatsi ngelivi lelikhulu, ''Uma kukhona lokhonta silo kanye nesitfombe salo aphindze amukele luphawu ebunti lakhe noma esandleni sakhe, ¹⁰ naye utawunatsa incenye yeliwayini leku jeziswa ngu Nkulunkulu, leliwayini lelatselelwa lingaka shintjwa enkomishini yakhe yelulaka. Lomuntfu lonatsako utaku hlukumeteka ngemulilo nase langabini embikwe tingelosi taNkulunkulu leti ngcwele phindze embikwe Mvana. ¹¹ Simoko lesichamuka ekuhlukumetweni kwabo sinyuka umuphwelwane, futsi bete kuphumula busuku nemini-laba dvumisa besilo kanye nesitfombe sakhe, naye wonkhe lomukela luphawu lweligama lakhe. ¹² Nali libito lekubeketela kwebantfu baNkulunkulu labangcwele, labo labagcina imiyalo yaNkulunkulu kanye nelukholo lwabo kuJesu.'' ¹³ Ngeva livi lichamuka ezulwini litsi, ''Bhala naku:Babusisiwe labafele Enkhosini.'' ''Yebo,'' kusho Umoya, ''kute kutsi baphumule emisebentini yabo, ngoba imisebenti yabo itabalandzela.'' ¹⁴ Ngabhaka,bekune lifu lelimuhlophe. Lobeka hleti kulelifu bekuyi ndvodzana yemutfu. Bekane muchele weligolide kanye nelisikela lelikhaliphile esandleni sakhe. ¹⁵ Laphoke lenye ingilosi yaphuma ethempelini yabese imemeta ngelivi lelisetulu kuloyo abehleti kulelifu. ''Tsatsa lisikela lakho ucale uvune. Ngoba sikhatsi sekuvuna sesifikile, ngoba kuvunwa kwemuhlaba sekuvutsiwe.'' ¹⁶ Laphoke lobeka hleti kulelifu wahambisa lisikela lakhe, umuhlaba wabese uyavuneka. ¹⁷ Lenye ingilosi yaphuma ethempelini ezulwini; naye abenelisikela lelikhaliphile. ¹⁸ Nalenye ingilosi yaphuma elatini lemphepho, lobeka neligunya etukwe mulilo. Wamemeta ngelivi lelisetulu kuloyo abephetse lisikela lelikhaliphile, '' Tsatsa lisikela lakho lelikhaliphile ubese ubutsisa ticumbi temagelebisi emagaleni emuhlaba, ngoba emagelebisi seka vutsiwe.'' ¹⁹ Ingilosi yahambisa lisikela layo emuhlabeni yabese ibutsisa emagelebisi ekuvunwa ase muhlabeni. Walijika enkombozini yaNkulunkulu yelulaka . ²⁰ Nkulunkulu wanyatsela emagelebisi ngaphandle kwelidolobha, ingati yacitseka ematomini emahhashi,yahamba emakhilometha langemakhulu lamatsatfu.