¹ Emagama a Agur indvodzana ya Jakeh- umtfwalo. Lendvodza lena yamemeta ku Ithiel, ku Ithiel na Ucal: ² Ngempela ngifana nesilwane kunemuntfu futsi ngite kucondza kwemuntfu. ³ Angikayifundzi inhlakanipho, noma ngite ke lwati lalongcwele. ⁴ Ngubani loye etulu ezulwini waphindze weta phansi? Ngubani lobutsanise umoya etandleni takhe? Ngubani lobutsanise emanti engubeni? Ngubani lowakhe konkhe kugcina kwemhlaba? Yini ligama lakhe, futsi yini ligama lendvodzana yakhe? Ngempela uyati! ⁵ Lokhe ligama laNkulunkulu liyavivinywa; ulihawu kulabo lababalekela kuye. ⁶ Ungangeti emagemeni akhe, noma utakucondzisa wena, futsi utawubonakala ungumcambi manga. ⁷ Timbili tintfo lengiticela kuwe, ungangibambeli tona kimi ngingakafi: ⁸ Beka kudvwala nemanga khashane nami. Mane unganginiki inhlupheko noma bunjinga, nginike nje likudla lengikufunako. ⁹ Ngoba uma senginako kukunengi, Ngingahle ngikuphike wena ngitsi, ''Ngubani Simakadze?'' noma uma ngihlupheka, Ngingasuke ngebe bese ngihlazisa ligama laNkulunkulu wami. ¹⁰ Ungakhulumi kabi sigcila phambi kwemphatsi waso, noma utakucalekisa futsi utawuba ngulonelicala. ¹¹ Kunesitukulwane lesicalekisa bobabe wabo futsi asibusisi bomake wabo. ¹² Sikhona situkulwane lesihlobile emehlweni abo kani abakawashwa kungcola kwabo. ¹³ Sikhona situkulwane lesi emehlo aphakinyiselwe etulu, futsi tikhwama temehlo abo tiphakamiswe kanganani etulu! ¹⁴ Sikhona situkulwane lesi ematinyo atinkemba, nemihlatsi yabo injenge mikhwa, khona batowudla kulabambile emhlabeni nalabaswele kulabanemuntfu. ¹⁵ Lolodla ingati unemadvodzakati lamabili: ''Nika na nika'' bayakhala. Tintsatfu tintfo letinganetiseki, bane labangatsi, ''Sekwanele'': ¹⁶ Sheol; lesibeletfo lesiyinyumba; live lelingenetiswa ngemanti; nalomlilo longasho kutsi, ''Sekwanele!'' ¹⁷ Liso lelicaphata babe noma lidzelele kuhlonipha kumake litawukhokhelwa ngaphandle tinyoni tesigodzi futsi utawudliwa mangce. ¹⁸ Tintsantfu tintfo letinhle kakhulu kimi, kune lengingakucondzi: ¹⁹ indlela yelusweti esibhakabhekeni; indlela lenyoka etjeni; indlela yemkhumbi enhlitiyweni yelwandle; nendlela yendvondza newesifazane lomncane. ²⁰ Lena yindlela yemfati loyingwadla: uyadla bese usula umlomo wakhe atsi, ''Angikenti lutfo lolukabi.'' ²¹ Ngaphansi kwetintfo lomhlaba uyachucha, futsi ngaphansi kwaletine angeke ukubeketelele: ²² sigcila uma sesiba yinkhosi; silima uma sigcwaliswe ngekudla; ²³ umfati lowenyanywako uma ashada; nesisebenti sentfombatane uma sesitsatsa indzawo yemfati. ²⁴ Tine tintfo emhlabeni tincane kani futsi tihlakaniphe kakhulu: ²⁵ tintfuntfwane tindalo letite emandla, kodvwa tiyakulungiselela kudla kwato ehlobo; ²⁶ Timbila akusito tilwane letinemandla, kodvwa tiyawenta emakhaya abo ematjeni. ²⁷ Sikhonyane site inkhosi, kodvwa tonklhe tiyahamba ngemandla. ²⁸ Umgololo ungawubamba etandleni takho totimbili, kodvwa awutfolakali esigodlweni semakhosi. ²⁹ Tintsatfu tintfo letinesizotsa ekuhambeni kwato phindze tine letinesizotsa ngendlela letihamba ngayo: ³⁰ libhubesi, linemandla kutotonkhe tilwane tasendle- alijiki noma ngabe kuyini; ³¹ lichudze lelidzala; imbuti; nenkhosi le emasotja ayo aseceleni kwayo. ³² Uma ngabe bewusilima, utiphakamisa, noma uma bewufuna kwenta lokubi- beka sandla sakho etukwe mlomo wakho. ³³ Njenge kutamatisa lubisi kwakha bhotela phindze njengelikhala lemuntfu likhokha ingati uma liguculwa, kanjalo nentento letentiwe ngekukwata tikhokha kucabana.