¹ Ungagabatisi ngelikusasa, ngoba awati lilanga lingaletsa ini. ² Lomunye umuntfu akakudvumise hhayi wakho umlomo; longamati hhayi takho tindzebe. ³ Buka kusindza kwelitje kanye nesisindvo sesanti- kwenta kwesilima kusindza kunako kokubili. ⁴ Kunebudlova betfukutselo kanye nesihhushu sekukwata, kodvwa ngubani longema embikwe mona? ⁵ Kuncono kugcilatwa ekuvulekeni kunelutsandvo lolufihliwe. ⁶ Titsembekile tilondza letibangwe ngumngani, kodvwa sitsa singakucabuza kanengi. ⁷ Umuntfu lodle wasutsa wala ngisho neluju, kodvwa kulololambile umuntfu, yonkhe intfo lemunyu iyanongotela. ⁸ Njengenyoni lezulazula esidlekeni sayo yindvodza lelahleka lapho ihlala khona. ⁹ Emakha kanye nemphepho yenta inhlitiyo ijabule, kodvwa bunandzi bemngani buta ekulungeni kwemcondvo wakhe. ¹⁰ Ungamlahli umngani wakho kanye nemngani wababe wakho, futsi ungayi endlini yabhuti wakho ngelilanga lekuhlupheka kwakho. Uncono makhelwane losedvute kunabhuti lokhashane. ¹¹ Hlakanipha, ndvodzana yami, wente inhlitityo yakho ijabule, ngtawubese ngikunika imphendvulo kuloyo lohlekisa ngani. ¹² Indvodza lehlakaniphile ibona inkinga bese iyatifihla, kodvwa bantfu labalibele bayahamba bahlupheke ngenca yayo. ¹³ Tsatsa ingubo yamunye lobeke kugadza kwalongatiwa, uyibambe njengesetsembiso uma abeka kugadza kwemfati longakalungi. ¹⁴ Nomangabe ngubani lonika makhelwane wakhe sibusiso ngelivi lelikhulu ekuseni, leso sibusiso sitawutsatfwa njengesicalekiso! ¹⁵ Umfati lophikisako ufana nelutfonsi lelihlala lelintfosako ngelilanga lekuna; ¹⁶ kumuvimba kufana nekuvimba umoya, noma kutama kubamba emafutsa esandleni sakho sekudla. ¹⁷ Insimbi ilola lenye insimbi; ngaleyondlela, indvodza ilola umngani wayo. ¹⁸ Loyo lonakelela sihlahla semkhiwa utawudla titselo tawo, naloyo lovikela umphatsi wakhe utawudvunyiswa. ¹⁹ Njengemanti lakhombisa buso bemuntfu, kanjalo nenhlitiyo yemuntfu ikhombisa lomuntfu. ²⁰ Njenga Sheol na Abaddon banganeli, kanjalo emehlo endvodza akaneli ²¹ Kushiswa kwelisilva nekushiswa kweligolide; nemuntfu uyavivinywa uma advunyiswa. ²² Noma ngabe ungagaya silima ngelitje-kanye nembila- kodvwa bulima angeke bumushiye. ²³ Bani nesiciniseko uyasati simo semhlabi wetimvu takho futsi wati ngetinkhomo takho, ²⁴ ngoba ingcebo ayisiko yaphakadze. Ngabe umchele uhlala kutotonkhe titukulwane? ²⁵ Kumele wati tjani uma sebuhambile futsi lokumila lokusha sekuvela, nesikhatsi uma lotjani wasetintsabeni sewubuyisiwe. ²⁶ Timvu titawukunika kwembatsa kwakho netimbuti titawukunika imali yensimu. ²⁷ Kutawuba netimbuti' lubisi lekudla kwakho- lokudla kwendlu yakho- kanye nekudla kwetisebenti takho temantfombatane.