¹ Nangabe noma ngubani ona ngoba angafakazi nangabe abone intfo lebukufanele afakaze ngayo, noma ngabe ukubonile noma uvile ngako, loko kutaba semahlombe akhe. ² Nangabe noma ngubani lotsintsa noma ngabe yini Nkulunkulu lakuhlukanise nje ngalokungcolile, noma sidvumbu sesilwane sesiganga lesingcolile noma sidvumbu sanobe nguyiphi imfuyo noma lesingcolile silwane leso lesihamba emhlabatsini, nobe abengakanaki ngaloku lakwentile, ubese uyangcola waphindze watfolakala anelica. ³ Nobe ngabe atsintsa kungcola kwalomunye, noma ngabe nguluphi luhlobo lwekungcola ,uma ngabe abengati ngako , ngako utoba nelicala nasekati ngako. ⁴ Nobe nangabe lomunye afunga kabi ngetindzebe temlomo wakhe kwenta lokubi, nome ente lokuhle, noma ngabe yini umuntfu layifungela ngesifungo nome ngabe abengati, noma ngabe angakanaki ngako, nakafundza ngako, utobese utfolakala anelicala nase ati , nganobe ngukuphi kwaletintfo. ⁵ Nangabe umuntfu anelicala lanobe ngukuphi kwaletintfo, fanele avume noma ngusiphi sono lasentile. ⁶ Mele bese uletsa umnikelo wekutisola kuSimakadze ngale sono lasentile, lesisikati silwane emhlambini, nobe imvu nobe imbuti yesono semnikelo, umpristi keyena utowenta kuncusela mayelana netono takhe. ⁷ Nangabe angakhoni kutsenga imvu, angabase uletsa nje ngemnikelo wesono ematuba lamabili nome emazini kuSimakadze, linye umnikelo wesono bese lelinye ngumnikelo wekushiswa. ⁸ Kufuneka awaletsa kumpristi, lotawucala ngekutsi anikele linye libe ngumnikelo wesono- ngekushuphula inhloko yalo entsanyeni kepha angayisusi yonkhe emtimbeni. ⁹ Utawubese ufafata incenye yengati yemnikelo wesono ngaseceleni kwelilathi, bese ucedzela lencenye yengati ngekuyicitsa lapho kucala lilathi khona. Lona ngumnikelo wesono. ¹⁰ Utawubese unikela leyesibili inyoni njenge mnikelo wekushiswa, njengoba kuchaziwe kulemiyalo, umpristi utamncusela ngenca yesono lasentile , lomuntfu utawuse uyatsetselelwa . ¹¹ Kepha nangbe akakhoni kutsenga ematuba lamabili noma emazini , kufanele bese uletsa umhlatjelo wetono takhe incenye yelishumi yeligogogo lafulaha locolisakele njenge mnikelo wesono. Angafaki emafusa nobe ngabe imphepho kuyo, ngoba ngumnikelo wesono. ¹² Kufanele akuletse kumpristi, umpristi keyena utawutsatsa libinta leli nganesandla njenga lokumelele umhlatjelo bese kushiswa elathini, ngetulu kwaleminikelo leyentiwe ngumlilo wa Simakadze. Lona ngumnikelo wesono. ¹³ Umpristi utawenta kuncusela kwanobe ngusiphi sono umunttu lasentile, bese loyo muntfu uyatsetselelwa. Lolokusele emnikekelweni kuyawuba kwempristi, njengoba kunjalo ngemnikelo waloku tinhlavu.''' ¹⁴ Wase Simakadze ukhuluna ku Mose, atsi, ¹⁵ Nangabe nome ngubani ona bese wenta kungatsembeki mayelana netintfo leticondzene naSimakadze, kepha loko abe akwente angakangahlosi, kufanele bese uletsa umnikelo wakhe welicala kuSimakadze. Lomnikelo lona kufanele ube siwewe lesite sici kulomhlambi; sisindvo saso mele silinganiswe ngesiliva yema shekeli- emashekeli endzawo lengcwele- njengemnikelo wesono. ¹⁶ Kufanele anetise Simakadze ngaloko lakonile mayelana nalokungcwele, bese uletsa incenye yesihlanu kuyo bese ukunika umpristi. Umpristi keyena utamuncusela ngalesiwewe lesingumnikelo welicala, loyo muntfu utawu tsetselelwa. ¹⁷ Nangabe nobe ngubani ona bese wenta noma ngabe yini Simakadze layalile kutsi kungentiwa, nome ngabe abengati ngako, solo une licala futsi kufanele aletfwale licala lakhe. ¹⁸ Kufanele atsatse siwewe lesite sici kulomhlambi asimikise, intsengo yaso ibe yaleso sikhatsi , njenge mnikelo welicala lonikwa kumpristi. Umpristi keyena utawuse uyamncusela ngenca yalesono lasentile ngaphandle kwenhloso, Yena ke utawubese uyatsetselelwa. ¹⁹ Ngumnikelo welicala, futsi vele unelica embikwa Simakadze.