¹ Simakadze watsi ku Moses, ² ''Khuluma nala bantfu baka Israel, utsi, 'Uma umfati akhulelwa atale umntfwana longumfana, utawubese uyangcola emalanga lasikhombisa, njengoba agcolile ngemalanga akhe ekuba sesikhatsini. ³ Elangeni lesiphohlongo inyama yelijwabu lemntfwana longumfana kumele lisokwe. ⁴ Kutobese kuhlanjululwa kwalomake kulokopha kwakhe kuyachubeka emalanga langemashumi lamatsatfu nakutsatfu. Kumele anagtsinitsi lutfo lolungcwele noma ete endzaweni yelithabanekheli kute kuphele emalanga akhe ekuhlanjululwa. ⁵ Kepha uma atala umntfwana loyintfombatane, utobese uyangcola emaviki lamabili, njengoba anjalo ngesikhatsi asesikhatsini. Kutobese lokuhlanjululwa kwalomake kuyachubeka emalanga langemashumi lasitfupha nesitfupha. ⁶ Uma emalanga akhe ekuhlanjululwa asaphelile, endvodzana nome endvodzakati, aboletse imvana lenemnyaka munye budzala njengemnikelo loshisiwe, livukutfu lelincane noma lituba njengemnikeli wesono, ekungeneni kwelithende lekuhlanganyela, kumphristi. ⁷ Utawubese ukunikela phambi kwa Simakadze amentele kubuyisana, utawubese uyahlotjiswa kulokugeleta kwengati yakhe. Lona ngumtsetfo lomayelana nemfati lotala umntfwana longumfana noma loyintfombatane. ⁸ Uma angakhoni kutsenga imvana, kutomele bese utsatsa ematuba lamabili noma emavukutfu lamancane lamabili, linye njenge mnikelo loshisiwe lolomunye njenge mnikelo wesono, umphristi utawumentela kubuyisana; utawubese uyahloba.''