¹ Izirayeli, buyela kuSimakadze Nkulunkulu wakho, ngoba uwile ngenca yetiphambeko takho. ² Tsatsa emavi akho bese ubuyela kuSimakadze. Utsi kuye, ''Tsatsa tonkhe tiphambeko tetfu bese wemukela lokulungile, kute sitonikela kuwe sitselo setindzebe tetfu. ³ Asiriya angeke asisindzise; ngeke sigibele emahhashi kuya emphini. Futsi angeke sisasho lutfo emsebentini wetandla tetfu, 'nibonkulunkulu wetfu; ngoba kuwe umutfu lote uyise utfola luvelo.'' ⁴ ''Ngitawumisa kujika kwabo; Ngitawubatsandza ngekukhululeka, ngobe lulaka lwami seluphendzuke ekudzeni kusuka kuye. ⁵ Ngitawuba njengematolo ku Izirayeli; utawuchakaza njengembali nange kutsatfwa kwetimphandze njenge msidari e Lebanoni. ⁶ Emagala akhe atawundlaleka; buhle bakhe butawufana netihlahla temncumo futsi nemakha lanukelelako njenge msedari eLebanoni. ⁷ Bantfu labahlala emtfuntini wakhe batawubuya; batawuchuma njenge nhlanyelo baphindze kuchakaza njenge mivini. Ludvumo lakhe butawufananiswa njengeliwayini lase Libanoni. ⁸ Ifrayemu, yini lokunye lekumele ngikwente ngetitsico? Ngitawumuphendvula ngiphindze ngimunakekele. Ngifana nesipresi lesinemacembe lahlala aluhlata; kimi kuphuma titselo takho.'' ⁹ Ngubani lohlakaniphile lotawucondzisisa letintfo? Ngubani locondzisisa letinto kute atewutati? Ngoba tindlela taSimakadze tilungile, futsi nalabalungile batawuhamba ngato, kodvwa labavukelako batawuyendza.