¹ Jakobe wabuka etulu phindze, buka, Isawu beketa, futsi abehamba nemandvodza lamakhulu lamane. Jakobe wahlukanisa bantfwana emkhatsini wa Leya, Rakheli, kanye nalamantfombatane lamabili latisebenti. ² Wase ubeka sisebenti lesisikati nebantfwabaso embili, kwalandzela Leya nebantfwabakhe, kwalandzela Rakheli kanye na Josefa wekugcina kubobonkhe. ³ Yena lucobo lwakhe wahamba phambi kwabo. Waguca phansi kasikhombisa, waze wasondzela kumnakabo. ⁴ Isawu wagijima wamhlangabeta, wamsondzeta, wamanga itsamo, wase uyamcabula. Base bayakhala. ⁵ Ngesikhatsi Isawu abuka etulu, wabona umfati nebantfwana. Watsi, ''bobani labantfu lonabo?" Jakobe watsi, ''laba bantfwana Nkulunkulu labaphe sisebenti sakho. ⁶ Kwase lamantfombatana latisebenti eta phambili nebantfwana babo, base bayaguca phansi. ⁷ Walandzela Leya naye kanye nebantfwana bakhe beta phambili baguca phansi. Ekugcineni Josefa na Rakheli beta phambili baguca phansi. ⁸ Isawu watsi, ''Uchaza kutsini ngalamacembu lengahlangana nawo?'' Jakobe watsi, ''Kutfola umusa ebusweni beNkhosi.'' ⁹ Isawu watsi, ''Nginalokwanele, mnaketfu. Gcina loko lonako utigcinele wena.'' ¹⁰ Jakobe watsi, ''Cha, ngiyacela, umangabe ngingatfola umusa emehlweni akho semukele lesipho esandleni sami, ngeliciniso, ngibubonile buso bakho, kuyafana yini nekubona buso baNkulunkulu, phindze wangimukela mine. ¹¹ Ngicela wamukele sipho sami lengikunike sona ngobe Nkulunkulu ungibusisile ngaso, ngoba senginalokwanele. ''Jakobe wamncenga, phindze Isawu wasemukela. ¹² Wase Isawu utsi, ''Asibe endleleni yetfu. Ngitohamba embikwenu.'' ¹³ Jakobe watsi kuye, ''Inkhosi yami iyati kutsi labantfwana bancane, kanye netimvu netinkomo kutsi tinakekelana naletincane. Uma baphushwa kamantima ngisho ngelilanga linye tonkhe letilwane titokufa. ¹⁴ Ngicela nivumele Inkhosi yami ichubeke naletisebenti. Ngitohamba kancane kakhulu, ngalendlela letimfuyo letiphambi kwami tihamba ngayo, phindze ngalendlela yalabantfwana labahamba ngayo, kuze ngite eNkhosini yami yase Seir.'' ¹⁵ Isawu watsi, ''Asengishiye kuwe lamanye alamadvodza lenginawo.'' Kepha Jakobe watsi, ''Leni nente loku? Asengitfole umusa ebusweni benkhosi. ¹⁶ Ngako Isawu ngalelolanga wacala luhambo lwakhe lolubuyela eSeir. ¹⁷ Jakobe wahamba waya kuSuccoth, kuyotakhela indlu, phindze wakha neluphahla lwemfuyo yakhe. Ngako ke libito lalendzawo labitwa ngekutsi yiSuccoth. ¹⁸ Ngesikhatsi Jakobe abuya ePaddam Aram, wafikakahle edolobheni lase Shechem, lokuyindzawo yase Canaan. ¹⁹ Wahlala eceleni kwalelo dolobha. Wase utsenga siceshana sendzawo lapho wabeka khona lithende lakhe emadvodzaneni a Hamor, yise wa Shechem, ngetinhlavu temasiliva letatilikhulu. ²⁰ Lapho wase ubeka indzawo wayibita ngekutsi yi El Elohe Israyeli.