¹ Ngako Jakobe weva emagama kumadvodzana aLabani, lapho atsi, ''Jakobe sewutsetse konkhe lobe kukwaboyise betfu, futsi sewucebile ngaletintfo tabo. ² Jakobe wabona lutshintjo ebusweni baLabani . Wabona kutsi similo sakhe sesintjintjile ngaye. ³ Simakadze watsi kuJakobe, ''Buyela eveni lababe kanye netihlobo takho, ngitabanawe.'' ⁴ Jakobe watfumela futsi wabita Rachel kanye naLeah ensimini yemhlambini wakhe ⁵ wase utsi kibo, ''Ngiyabona similo sababe wakho sintjintjile kimi, kodvwa Nkulunkulu wababe solo unami. ⁶ Uyati yini kutsi kusemandleni ami kusebentela uyihlo. ⁷ Uyihlo songiyengile phindze wagucula liholo lami ngalokuphidvwe kalishumi, kodvwa Nkulunkulu akamniki imvumo yekutsi angilimate. ⁸ Kube utse, 'liholo lakho kutaba nguletimacabhacabha todvwa,' umhlambi wonkhe wasuka watala letincane letimacabhacabha. Kube utse, 'letinemishi titoba liholo lakho,' wase umhlambi utala letincane letinemishi tonkhe. ⁹ Ngaleyo ndlela Nkulunkulu utsetse imfuyo yaboyihlo wase uyinika mine. ¹⁰ Kanye ngesikhatsi sekukhwetisa, Ngabona ephusheni timbuti letindvuna tihlangene naletinsikati. Lele tindvuna betinemishi, emacabhacabha, naletimbalabala. ¹¹ Ingilozi yaNkulunkulu yatsi kimi lephusheni, 'Jakobe.' Ngatsi, 'Ngilapha.' ¹² Watsi, phakamisa emehlo akho ubuke ubone tonke letimbuti letindvuna lesetikhwelana naletinsikati. Timishi, timacabhacabha, kanye naletimabalabala, ingako ngikubone konkhe Labani lakwenta kuwe. ¹³ NginguNkulunkulu waBethel, lapho wagcoba insika, lapho wafunga khona kimi. Ngako sukuma kulelive ubuyele eveni lakini lapho watetwa khona.'' ¹⁴ Racheli naLeah baphendvula batsi kuye, ngabe sisenaso sabelo nome lifa endlini yababe? ¹⁵ Kambe ngabe akasiphatsisi kuhle kwetihambi? Ngobe sositsengisile phindze nemali lesayisebenta seyacedvwa. ¹⁶ Yonke ingcebo letsetfwe nguNkulunkulu kubobabe seyetfu nebantfwa bebantfwabetfu. Ingako, konke Nkulunkulu lakushoko, kwente.'' ¹⁷ Ngako Jakobe wasukuma wagibelisa emadvodzana nebafati bakhe emakamela. ¹⁸ Wayichuba yonkhe imfuyo yakhe, netintfotakhe tonkhe, kufaka ekhatsi imfuyo layitfola ePadani Arami. Wancandzeka wabuyela kuyise Isaka eveni lase Khenani. ¹⁹ Lesikhatsi Labane angekho ayewuhhula timvu, Rachel webatithico takubo. ²⁰ Jakobe wayenga Labani um Aramean, ngekungamatisi kutsi uyahamba. ²¹ Ngako wabaleka nako konkhe lebekanako ngekuphutfuma wengca emfuleni, wanyukela egcumeni lelive leGilede. ²² Ngelilanga lesitsatfu Labani watjelwa kutsi Jakobe ubalekile. ²³ Ngako watsatsa tihlobo takhe wamulandzela ngeluhambo lwemalanga lasikhombisa. Wamkhandza egcumeni lelive laseGiledi. ²⁴ Ngako Nkulunkulu weta kuLabani umAramini ephusheni ebusuku wase utsi kuye, caphela lokukhulumako kuJakobe lokuhle nobe lokubi.'' ²⁵ Labani wamkhandza Jakobe. Jakobe wabeka lithende lakhe egcumeni lelive. Labani waye wahlala netinini takhe egcumeni lelive leGiledi. ²⁶ Labani watsi ku Jakobe, ''Yini lolokwentile, kutsi ungangiyenga utsatsa nemadzodzakati ami njengetiboshwa temphi? ²⁷ Uhambeleni ngekunyenya wangangitjeli? Bengitakutfuma ngenjabulo nange tingoma, nangetigubhu neligitali. ²⁸ Awukangivumeli kutsi ngivalelise batukuli bami nemadzodzakati ami ngekuwacabula. Ibulima lentfo loyentile. ²⁹ Kusemandleni ami kutsi ngingakwenta lokubi, kepha Nkulunkulu wabobabe ukhulumile kimi itolo ebusuku watsi, 'Caphela kukhuluma kuJakobe lokuhle noma lokubi.' ³⁰ Nyalo uhambile ngobe ufuna kuya endlina yababe wakho. Kepha webeleni tithico tami?'' ³¹ Jakobe waphendvula watsi ku Labani, ''Ngobe bengesaba ngicabanga kutsi utotsatsa emadvodzakati akho ngelidlame ingako ngingakakutjeli. ³² Loyo lowebe bonkulunkulwana bakho angeke achubeke nekuphila. Phambi kwetihlobo tetfu, buka lokukwakho lokukimi ukutsatse.'' Jakobe abengati kutsi Racheli utebile. ³³ Labani waya ethendeni laJakobe, ethendeni la Liya, kanye neletisebenti letimbili letinsikati, kepha akatitfolanga. Waphuma ethendeni la Liya wangena ethendeni la Racheli. ³⁴ Ngako Racheli watsatsa letithico tasendlini, watibeka phansi kwesihlalo selikamela, wase uhlala etukwa. Labani wabuka kuwo onke emathende, kodvwa akatitfolanga. ³⁵ Watsi kubabe wakhe, ''Ungatfukutseli, nkosi yami, kutsi angeke ngisakhona kuma phambikwakho, ngobe ngisesikhatsini." Ngako waphenya kepha akabatfolanga bonkulunkulwana bakhe basendlini. ³⁶ Jakobe watfukutsela watsetsisa Labani. Watsi kuye, ''Yini siphambuko sami? Yini sono sami, kutsi bongaze ungitfungatse kangaka? ³⁷ Njengoba sewuphenye tonkhe tintfo tami. Yini lokutfolile lokukwendlu yakho? Kubeke la phambi kwetinini tetfu, khona batasihlulela sobabili. ³⁸ Iminyaka lengemashumi lamabili nginawe. Timvu takho netimbuti takho letinsikati atikaphunti, angizange sengidle timvu takho letindvuna kulemfuyo yakho. ³⁹ Ngisho naletatihlephulwe tilwane tendle ngangingatiletsi kuwe. Kepha, ngangitivala ngetami,leto lebetilahlekile. Bongikhokhisa kuleto lebeti lahlekile ,nome tebiwe emini nome ebusuku. ⁴⁰ Bengilapho; emini bengibhadliswa lilanga, nemakhata ebusuku; ngingalali. ⁴¹ Kuleminyaka lengemashumi lamabili ngisendlini yakho. Ngikusebentele nemadvodzakati akho lamabili iminyaka lelishumi nakune, neminyaka lesitfupha emfuyweni yakho. Ushinje liholo lami emahlandla lalishumi. ⁴² Ngaphandle Nkulunkulu wabobabe, Nkulunkulu wa Abrahama, lona losatjwa ngu Isaka, bekanami, uyati kutsi botangicosha ngingaka phatsi lutfo etandleni. Nkulunkulu watibona tintfo tami nekufukuza kwami, wakukhuta kulobo busuku.'' ⁴³ Labane waphendvula watsi kuJakobe, emadvodzakati madvodzakati ami, batukulu batukulu bami, imfuyo yimfuyo yami. Konkhe lokubonako kwami. Kodvwa ngingentani emadvodzakatini ami, nome bantfwana babo lababa tele? ⁴⁴ Ingako nyalo, asakhe sivumelwano, mine nawe, futsi kube sifakazelo kimi nawe.'' ⁴⁵ Ingako Jakobe watsatsa litje wase ulibeka etulu ensikeni. ⁴⁶ Jakobe watsi etihlobeni takhe, ''Butsisani ematje.'' Ngako babutsisa ematje benta sivivane. Base badlela ngakulesi vivane. ⁴⁷ Labane wakubita ngeJegar Saha Dutha, Jakobe wakubita ngeGaleed. ⁴⁸ Labani watsi, lesitaki sifakazelo emkhatsini wami nawe namuhla.'' Ingako libito labitwa nge Galedi. ⁴⁹ Kuphindze kubitwe nge Mizpah, ngoba Labani watsi, ''Ingatsi Simakadze angabuka emkhatsini wami nawe, ngisho sesehlukana. ⁵⁰ Nawuphatsa kabi emadvodzakati yam, nome utsatsa munye webafati ngaphandle kwemadvodzakati ami, nome kute lonatsi, buka, Nkulunkulu ngufakazi emkhatsini wami nawe.'' ⁵¹ Labani watsi kuJakobe, ''Buka lesitaki, ubuke lensika, lengiyibeke emkhatsini kwami nawe. ⁵² Lesitaki sibufakazi, nalensika ibufakazi, kutsi ngeke ngengce lesitaki kuwe, ngeke ngengce lensika ngite kuwe, kanjalo nawe ngeke wengce lesitaki nalensika ute kimi, utonglimata. ⁵³ Ngatsi Nkulunkulu wabo Abrahama, nkulunkulu wa Nahor, bonkulunkulwana baboyise, bahlulela emkhatsini kwetfu.'' Jakobe wafunga ngekwesaba ngayise wakhe Isaka. ⁵⁴ Jakobe wanikela ngemhlatjelo etukwentsaba wase ubita tihlobo takhe titokudla lokudla. Badla base balala khona entsabeni busuku bonkhe. ⁵⁵ Ekuseni ngetingweti Labani wavuka, wacabula batukulu bakhe nemadvodzakati akhe wase uyababusisa. Labani washiya waphindzela ekhaya.