¹ Kwavela idlala eveni, ngaphandle kwaleyekucala beyikhona ngesikhatsi sa Abrahama. Isaac waya ku Abimelech, inkhosi yemaFilisti eGerar. ² Simakadze wavela kuye watsi, ''Ungehli uye eGibhithe; phila eveni lengitsi hlala kulo. ³ Hlala kulelive leli, ngitoba nawe futsi ngikubusise; ngoba nguwe netitukulwane takho, ngitoninika tonkhe letindzawo, futsi ngitofeza sifungo lengasifunga ku Abrahama uyihlo. ⁴ Ngitokwandzisa situkulwane sakho njengetinkhanyeti telizulu, futsi ngitoniketa sonkhe situkulwane sakho tonkhe letindzawo. Ngesitukulwane sakho tonkhe tive emhlabeni tiyawubsiswa. ⁵ Ngitokwenta loku ngoba Abrahama walalela livi lami wayigcina netiluleko tami, imitsetfo yami, imiyalo, netimiso tami.'' ⁶ Ngaokoke Isaac wahlala eGerar. ⁷ Ngesikhatsi emadvodza endzawo ambuta ngemkakhe, watsi, ''Ngudzadzewetfu.'' Bekesaba kusho kutsi, ''Ngumkami,'' ngoba bekacabanga kutsi, ''Lamadvodza alendzawo atongibulala kuze atfole Rebekah, ngoba muhle kakhulu.'' ⁸ Emva kwekutsi Isaac besekahleti sikhatsi lesidze kulendzawo, kwenteka kutsi ngesikhatsi Abimelech inkhosi yemaFilisti ibuka ngephandle efasitelweni. Wabona, wamangala, Isaac bekanga Rebekah, umkakhe. ⁹ Abimelech wabita Isaac kutsi ete kuye watsi kuye, ''Lalela, ngicinisekile ngumkakho. Usho leni kutsi, ''Ngudzadzewetfu'?'' Isaac waphendvula watsi, ''Ngoba ngicabange kutsi kukhona lotongibulala kuze amtfole. ¹⁰ Abimelech watsi, ''Yini loku losente kona? yinye indvodza ngabe seyilele nemkakho, ngabe usibeke licala.'' ¹¹ Ngakoke Abimelech wakhuta bonkhe bantfu watsi, ''Nobe ngubani lototsintsa lendvodza nobe umkayo ngephela utobulawa.'' ¹² Isaac walima kulendzawo futsi wavuna ngalowo mnyaka sivuno lesiphindvwe ngelikhulu, ngoba Simakadze bekambusisile. ¹³ Lendvodza yaceba, yangeta bunjinga phindze yabungeta yaze yangcina iyinjinga lenkhulu. ¹⁴ Bekanemihlambi yetimvu neyetinkhomo, netisebenti letinyenti. EmaFilisti bekanemona ngengcebo yakhe. ¹⁵ Ngakoke tonkhe ticoje lebetikadze tigujwe tisebenti teyise ngesikhatsi sa Abrahama uyise, emaFilisti ativala ngemhlabatsi. ¹⁶ Abimelech watsi ku Isaac, ''Suka lana, ngoba sonemandla kunatsi. ¹⁷ Ngakoke Isaac wasuka lapho wayohlala esigodzini saseGerar, waphila khona. ¹⁸ Isaac waphindze watigubha leticobho temanti, lebetigujwe ngesikhatsi sa Abrahama uyise. EmaFilisti bekativalile ngumuva kwekufa kwa Abrahama. Isaac watibita leticobho ngemabito lafanako nalawo betetsiwe nguyise. ¹⁹ Ngesikhatsi tisebenti ta Isaac tigubha esigodzini, batfola lapho sicoje sigeleta emanti. ²⁰ Belusi baseGerar waphikisana nebelusi baka Isaac, batsi, ''Lamanti etfu.'' Ngakoke Isaac wasetsa lesicoje watsi yi ''Esek,'' ngoba bebambangisa. ²¹ Babese bagubha lesinye sicoje, futsi basibanga, naleso, ngakoke wasetsa libito watsi ''Sitnah.'' ²² Washiya lapho phindze wayogubha leyinye sicoje, kepha abasibanganga leso. Ngakoke wasetsa kutsi iRehoboth, phindze watsi, ''Nyalo Simakadze usakhele sikhala, futsi sitophumelela.'' ²³ Wabese Isaac usuka lapho unyukela eBeersheba. ²⁴ Simakadze wavela kuye ngalobo busuku watsi, ''NginguNkulunkulu wa Abraham uyihlo. Ungesabi, ngoba nginawe futsi ngitokubusisa ngiphindze ngandzise situkulwane sakho, ngenca yenceku yami Abrahama.'' ²⁵ Isaac wakha li athali lapho wadvumisa libito laSimakadze. Kulapho labeka khona lithende lakhe, netisebenti takhe tagubha sicoje. ²⁶ Wabese Abimelech usuka eGerar uya kuye, ahamba na Ahuzzath, umngani wakhe, naPhicol, nemholi welibutfo lakhe. ²⁷ Isaac watsi kibo, ''Nifunani kimi, ngoba niyangenyanya futsi nangicosha kini?'' ²⁸ Baphendvula batsi, ''Sesicinisekile kutsi Simakadze unawe. Ngakoke sikhetse kutsi kufanele kube nesifungo emkhatsini wetfu, yebo, emkhatsini wetfu nawe. Ngakoke asakheni sivumelwano nawe, ²⁹ kutsi kute lokubi lotasenta kona, njengoba natsi asikakuphatsi kabi, futsi njengoba sikuphetse kahle sakucosha ngesihle. Ngemphela, ubusiswa nguSimakadze.'' ³⁰ Wabese Isaac ubentela lidzili, futsi badla phindze banatsa. ³¹ Bavuka ekuseni ngeluvivi bafunga sifungo emkhatsini wabo. Wabese Isaac uyabavalelisa, futsi bamushiya ngekuthula. ³² Ngalelolanga tisebenti ta Isaac teta tambikela ngesicoje letisigubhile. Tatsi, ''Sitfole emanti.'' ³³ Wasetsa lesicobho watsi iShibah, libito lalelidolobha iBeersheba kute kuze kube kunamuhla. ³⁴ Ngesikhatsi Esau sekaneminyaka lengemashumi lamane budzala, watsatsa umfati, Judith indvodzakati yaBeeri umHittite, naBasemath indvodzakati ya elon umHittite. ³⁵ Baletsa lusizi ku Isaak naRebekah.