¹ Nyalo Abrahama bekasaguge kakhulu na Simakadze wabusisa Abrahama ngato tonkhe tintfo. ² Abrahama watsi kusisebenti sakhe, lesasisidzala kunato tonkhe endlini yakhe futsi lobekwe kuhola, ''Beka sandla sakho ngaphansi kwelitsanga lami ³ ngitokwenta ufunge ku Simakadze, Nkulunkulu wasemaZulwini nase Mhlabeni, ngeke ute utfolele indvodzana yami umfati emandvodzakati ema Khenane, emkhatsisini kwalabo ngiyokwenta likhaya lami. ⁴ Kepha nitokuya eveni lami , nasetihlobeni, nitfolele indvodzana yami Isaka umfati.'' ⁵ Sisebenti satsi kuye, ''Ngente njani uma lomfati angafuni kungilandzela kulendawo? Ngingayibuyisela yini indvodzana yakho kulendzawe lochamuke kuwo?'' ⁶ Abrahama watsi kuye, ''Cinisekisa kutsi awuyiyisi indvodzana yami lapho! ⁷ Simakadze, Nkulunkulu wasemaZulwini, lowangitsatsa endlini yababe wami nase eveni letihlobo tami, labangitsembise sifungo lesitsi, 'Lelive ngitalinika batukulu bakho; utotfumela ingelozi ngaphambi kwakho, utophindze utfolele indvozana yami umfati lapho. ⁸ Kephana uma lomfati angakafisi kukulandzela, utobese uyakhululeka kulesifungo sami. Kuphela nje ungayiyisi indvodzana yami lapho emuva.'' ⁹ Manje lesisebenti sabeka sandla ngaphansi kwelitsanga la Abrahama inkosi yaso, yafunga ngalendzaba. ¹⁰ Lesisebenti satsatsa emakamela lalishumi enkosi yayo ahamba. Wabese utsatsa tinhlobo nhlobo tetipho enkhosini yakhe. Wahamba waya edzaweni yase Naharaim lidolobha lase Nahori. ¹¹ Wenta lama kamela kutsi aguce phansi ngaphandle kwalelidolobha emtfonjeni. Kwakunguntsambama, uma bafati bayokukha emanti. ¹² Wabese utsi, ''Simakadze, Nkulunkulu wenkosi yami Abrahama, ngiphe imphumelelo ukhombise sivumelwano nekwetsembeka kwakho kumholi wami Abrahama. ¹³ Buka, mine ngime lamtfonjeni wemanti, futsi emadvodzakati emandvodza aladolobheni eta lana atowuka emanti. ¹⁴ Yenta kutsi kwenteke kanjena. Uma ngitsi entfombataneni, 'Ngicela wehlise imbita yekunatsela khona sitokhona kunatsa; wabese utsi kimi, 'Natsa ngitophindze nginatsise nemakamela akho futsi,' muvumele abe sisebenti sa Isaka. Ngaloku ngiyati kutsi ngitabe ngisigcinile setsembiso semholi wami.'' ¹⁵ Loku kwavela ngaphambi kwekuba bacedze kukhuluma, Rebekah waphuma nembita yemanti lebeyisehlombe lakhe. Rebekah lowayetalwa ngu Bethuel indodzana ya Milkah, umfati wa Nahori, umnakabo Abraham. ¹⁶ Lentfombatanyana yayiyinhle futsi wayeyintfombi ntfo . Abengakake waba nendvodza.Wahamba waya emfuleni, wagcwalisa imbita yemanti. ¹⁷ Lesisebenti sagijima sayakuye satsi, '' Ngicela kutsi ungiphe emanti lamancane kulembita yakho.'' ¹⁸ Wase utsi, ''Natsa, nkosi yami,'' wa phutfuma wametfula lembita esandleni sakhe , wamunatsisa. ¹⁹ Kwatsi kube acedze kumunatsisa watsi, '' Ngitawudvonsa emanti nginatsise nalamakhamela akho ate acedzile kunatsa.'' ²⁰ Wabese uyaphangisa watfululela lamanti ekhatsi enkelebeni, waphidze waya nasemtfonjeni atonatsisa lamakhamela akhe. ²¹ Lendvodza yabukisisa lentfombi ithulile kubona kutsi Simakadze uyibusisile lendlela noma cha. ²² Kwatsi uma lamakhamela sekacedze kunatsa, lendvodza yakhipha indandatho yeligolide lelalinesisindvo sahhafu welishekeli yayifaka ekhaleni, yatsatsa imijiva yeligolide lelinesisindvo semashekeli lalishumi, wabese uyabuta, ²³ ''Uyindvodzakati yabani wena? Ngicela ungitjele, likhona yini ligumbi letfu lekulala sitomane sifihle inhloko kulobusuku?'' ²⁴ Lentfombi yatsi kuye, ''Ngiyindvodzakati ya Bethuweli indvodzana ya Milkah, lowatala Nahori.'' ²⁵ Wabese utsi kuye, ''Sinalobunyenti tjani bemakamela, futsi sinalo ligumbi lakho lekulala busuku bonkhe.'' ²⁶ Lendvodza yabese iyakhotsama yadvumisa Simakadze. ²⁷ Wabese utsi, ''Akabongwe Simakadze, Nkulunkulu wenkosi yami Abrahama, longakayekeli kungikhombisa sivumelwano kwesivumelwane sakhe futsi nekwetsembeka kwakhe enkhosini yami. Kepha-mine, Simakadze ungiholele endlini yetihlobo tenkhosi yami.'' ²⁸ Lentfombi yagijima yaya endlini kumake wayo yamutjela ngako konkhe. ²⁹ Nyalo Rebekah waye nemnakabo futsi libito lakhe bekunguLabani. Labani wagijima waya kulendvodza lebeyisemgwacweni ngase emtfonjeni. ³⁰ Kwatsi sekabone leligolide ekhaleni nalemjiva emkhonweni wadzadzewabo, futsi watsi nakasevile emavi a Rebekah dzadze wakhe, ''Loku ngulokushiwo ngulendvodza kimi,'' wabese uyakulendvodza, buka, bekeme ngakulamakamela emntfonjeni. ³¹ Wabese utsi Labani, '' Wota, wena lobusisiwe wa Simakadze. Umeleni ngaphandle? Ngilungise indlu, nendzawo yemakamela.'' ³² Yabese lendvodza iyangena kulendlu yakhulula lamakamela. Lamakhamela anikwa kudla adla, nemanti kute ageze tinyawo takhe naletinyawo talama ndvodza abekahamba nawo. ³³ Babese babeka kudla embikwakhe kutsi adle, kodwa watsi, ''Angeke ngidle ngingaka kusho lelekumele ngikusho.'' Manje Labani watsi, ''Khuluma.'' ³⁴ Watsi, ''Mine ngisisebenti saAbrahama. ³⁵ Simakadze ubusise inkhosi yami kakhulu wabese ubamkhulu .Umunike timvu netinkhomo, lisiliva neligolide, netisebenti letimvuna naletinsikati , nemakamela netimbongolo. ^{36 37 38} Sarah, umfati wenkhosi yami, watalela inkhosi yami indvodzana kephana abesamudzala, uyinikete konkhe leyinako. Inkhosi yami ingente ngafunga, kutsi, ''Angeke utsatsele indvodzana yami umfati kuma dvodzakati ase Khenani , kulelive lengihleti kulo. Kunaloku, kumele uhambe uye emndenini wababe wami, nasetihlotjeni tami, utfolele indvodzana yami umfati.' ³⁹ Ngatsi enkhosini yami, 'mhlawumbe lentfombi angeke ingilandzele.' ⁴⁰ Kepha watsi kimi, 'Simakadze, lengihamba naye, utotfumela ingilozi yakhe kuwe futsi utobusisa indlela yakho, khona utotfolela indvodzana yami umfati etihlobeni tami nasesiveni sami. ⁴¹ Kepha utokhululeka esifungeni sami uma ute esiveni sami noma bangakuniki. Utokhululeka esifungeni sami.' ⁴² Ngifike esicojeni lamuhla, ngatsi, 'O Simakadze Nkulunkulu we nkhosi yami Abrahama , ngicela, uphumelelise indlela yami--- ⁴³ Ngilana, ngimile ngasemntfonjeni wemanti---vumela intfombi letonginatsisa leyo lengitotsi kuyo , ''Ngicela emanti lamancane embiteni ngitowunatsa,'' ⁴⁴ lentfombi yatsi kimi, '' Natsa, ngitonatsisa lamakamela'' --- muvumele abe ngumfati lokhetswe, ngu Simakadze, aketsela indvodzana yenkhosi yami.' ⁴⁵ Ngaphambi kwekuba ngicedze kuthantaza enhlitiyweni yami, kwafika, Rebekah nembita yemanti ayitjadze ehlombe wabese uya emtfonjeni wayokukha emanti. Ngabese ngitsi kuye, 'Ngicela kunatsa.' ⁴⁶ Ngekushesha wehlisa lembita yakhe enhlombe watsi, 'Natsa, ngitokunika emakhamela akho nawo.' Manje nganatsa , yena wanatsisa lamakamela. ⁴⁷ Ngamubuta ngatsi,' Uyindvodzakati yabani wena?' Yena watsi, 'Indvodzakati ya Bethuel, indvodzana ya Nahori, lowatalwa ngu Milkah.' Ngabese ngifaka indandatho ekhaleni lakhe nemjiva emkhonweni wakhe. ⁴⁸ Ngabese ngiyakhotsama ngadvumisa Simakadze, Nkulunkulu wenkhosi yami Abrahama, lobengiholele endleleni lekahle kute ngitfole indvodzakati yesihlobo senkhosi yami ngitfolele indvodzana yakhe. ⁴⁹ Manje njengobe, sewulungisele kukhombisa lutsandvo nekwetsembeka kunkhosi yami , ngitjele. Kepha ke umakungisiko njalo ngitjele, khona ngitophindzela ngesandla sesekudla nalesencele.'' ⁵⁰ BoLabani na Bethuweli baphendvula batsi,'' Lentfo isuka ku Simakadze ; angeke sikhulume lokuhle nalokubi. ⁵¹ Buka, Rebekah phambi kwakho. Mutsatse uhambe naye. khona atowukuba ngumfati wendvodzana yenkhosi yakho njengoba Simakadze asashito.'' ⁵² Uma sisebenti saAbrahama siva lamagama sakhotsama phansi embikwaSimakadze. ⁵³ Lesisebenti saletsa tintfo telisiliva netintfo teligolide, netimphahla watinika Rebekah. Waphindze wanika tipho letiligugu kumnakakhe na make wakhe. ⁵⁴ Lesisebenti nala madvodza abehamba nawo badla banatsa. Bahlala busuku bonkhe ,umabavuka ekuseni, watsi, ''Ngitfumele kunkhosi yami.'' ⁵⁵ Umnakabo namake wakhe batsi, ''Vumelani lentfombatane ihlale emalangana, noma sekangaba mashumi. Emvakwaloko sekangahamba.'' ⁵⁶ Kepha lesisebenti satsi kubo, ''ningangicidzeteli, ngoba Simakadze uyiphumelelisile indlela yami. Ngikhululeni khona ngitokuya enkhosini yami.'' ⁵⁷ Manje babese batsi, ''Batayibita lentfombatane bayibute.'' ⁵⁸ Bamubuta Rebekah kutsi,''Utohamba yini nalendvodza lena?'' Waphendvula watsi,''Ngitohamba.'' ⁵⁹ Manje bamutfumela Rebekah dzadze wabo, kanyenesisebenti sakhe lesinsikati, endleleni yakhe bekune sisebenti sa Abrahama nalalamanye emandvodza. ⁶⁰ Bamubusisa Rebekah, batsi kuye , ''Dzadzawetfu, Shengatsi ungaba ngumake wetinkhulungwane tetinkhulungwane, shengatsi intalo yakho ingawancoba emagede alaba lababenyanyako.'' ⁶¹ Rebekah wavumbuka, yena netisebenti takhe bagibela emakamela, balandzela lendvodza. Sabese lesisebenti sitsatsa Rebekah, bahamba. ⁶² Manje Isaka wayephila eNegevu , abuya e Bheri Lahayi Royi. ⁶³ Isaka wahamba wayodla ematsambo encondvo esigangeni. Wabuka etulu wabona, emakamela eta ngakuye! ⁶⁴ Rebekah wabuka, nakabona Isaka, wagcuma phansi kulelikamela. ⁶⁵ Watsi kulesisebenti sakhe, ''Ngubani lendvodza lehamba esigangeni itohlangana natsi?'' Lesisebenti satsi kuye, ''Yinkhosi yami.'' Wabese utsatsa iveyili yakhe, watimbonya. ⁶⁶ Lesisebenti sabhalisisa ku Isaka konkhe labementela kona. ⁶⁷ Isaka wabese uletsa Rebekah ethendini lamake wakhe Sarah, wabese uba ngumfati wakhe, waphindze wamutsandza. Manje Isaka wadvudvuteka emva kwekufa kwamake wakhe.