^{1 2 3} Abraham wasuka lapho wahamba wabheka eveni laseNegev, wahalala emkhatsini wekadesh neShur. Bekasihambi ahlala eGerar. Abrahama watsi mayelana naSarah umkakhe, ''Ngudzadze wetfu.'' Ngakoke Abimelech inkhosi yaseGerar yamlandza Sarah futsi yamtsatsa. Kepha Nkulunkulu wefika ku Abimelech ngeliphupho ebusuku, watsi kuye, ''Lalela, ufile wena ngenca yalomfati lomtsetse, ngoba ngumfati webantfu.'' ⁴ Kepha Abimelech bekangakaze wasondzela kuye ngaokoke watsi, ''Nkhosi, ungasibulala nesive lesilungile? ⁵ Akasho yini yena kimi watsi, ''Ngudzadze wetfu?' Naye Sarah watikhulumela watsi, 'Ngumnaketfu.' Ngikwente ngekuhlonipha kwehlitiyo yami netandla letimsulwa.'' ⁶ Nkulunkulu wabese utsi kuye kuleliphupho, ''Yebo, ngiyakwati kuhlonipha kwenhlitiyo yakho ukwentile loku, futsi ngakuvimba ekoneni umelane nami. Ngakoke angikakuvumeli wamtsintsa. ⁷ Ngakoke, buyisela umfati webantfu, ngoba Abrahama ngumprofethi. Utokuthantazela, futsi utophila. Kepha uma ungambiseli, yati kutsi wena nemndeni wakho ngempela nitawukufa.'' ⁸ Abimelech wavuka ngeluvivi ekuseni wabita tonkhe tindvuna takhe teta kuye. Wabatjela konkhe, nalamadvodza esaba. ⁹ Wabese Abimelech ubita Abrahama watsi kuye, ''Sosenteni, ngikone ngani, kutsi ungaze uletse kimi nembuso wami sono lesikhulu kangaka? Wente kimi lokungakafaneli ngabe kuyentiwa.'' ¹⁰ Abimelech watsi ku Abrahama, ''Yini lekubangele kutsi wente lentfo lena?'' ¹¹ Abrahama waphendvula watsi, 'Ngoba ngicabange kutsi, nemambala kute kuhlonipha Nkulunkulu kulendzawo, futsi batongibulala bafuna umfati wami. ¹² Kodvwa vele, ngempela unguye dzadzewetfu, indvodzakati yababe wami, kodvwa hhayi indvodzakati yamake wami; waba ngumkami. ¹³ Ngesikhatsi Nkulunkulu angikhipha ekhaya lababe ngahamba tindzawo ngetindzawo, ngatsi kuSarah, 'Kufanele ungikhombe kutsembeka njengemkami: Yonkhe indzawo lesiya kuyo, batjele kutsi ngami, ''Ngumnaketfu.'''' ¹⁴ Wabese Abimelech utsatsa timvu netinkhomo, nesisebenti lesidvuna nalesisikati, wakunika Abrahama. Wabese ubisela Sarah, umka Abrahama, ku Abrahama. ¹⁵ Abimelech watsi, ''Buka, live lami embikwakho. Yakha lapho lotsandza khona. ¹⁶ KuSara watsi, ''Buka, senginikete umnakenu emasiliva layinkhulungwane. Ekuhlawula nobe ngayini lokubi kuwe kubona wonkhe muntfu lonawe, embikwabo bonkhe, somsulwa.'' ¹⁷ Wabese Abrahama uthantaza kuNkulunkulu, Nkulunkulu wamphilisa Abimelech, netisebenti takhe letisikati kutsi kutsi titale. ¹⁸ Ngoba Simakadze bekakadze ente bonkhe labasikati endlini yonkhe ya Abimelech kutsi babetinyumba, ngenca yaSra, umka Abrahama.