¹ Ngesikhatsi Sarai, umka Abrama, angakamutaleli umntfwana Abrama, kodvwa anesisebenti lesisikati, umGhibhite, libito lakhe kunguHaga. ² Ngakoke Sarayi watsi ku Abrama, ''Buka, Simakadze ungivalile kutsi ngibe nebantfwana. Hamba ulale nesisebenti sami. Ngaleyondlela ngitoba nabo bantfwana ngaye.'' Abram wakuva lalakusho Sarayi. ³ Kwenteka ngesikhatsi Abrama sekahlale iminyaka lelishumi eveni lase Khenani lapho khona Sarayi, umka Abrama, wamnika Haga, sisebenti sakhe lesingumGibhithe, endvodzeni yakhe njengemfati. Ngakoke ⁴ walalana naHaga, futsi wakhulelwa. Nakatibona kutsi sokhulelwe Haga, wabuka Sarai ngendzelelo. ⁵ Wabese Sarayi utsi ku Abrama, ''Loku lokubi lokwenteka kimi kungenca yakho. Ngikunike sisebenti sami kutsi ulale naso, watsi nasekabona kutsi sokhulelwe, ngenyanyekiswa emehlweni akhe. Simakadze akehlulele emkhatsini wami nawe.'' ⁶ Kepha Abrama watsi kuSarayi, ''Lalela lana, sisebenti sakho sibuswa nguwe, yenta kuye lokubona kungiko kuwe.'' Ngakoke Sarayi wamphatsa ngelulaka Haga, wabaleka Haga. ⁷ Ingilozi yaSimakadze yamutfola ngaseceleni kwesiyalo ehlane, siyalo besisendleleni nawuya eShur. ⁸ Yatsi, ''Haga, sisebenti saSarai, uchamukaphi futsi uyaphi?'' Wabese Haga uphendvula utsi, ''Ngibalekela lolongiphetse Sarayi.'' ⁹ Ingilozi yaSimakadze yatsi, ''Buyela kumphatsi wakho lomsikati, futsi utinikele emtsetfweni wakhe.'' ¹⁰ Yabese ingilozi yaSimakadze itsi kuye, ''Ngitosandzisa situkulwane sakho kakhulu, kute loyokhona kusibala.'' ¹¹ Lengilozi yaSimakadze yaphindze yatsi kuye, ''Lalela, ukhulelwe futsi utotala indvodzana, utobetsa libito utsi ngu Ishmael. ngoba Simakadze ukuvile kuhlupheka kwakho. ¹² Utofana nembongolo yesiganga. Utokwenyanywa nguwonkhe muntfu, nawonkhe umuntfu utomenyanya, aphindze ahlale khashane netihlobo takhe.'' ¹³ Wabese Haga usho nankha emagama nawa ngemuva kwekutsi Simakadze akhulume naye, ''UnguNkulunkulu longibonako,'' ngoba watsi, ''Ngiyachubeka yini kuphila, ngemuva kwekubonwa nguNkulunkulu?''. ¹⁴ Ngakoke lesiyalo setsiwa kutsi kuse Beer Lahai Roi; buka, isemkhatsini weKadesh neBered. ¹⁵ Haga wabeleka indvodzana ya Abrama, Abrama wayetsa indvodzana yakhe, letelwe nguHaga, watsi ngu Ishmael. ¹⁶ Abrama bekaneminyaka lengemashumi lasiphohlongo nesitfupha budzala ngesikhatsi Haga atala Ishmael ku Abrama.