¹ Ngaleso sikhatsi umhlaba wonkhe wasebentisa lulwimi lunye lobelungemagama lafanako. ² Basalibangisa emphumalanga batfola indzawo lebekile kulelive lase Shinari base bahlala khona. ³ Batsi kulomunye nalomunye, ''kotani sakhe titini siphindze sitibhake tibe kahle.'' Bebanetitini esikhundleni sematje nelitiyela esikhundleni seludzaka. ⁴ Batsi, ''Wotani, sitakhele lidolobha nembhoshongo lotofika esibhakabhakeni, siphindze sitakhele libito letfu. Uma kungenjalo sitosakateka umhlaba wonkhe.'' ⁵ Ngako Simakadze wehlela phansi kutobona lelidolobha kanye nalomboshongo lowakhiwa situkulwane sa Adam. ⁶ Simakadze watsi, ''Buka, babantfu banye labanelulwimi lolufanako phindze sebacalile kwakha loku! Masinyane kute labahlose kukwenta lokungeke bakwente. ⁷ Wotani sehlele phansi siyowudida lolulwimi lwabo lapha, khona bangatovana bodvwa.'' ⁸ Ngako Simakadze wabasakata nemhlaba wonkhe bangasachubeki nekwakha lelodolobha. ⁹ Ngako kwetsiwa libito kwatsiwa ngu Babel, ngobe lapho Simakadze wasanganisa lulwimi lwemhlaba wonkhe kusukela lapho Simakadze wabasakata bantfu nemhlaba wonkhe. ¹⁰ Nati titukulwane taShem. Shem abeneminyaka lelikhulu, waba ngubabe waAphakshad emva kweminyaka lemibili kwendlule zamcolo. ¹¹ Shem waphila iminyaka lengemakhulu lasihlanu emvakwekuba nguyise waAphakshad. Waphindze waba nguyise walamanye emadvodzana nemadvodzakati. ¹² Ngesikhatsi Aphakshad asaphile iminyaka lengemashumi lamatsatfu nesihlanu, wabanguyise waShelah. ¹³ Aphakshad waphila iminyaka lengu 403 emvakwekuba nguyise waShelah. Waphindze waba nguyise walamanye emadvodzana nemadvodzakati. ¹⁴ Ngesikhatsi Shelah asaphile iminyaka lengemashumi lamatsatfu, waba nguyise waEber. ¹⁵ Shelah waphila iminyaka lengu 403 emvakwekuba nguyise waEber. Waphindze waba nguyise walamanye emadvodzana nemadvodzakati. ¹⁶ Ngalesikhatsi Eber asaphile iminyaka lengemashumi lamatsatfu nakune, wabanguyise wa Peleg. ¹⁷ Eber waphila iminyaka lengu 430 budzala emvakwekuba nguyise waPeleg. Waphindze wabanguyise walamanye emadvodzana nemadvodzakati. ¹⁸ Ngalesikhatsi Peleg aphile iminyaka lengemashumi lamatsatfu, waba nguyise waReu. ¹⁹ Peleg waphila iminyaka lengu 209 emva kwekutsi abe nguyise waReu. Waphindze wabanguyise walamanye emadvodzana nemadvodzakati. ²⁰ Ngalesikhatsi Reu asaphile iminyaka lengemashumi lamatsatfu nakubili, waba nguyise waSerug. ²¹ Reu waphila iminyaka lengu 207 emvakwekuba nguyise waSerug . Waphindze waba nguyise wemadvodzana nemadvodzakati. ²² Ngalesikhatsi Serug asaphile iminyaka lengemashumi lamatsatfu wase uba nguyise waNahor. ²³ Serug waphila iminyaka lengemakhulu lamabili emvakwekuba nguyise waNahor.Waphindze futsi waba nguyise walamanye emadvodzana nemadvodzakati. ²⁴ Ngalesikhatsi Nahor asaphila iminyaka lengemashumi lamabili nemfica, waba nguyise waTerah. ²⁵ Nahor waphila iminyaka lengu119 emvakwekuba nguyise waTerah. Waphindze futsi waba nguyise walamanye emadvodzana nemadvodzakati. ²⁶ Emvakwekube Terah asaphile iminyaka lengemashumi lasikhombisa, waba nguyise waAbram, Nahor, kanye naHaran. ²⁷ Lesi situkulwane saTerah. Terah waba nguyise waAbram, Nahor, kanye naHaran, Haran waba nguyise waLot. ²⁸ Haran wafa kuseneyise wakhe Terah endzaweni latalelwa kuyo, eUri yase Makhaledi. ²⁹ Abrahama naNahor batsatsa bafati. Ligama lemfati waAbrahama kwakunguSarayi wase umfati waNahor kuba nguMilkha, indvodzakati yaHaran, lobekanguyise waMilkha naIskha. ³⁰ Lapho Sarai abeyinyumba, bekete umntfwana. ³¹ Terah watsatsa Abraham indvodzana yakhe, Lot indvodzana yendvodzana yakhe Haran, kanye naSarai makoti wakakhe , umka Abram indvodzana yakhe, ,base bayahamba kanye kanye bashiya iUr yase Makhaledi, baya eveni lase Khenani. Kepha befika eHaran bahlala khona. ³² Terah waphila iminyaka lengu 205 wafela eHaran.