¹ Ekucaleni, Nkulunkulu wadala emazulu nemhlaba. ² Umhlaba wawungenalutfo. Bumnyama bebungetulu kwemanti. Umoya waNkulunkulu wawuhamba ngekutulu kwemanti. ³ Nkulunkulu watsi, Akube nekukhanya,'' kwavele kwaba nekukhanya. ⁴ Nkulunkulu wabona lokukhanya, kutsi kwakulungile. Wehlukanisa kukhanya ebunyameni. ⁵ Nkulunkulu wetsa kukhanya watsi ''lilanga'' waphindze wetsa bumnyama watsi ''busuku.'' Loku kwaba yintsmbama nekusa, ngelilanga lekucala. ⁶ Nkulunkulu watsi, ''Akube nekuhlukana emkhatsini walamanti, kwehlukanise emanti emantini.'' ⁷ Nkulunkulu wakha umkhatsi futsi wahlukanisa lamanti labekangephasi kwalomkhatsi ngephasi kwemkhatsi kusukela kulamanti labekangetulu kwalomkhatsi. Kwaba njalo. ⁸ Nkulunkulu wetsa lomkhatsi ''sibhakabhaka.'' Loku kwaba yintsamba nekusa, lilanga lesibili. ⁹ Nkulunkulu watsi, ''Emanti langephasi kwesibhakabhaka akabutsane ndzawonye, bese kuvele indzawo leyomile.'' Kwaba njalo. ¹⁰ Nkulunkulu wetsa indzawo leyomile watsi ''ngumhlaba'' nemanti labutsene ndzawonye watsi ''lwandle.'' Wakubona kutsi kulungile. ¹¹ Nkulunkulu watsi, ''Umhlaba awuhlume imvelo: tihlahla letihluma tinhlanyelo kanye netihlahla tetitselo letitsela titselo, lenhlanyelo yayo leku lesitselo, ngayinye ngayinye ifane neluhlobo lwesihlahla lephume kuso.'' Kwabanjalo. ¹² Umhlaba wakhichita imvelo, tihlahla takhichita inhlanyelo lenjengato, naletihlahla letikhichita titselo tenhlanyelo yato beyingekhatsi kuyo, lefana nesihlahla sayo. Nkulunkulu wakubona loku kukahle. ¹³ Loku bekuyintsambama nekusa, lilanga lesitsatfu. ¹⁴ Nkulunkulu watsi; '' Akube nekukhanya esibhakabhakeni kuhlukanisa lilanga nebusuku futsi bente babe tibonakaliso, ngetikhatsi, emalanga neminyaka. ¹⁵ Atibe kukhanya esibhakabhakeni kunika kukhanya ngetulu kwemhlaba.'' Kwaba njalo. ¹⁶ Nkulunkulu wenta kukhanya lokubili lokukhulu, kukhanya lokhulu kubusa imini, bese kukhanya lokuncane kubusa busuku. Wase wenta tinkhanyeti. ¹⁷ Nkulunkulu watibeka esibhakabhakeni kunika kukhanya etikwe mhlaba, ¹⁸ kutobusa imini nebususku, nekutsi yehlukanise kukhanya ebumnyameni. Nkulunkulu wakubona kulungile loku, ¹⁹ Lena bekuyintsambama nekusa ngelilanga lesitsatfu. ²⁰ Nkulunkulu watsi, ''Emanti akagcwaliswe ngetinombolo letinkhulu tetilwane letiphilako, netinyoni atindize ngetulu kwemhlaba emkhatsini wesibhakabhaka.'' ²¹ Nkulunkulu wadala tilwane taselwandle letinkhulu, kanye nayoyonkhe indalo lephila ngemva kwendalo yayo lehambako futsi legcwalisa emanti kuyoyonkhe indzawo, nayoyonkhe inyoni lenemaphiko ngemva kwendalo yayo. Nkulunkulu wakubona loku kulungile loku. ²² Nkulunkulu wababusisa, atsi, '' Talanani nandze, nigcwalise emanti elwandle. Tinyoni atandze emhlabeni. '' ²³ Lena bekuyintsambama nekusa, ngelilanga lesitsatfu. ²⁴ Nkulunkulu watsi, ''Umhlaba awukhichite indalo lephilako, ngeluhlwa lwayo, imfuyo, tintfo letishoshako, futsi netilwane tasendle temhlaba, ngeluhlwa lwendalo yayo.'' Kwaba njalo. ²⁵ Nkulunkulu wenta tilwane tasendle ngemva kwendalo yato yemhlaba, imfuyo ngemva kwendalo yayo, futsi yonkhe intfo leshoshako ngetulu kwemhlaba ngemuva kwendalo yato. Wakubona loko kulungile. ²⁶ Nkulunkulu watsi, '' Asente umuntfu abe ngumfanakiso wetfu, ngekutsandza kwetfu. Ababe nemagunya tikwe tihlanti taselwandle, tikwe tinyoni tesibhakabhaka, ngetulu kwemfuyo, ngetulu kwemhlaba wonkhe, futsi ngetulu kwako konkhe lokushoshako emhlabeni. ²⁷ Nkulunkulu wadala umuntfu ngemfanekiso wakhe. Ngemfanekiso wakhe wamdala. Lomdvuna nalomsikati wabadala. ²⁸ Nkulunkulu wababusisa watsi kibo, ''Talanani, futsi nandze. Gcwalisani umhlaba, futsi niwuphatse. Busani tinhlanti telwandle, tikwe tinyoni tesibhakabhaka, nakukonkhe lokuhamba etikwemhlabatsi.'' ²⁹ Nkulunkulu watsi, ''Buka, ngikunikete tonkhe titfombo letitsela tinhlanyelo letisemhlabeni wonkhe, nasososnkhe sihlahla lesitsela sitselo lesinenhlanyelo ekhatsi. Titoba kudla kuwe. ³⁰ Kuto tonkhe tilwane temhlaba, kuto tonkhe tinyoni telizulu, nakuko konkhe lokuhamba emhlabeni, nakuto tonkhe tidalwa letinemphefumulo lophilako nginike tonkhe tilimo letiluhlata kutsi tidliwe.'' Kwaba njalo. ³¹ Nkulunkulu wabona konkhe labekakudalile. Ecinisweni, kwakukuhle kakhulu. Kwaba busuku nekusa, elangeni lesitsatfu.