¹ Ngemnyakeni wemashumi lamatsatfu, inyanga yesine, elangeni lesihlanu lenyanga, kwenteka kutsi bengihlala kanye nebatfunjwa dvutane neKhebha Khanali. Emazulu avuleka, futsi ngabona imibono yaSimakadze. ² Elangeni lesihlanu laleyo nyanga - kwakungumnyaka wesihlanu, wekucoshwa kweNkhosi Jehoyiyakhimu - ³ livi laSimakadze lefika kuHezekiyeli indvodzana yaBuzi umpristi, eveni lase Khaledi ngase Khebha Khanali, futsi sandla saSimakadze sasisetikwakhe khona lapho. ⁴ Ngase ngiyabuka, futsi lapho kwakunesivunguvungu sichamuka ngasenyakatfo; lifu lelikhulu linemlilo lokhatimulako phakatsi kwalo kanye nekukhanya kulitungeletele futsi kungekatsi kwalo, kanye nemlilo lowawumtfubi ngekhatsi kwalelifu. ⁵ Emkhatsini kwakungumfanekiso wetidalwa letine letiphilako. Tatibukeka kanjena: Tatinemfanekiso wemuntfu, kodvwa tatinebuso lobune sisinye, ⁶ futsi ngasinye saletidalwa sasinetimphiko letine. ⁷ Imilente yato yayicondzile, kodvwa titsendze tetinyawo tato tatifana nemasondvo elitfole letatimanyatela njengelitfusi lelipholishiwe. ⁸ Kodvwa betinetandla temuntfu ngaphansi kwetimphiko etinhlangotsini totine. Ngoba totine, buso bato kanye netimphiko kwakukanjena: ⁹ timphiko tato tatitsintsa timphiko tesidalwa lesiseceleni, futsi atigucukanga tisahamba; kodvwa, ngasinye sato sacondza embili. ¹⁰ Kufanana kwebuso bato kwakufana nebuso bemuntfu. Totine tatinebuso belibhubesi ehlangotsini lwangesekudla, futsi totine tatinebuso benkhabi ehlangotsini langesencele. Totine futsi tatine buso belukhozi. ¹¹ Buso bato babukanjalo, futsi netimphiko tato tendlaleke ngetulu, kute sisinye sidalwa sibe netimphiko letihamba ngatimbili letatitsintsa timphiko talesinye sidalwa, futsi kunaletinye timphiko letihamba ngatimbili letatimbonye imitimba yato. ¹² Sisinye sahamba sacondza embili, kuze kutsi konkhe lopho Moya abetiholela kutsi tiye khona, tihambe ngaphandle kwekugucuka. ¹³ Esigabeni sekufanana kwaletidalwa letiphilako, kubukeka kwato kwakufana nemalahle emlilo, kubukeka njengemalambu; umlilo lokhatimulako bewuhambahamba emkhatsini waletidalwa, futsi kwakunekukhanya lokugcamile. ¹⁴ Letidalwa tatehla tenyuka ngematubane, futsi tatifana nembane! ¹⁵ Ngase ngibuka kuletidalwa letiphilako; ngase ngibona lisondvo linye emhlabatsini eceleni kwetidalwa nebuso bato lobune. ¹⁶ Lena ngulendlela lebetibukeka ngayo kanye nesakhiwo salamasondvo: Lilinye lisondvo lalifana beryli, futsi totine tatifanana; kubukeka kwato kanye nesakhiwo tatifanana nelisondvo lelijuba kulelinye lisondvo. ¹⁷ Tisahamba, tahamba kunome nguyiphi yetinhlangotsi tato totine, ngaphandle kwekugucuka tisahamba. ¹⁸ Kulelingekhatsi lalamasondvo ato, abemadze fusti esabeka, ngobe lelingekhatsi lalamasondvo laligcwele emehlo latungeletele. ¹⁹ Nobenini letidalwa letiphilako natihambe, lamasondvo abehamba eceleni kwato. Ngesikhatsi letidalwa tivukela etulu tisuka emhlabeni, lamasondvo avukela etulu nawo. ²⁰ Nobekuphi lapho Moya ayakhona, nato betiya, futsi nalamasondvo avuka eceleni kwato, ngobe lomoya waletidalwa letiphilako wawukulamasondvo. ²¹ Nobenini letidalwa natihamba, lamasondvo abehamba nawo; futsi ngesikhatsi letidalwa timile, ngesikhatsi lamasondvo avuka kusuka emhlabeni, lamasondvo avuka eceleni kwato, ngobe lomoya wetidalwa wawusekhatsi kulamasondvo. ²² Ngetulu kwetinhloko taletidalwa letiphilako kwakufanemfanekiso longuhhafu weluphahla loluyindingilizi lolukhulu; kwakubukeka njengetinhlavu letijabulisanako letenabe ngetulu kwetinhloko tato. ²³ Ngaphansi kwalomfanekiso weluphahla lolunguhhafu, ngatinye timphiko taletidalwa tatenabele ngaphandle tacondza futsi tatsintsa timphiko taleti letinye tidalwa. Ngasinye saletidalwa letiphilako futsi sasinaletinye letimbili kute titimbonye; ngasinye sasinaletimbili letimbonye imitimba yato. ²⁴ Ngase ngiva umsindvo wetimphiko tato. Njengemsindvo wemanti lamanyenti. Njengelivi leMninimandlawonkhe nomanini natihamba. Njengemsindvo wemvula lenemandla. Njengemsindvo wemphi. Sonkhe sikhatsi natimile, betehlisa timphiko tato. ²⁵ Kwaphuma livi etulu kuloluphahla lolunguhhafu ngetulu kwetinhloko tato sonkhe sikhatsi natimile kanye nanatehlisa tiphiko tato. ²⁶ Ngetulu kwaloluphahla lolunguhhafu etikwetinhloko tato kwanemfanekiso wesihlalo sebukhosi lesasifanana nelitje lesafaya, futsi kulomfanekiso wesihlalo sebukhosi kwakunemfanekiso ubukeka njengemuntfu. ²⁷ Ngabona umuntfu lafana nensimbi lekhatimulako nemlilo ngekhatsi kwayo kusukela ekubonakaleni kwetingculu takhe kuya etulu; ngabona kusukela etingculwini takhe kuya phansi umfanekiso wemlilo kanye nekukhanya ndzawo tonkhe. ²⁸ Njengemfanekiso wemushi wenkosazana ekhatsi emafini nalina kwakunemfanekiso wekukhanya lokugcamile utungeletele. Kwakubukeka kufanana nenkhatimulo yaSimakadze. Ngatsi nangikubona, ngawa ngebuso, futsi ngeva livi likhuluma.